عـلـبـهـ الـبـاور جـنـنـتـنـي ...

[:": ACCORD :":]

السلام عليكم

كيف الحال شباب عساكم بخير

حبايب قلبي ابغى تشوفون لي حل والله كرهت السياره بسبت هالشي

بالبدايه زيت الباور قام يسرب عندي من اكثر من جهه وجطلت حق هالشي وكل ما فضت العلبه من الزيت عبيتها من جديد
وبعد فتره طفشت كل يومين اشتري علبه زيت باور ب 36 ورحت وديتها الورشه وقالوا لي غسلها وجبها لنا
حق نشوف من وين تسرب ووديتها المغسله وغسلوها ورجعتها لهم
ووغيروا الاهواز وضلت تسرب من العلبة الفوقيه والتحتيه وقالوا اشتر اصلاحات للفوقيه والتحتيه

وضلت فتره معاي اوكي بعد اسبوعين رجعت نفس المشكله الدركسون يعك عندي ويطلع اصوات

ووديتها الورشه وقالوا يمكن تسرب وطلع مافيه تسريب وقالوا لي يبغالك العلبه الفوقيه تغيرها

ويوم رحت الوكاله قالي سعرها ب 2400 غاليه مره وقلت مالي الا التشاليح وحست تشاليح الحسا وماحصلت القطعه

ورجعتها حق راعي الوكاله وقالي انا اعرف محل زين يمكن يساعدك ورحت الصناعيه وفكوا العلبه وطلعت المشكله بسبت راعي الورشه اللي ركب الاصلاحات والسبه انه ركب الشفرات حقين العلبه عكس وتأكلت الشفرات وقامت ما تسحب الزيت وطلع الشفرات وصنفرهم وركبهم عدل وضبطت العلبه لمده ثلاث ايام بس ورجعت مثل اول بس اخف بشوي

الموووهم ابغى اشوف حل والله طفشت لي يمكن 3 شهور وانا على هالحال والله طلعت لي عضلات بسبت هالدركسون
والوكاله غاليه مره واللي يقدر يساعدني لا يبخل

وللمعلوميه السياره اكورد 2005 ماشيه 170 الف

انتظر مساعداتكم

اخوكم بو نواف

[meshoo]

والله ياشيخ حاول تلف التشاليح الي بالدمام بعد وتاخذ منها القطعه واذا ماحصلتها مالك الا انك تشتريها من الوكاله

وحاول انك تصلحها بالوكاله اضمن لك شوف الورشه كيف مرمطوك وشغل مشي حالك

على الاقل الوكاله تقدر تحاججهم

ولاتنسى تودي سيارتك الفحص السنوي المجاني وبيشيكون على سيارتك ويعطونك الخرابات والقطع واسعارها وفوق هذا خصم 20%

وبالتوفيق لك ان شاء الله

[:": ACCORD :":]

والله انا كلمت واحد من ربعي بيروح الرياض عنده برضوا مشكله بالاكورد حقته قلت له شوف لي علبة باور بالتشاليح

المشكله ياخوي بالوكاله غاليه وانا طالب مدرسي من وين لين 2400 حق بس علبه والوالد يقولي طفشتني بسيارتك والمشكله ماقدر اطلع برى الدمام او الرياض <<< توني صغير :o

بس اقدر لثبت انه موجوده بتشاليح الدمام علبه باور اقدر اروح اجيبها اكلم احد والا اكلم الوالد

وسالفه الفحص مادري عنها ؟؟؟

[:": ACCORD :":]

up

^^^^

[meshoo]

روح سوي الفحص السنوي المجاني منها تشوف مشاكل سيارتك بشكل عام ومنها تسعر قطعة البور بعد الخصم

[البــــــاشا]

ياحبيبي الشغله واضحه روح على الوكاله وسوي الفحص المجاني

وبتعرف المشكله

[:": ACCORD :":]

طيب وحنا بالاحساء ماعندنا وكاله مافيه الا بالدمام

وكيف طريقه الفحص المجاني

لاتلوموني ماعمري دخلت وكاله

[أكورداوي]

طيب وحنا بالاحساء ماعندنا وكاله مافيه الا بالدمام

وكيف طريقه الفحص المجاني

لاتلوموني ماعمري دخلت وكاله

أبد ياطويل العمر ,, تروح الوكاله الي على طريق الدمام - الخبر .. وكلها نص ساعه يسوون الفحص وتخلص ,, ويشوفون العلبه ويكتبون لك على ورقه تحتفظ فيها عندك .. ووقت ماتبي تروح تصلحها .. تصلحها وتعطيهم هالورقه عشان يسوون لك خصم 20% على القطع والأجور ’

[B Useful]

^^ والورقة هذي صلاحيتها 3 اشهر ، متى ما توفر المبلغ الخصم جاهز ^^

قيمتها بالتشليح حدود 800 ريال ،، لكنها اول شي يخلص في اي اكورد في التشليح !!