ياليت تحدد منطقتك بالضبط عشان نعرف يالغالي ,,
والله ييسرها لك وتنحل ..
الأخوة الأفاضل
السلام عليكم ورحمة الله وبركاته
عندي هوندا اكورد 2002 ومشكلتي تتلخص في الجيربوكس كالتالي:-
- رجة مزعجة في الجير قبل التعشيق مباشرة، علماً بأنه يعشق بوقته طبيعي.
- صوته مرتفع عند التشغيل.
- بعد ما اتجاوز 100 او 120 واترك دواسة البنزين يطيح العزم بقوه.
اللي قاطع قلبي اني مالي 6 شهور مركبه مستعمل بعد ما خبط الأول! وكل ما رحت ورشة قالوا لي ركب موضب او اعمل له توضيب. وانا حاس ان المشكلة ابسط من كذا.
اللي يعرف لي ورشة فيها فلبينيين او باكستاني امين....اهم شيء مابي يمنيين.
وشكرا لاهتمامكم مقدماً.
ياليت تحدد منطقتك بالضبط عشان نعرف يالغالي ,,
والله ييسرها لك وتنحل ..
السلام عليكم و رحمة الله و بركاته أنا بلخص لك الحل من واقع تجربتي : أولاً : بما إنك مركبه من فتره بس تأكد من زيت القير ،، أو غيره ،، تأكد من كرسي القير الأمامي و الخلفي ،، إحتمال يكون واحد فيهم مكسور ،، و إنشاء الله أمورك طيبة .. ثانياً : إذا شفت إن ما فيه فايده .. لا توضب.. و لا تركب واحد موضب.. روح التشليح إلي بالصناعية و بتلقى أنصاف لسيارات هوندا أكورد و عليها القير بس كل الي عليك تتفاوض بالسعر و تشوف لك ورشة محترمة تركبه لك و كذا أنت وفرت أكثر و إحسبها .. تحياتي لك أخوي و أتمنى إني قدرت أفيدك
دي مشكلة القير المستعمل ..
ياخي انت ما تدري كيف كان يستعمله صاحب السيارة الا قبلك ..
انا واحد من الناس الا موضب قير سيارته .. سيارتي اكورد 2004 .. موضب قيرها .. والسيارة ما شاء الله عليها والله يبعد عيون الحساد عنها رجعت كأنها وكالة
التوضيب بكل بساطة .. فتح القير وتفكيكه وتنظيف كل قطعة فيه واستبدال التالف منها ..
يعتمد سعره حسب السيارة وحسب المشكلة .. بالنسبة لي .. احتجت
1- Gaskits قيمتها 583 ريال ..
2- تروس .. قيمتها 800 ريال
3- بيرنج قيمته 124 ريال
4- 7 علب زيت قير ..
Honda Inspire : The other face for German Currency
الأخوة الأفاضل
السلام عليكم
اكورداوي
شكرا لمرورك وتفاعلك،
وأفيدك أني في مدينة الرياض.
سنايبر
شكرا لمرورك وتفاعلك،
أنا أغير زيت القير بانتظام، والكرسي الرئيسي اللي بين المكينة والقير ممتاز اما الثاني ما ادري عنه.
وفكرة نصف السيارة حلوة وجديدة علي بفكر فيها.
الهادف
شكرا لمرورك وتفاعلك،
مشكلتي اني كنت مسافر عليه الإمارات وخبط علي هناك واضطريت اركب له مستعمل ما عندي وقت للأسف!
وياليت تدلني على الورشة اللي وضبت فيها القير إذا كانت بالرياض.
السؤال اللي ببالي ومحيرني:
ما مدى الضرر اللي ممكن يلحق بالجيربوكس بوضعه الحالي لو سافرت عليه مشوار طويل (الإمارات مثلاً أو جده)!
وتقبلوا فائق تقديري ،،،
والله مشكله انت :d اسمع مادري والله وش جااه قيرك بس انا معي اكورد 2001 واول قير خبط وغيرته بمستعمل يوم اخذت المستعمل
جلس معي 6 شهور وخبط :( وقلت مالي الى اوظب وظبت قيري ولا احلى منه مشاء الله تمااام وضبته ب3000 ريال في ورشت الخميس متخصصون في هوندا في الصنااعيه البديعه الي على متداد شارع المدينه بقرب من البديعه مول :dونشاء الله تكون بسيطه انت غير زيت الجير اذا ظبط معك ولا مثل ماقلت لك ونشاء الله بسيطه يارب اتمنى اكون افدتك ;)
مواقع النشر (المفضلة)