السلام عليكم احبائي أعضاء المنتدى ...

كثر الحديث عن الزينون واش الاصلي منه واش التقليد .. اما انا بصراحه ركبته مره وحررمت اركبه مره ثانيه ... ولكن
يا جماعه شكله لا يقاوم على السياره ...

البعض بيتسائل ليش ما تبي تركبه ؟؟

انا كان كان عندي كامري قراندي 2002 وركبته ولا اروع جميل جدا جدا ولكن بعد حوالي سنه من الاستخدام ويوم فكيت الشمعه عشان اغير اغطيتها من اثر العج وجدت ان وهج الزينون قد اكل الماده النيكليه المحيطه بمكان اللمبه وخصوصا من تحت وصارت بيضاء او بيج ..
طبعا هذا رايح يأثر على الرؤيه وبالتالي مع الوقت يبي لك تغير الشمعه كامله وعاد شوف واش يلحقها من تخريب وزنيه ومن ومن بالإضافه الى الخساره ..

طيب خلونا نقول ان الكامري كانت شمعتها اي كلام ... ناخذ اراء اعضاء المنتدى اللي ركبوا زنون على سياراتهم الهوندا من فتره طويله ونشوف اذا طال سياراتهم نفس التأثير في شمعاتهم ولا علما بأن عندي اكود 2008 وناوي اركب لها زنون ولكن متردد ...