السلام عليكم ..

انا صارلي حادث وانعدم الصدام الخلفي وسيارتي لونها بيج اللون الجديد ..

روحت الوكاله وقالي شغل يد فقط 700 قولنا مو مشكله اهم شي اللون يكون نفسو ..

قالي مستحيل مهما كان يتطابق اللونين وذلك لانو الصدام بلاستيك والبودي حديد ..

قولت اجل ماابغا اسويه عندكم .. روحت عند مودا كار وقالي اسويه لك بـ 900 لكن برضو مستحيل يطلع نفس اللون

قولت اجل ماني مسويه عندكم

اخر شي روحت العيتاني ورميتها عندهم وقالي يزبط بس 90 % ونفس كلام الوكاله

روحت قبل شويا شوفت السيارة .. للاسف بااااااااين الاختلاف في درجة اللون رفضت استلم السياره

قالي خلاص نلمعلك السيارة عشان يخف الاختلاف دحين وتعال بعد العصر استلمها وان شاء الله خير ...

عموما حبيت اوضحلك انو مستحيل يتطابق نفس اللون مهما كان ..

وفعلا وراني كل السياارت الي عندو في الورشه من لكزس الييين فيراري ومرسيدس فعلا الاختلاف موجوود

لكن للموسوسين والي يبغى يدقق في السياااره ..

قلي حتى لو رشيت السياااره كامله راح يكووون في فرق


بعدين اخوي العزيز انت سيارتك ع الاقل مرت عليها سنه من يوم ماطلعت من الوكاله يعني اتوقع لابد من

وجود فرق ..

بينما انا سياارتي يادوب كملت كم شهر وفي اختلاف في درجة اللون ..

اتوقع شي طبيعي جدا .. وكلام الوكاله صحيح

لاحظ اني روحت عند افضل الورش الموجودة في جدة وقالولي نفس الكلام ..


دمت بود