استفسار بخصوص الزينون ولمبات اللكزس...

**اكورد لؤلؤي** · 18-09-2006, 10:51 PM

السلام عليكم

كيف حال اعضائنا الموقرين

ان شالله طيبين

المهم نخش في الموضوع

الموضوع ومافيه اني ودي اركب لمبات اللكزس الي في اللوحه

حقت الجي اس الاصليه

بشتريها من الوكاله وسعرها 166 ريال بعد التخفيض

وكل شي تمااااام لكن فيه شي واحد

ان لمبات اللكزس تجي لمبتين في سلك واحد

وانا قلت للهندي الي بيركبها لي قال كيف...؟؟

قلت والله مدري بس هذا الي اعرفه

قال لازم اشوفها قبل واقولك تركب ولا لا

وانا مابي تجريح واو توليف وخرابيط

وانا خايف اشتريها واتورط ماتركب او شي زي كذا

وحبيت اسئل الشبااب الي مركبينها او لهم خبره في الكهرب اذا مافيه كلافه

وحبيت بعد اخذ رايكم في الزيون

هل اغير شمعه الوكاله وراكب الشمعه الي فيها عدسه

وسعرها 1000 ريال الثنتين

ولا اركب الزينون بدون احسن

وش رايكم...؟

هل العدسات بتضبط الزيون ولا تخليه متشتت ولا خساير على الفاضي

ولا شكل شمعات الوكاله احسن..؟

واسف جدا جدا على الاطاله

ومشكورين مقدما

...

**الاخطبوط** · 19-09-2006, 12:03 PM

مساء الخير يالؤلؤي

لمبات اللكزس حقت اللوحه

تركب باستخدام سلك واحد والثاني يكون غير مشبوك

بس حسب ماسمعت من اللي استخدموها انها سريعة الاحتراق ماتطول معك الا وهي طافيه

لو فيه غير الكلام هذا كان انا اول واحد اركبها

نرجع حق محور حديثنا >>>> اي محور الله يهديك

الزينون على اسطبات الوكاله حلو ولا يجيك مشتت اذا الزينون ابيض مو مثل الازرق يجيك مشتت شوي

والعدسات التجاريه يقولوا انها غير عمليه ابدا يعني النور يجيك مشتت والشمعه الحلقيه تنحرق بسرعه

ركب زينون على اسطبات الوكالة افضل

ومشكورين مقدما

عفوا مؤخرا :d

**Accord 4 EvEr** · 19-09-2006, 10:34 PM

أخوي انا افيدك بحل احسن وارخص بواااجد ...

رح لمحلات تلغيم المواتر بتلاقي عندهم انوار ليد

تجي مكان اللمبه الصفرا ويجي فيها اربع لمبات ليد صغار

ونورها كأنه لكزس واحسن بعد بس مشكلتها كل شهر يبي لك تغير اللمبه

وقيمتها 10 ريال ...

انا مركبها على اكوردتي وعال العال ولاتجريح اسلاك ولاتقطيع ولاشي,,,

ولو تبي تشوفها راكبه على الموتر رح على منتدى المراسلين وعلى تجمع الشرقيه الثاني
شف اكوردتي بنورها ..

فوتكوو بعافيه....

**BLK** · 19-09-2006, 10:52 PM

أقدر أفيدك بالنسبة للزينون ....

شكله أحلى بكثييييير على اصطاب الوكالة ....

**الماستر حنوم** · 19-09-2006, 11:02 PM

اقدر افيدك من ناحيه الاصطبات العدسات
الي موجوده في قوة الاحلام سعرها 1100 وتقوي الزنون وتخليه يفرش وشكله روعه بس ركبها قبل الزنون لان لها شمعات خاصه او ركب كل شي عند المحل هذا

**اكورد لؤلؤي** · 22-09-2006, 02:35 PM

يعطيكم الف عافيه

والله شكلي بركبه على حق الوكاله اصرف

وارخص بعد

ولمبات اللكزس صراحه خوفتوني

اخاف اشتريها بـ 200 وتحترق بكره

لكن ننتظر رد الاخوان الي مركبينها

ومشكورين يالغالين وماقصرتو...

**H @ Z ! M** · 22-09-2006, 05:46 PM

اي والله حتى انا محتار وودي اركب أنوار اللكزس لكن متخوف

لكن التفاصيل كلها عند أخونا أكورد الجنوب لأنه مركبها

احنا بانتظاره

**اكورد لؤلؤي** · 29-09-2006, 04:51 PM

ابشركم ياشبااااااااااب

ركبت الزينون الحمد لله

ركبت فيلبس في محل في الجنوب اسمه اضواء الزينون

معروف واتوقع اغلبكم يعرفه

ومشالله شغلهم مضبوط لاتجريح ولا خرابيط

والزينون ماعليه كلااااااااام

والي يعرفه يقولي رايه فيه

وانا ان شالله بنزل الصور في اقرب وقت

واشكر لكم اهتمامك يالغالين

وماقصرتو...

**ابو نايف** · 29-09-2006, 09:56 PM

الزينون صراحة في الغرابي محل ولكن في الخلف ركبت عنده اسمه (انتر بور) ركبت نوع كوري ضمان 3 سنوات ومن دون تقطيع اسلك فقط يشبك سلك المبه في المحول ومن المحول في الشمعه وقالي ان الكوري اجود من الالماني الي في السوق لانه بس اسم انه الماني

الموضوع: استفسار بخصوص الزينون ولمبات اللكزس...

أدوات الموضوع

عرض

استفسار بخصوص الزينون ولمبات اللكزس...

المواضيع المتشابهه

استفسار بخصوص الزينون 2004

استفسار بخصوص لمبات الوحه حقات اللكزس ..!

استفسار بخصوص الزينون

مواقع النشر (المفضلة)

مواقع النشر (المفضلة)

ضوابط المشاركة