نفس المشكله الأولى عندي
بس ما شفت حل
السلام عليكم
شباب فيه مشكلة في الأكورد 2008 وهو العزم وقوة المكينة لما تجي تشغل الميكف يطيح عزم السيارة وتصير ثقيلة وبدون المكيف زي العسل
وتحس التغييرات تبع القير مع المكيف ثقيلة جدا وبالقوة تغير بين النمرات بينما بدون المكيف الجير يغير بسرعة وسلاسة
فهل هذا من عادة الأكورد في الموديلات القديمة وإلا السيارة فيها مشكلة ؟؟
اللي عنده نفس المشكلة يخبرنا ونحاول نشوف الحل
......!!!!
الشيء الثاني : السيارة لما تجي توقف مثلا في زحمة وتدعس وتوقف وتدعس تحس بتغييرات ثقيلة في القير
واذا ابي ادعس بتسارع سريع احس السيارة ثقيلة ما تعطيك دعسة
فما هو الحل ؟؟؟
نفس المشكله الأولى عندي
بس ما شفت حل
انا مادري عن سالفة التغييرت مع المكيف بس فعلاُ الموتر يفرق مع المكيف مو العزم بس النور تحسه يضعف كل ما الكومبرسر اشتغل وطفى..
انا عندي إذا حطيته دي احس في رجه شوي خفيفه إذا دست راحت
ولا ادري والله
لكن الي مزعجني الديكور المكيف يطلع صوت إذا اكلت حفره ولا عيون قطط ولا اي شي..
ويقولون من تمددها مع الشمس وانكماشها..
بالنسبة للمكيف فهو تقريباً في جميع السيارات يثقلها في القومة ، اما في الزحمة فمحرك آي فيتك الكتروني يستشعر الدعسة بعد ثانية وبرضه تصير معاي وياشينها مع المكيف وزحمة تحس الموتر ثقيل .
نفس المشكلة عندي ... وعجزت ألاقي لها حل
المهم عملت سوفت وير للكومبيوتر حق الماكينة وحق الجيربوكس
بعدها حسيت أنه في تغيير عن أول
لكن العزم خايس حتى طلعت فيها أبها والسيارات من جنبي ماشاء الله تبارك الله
أما الأكورد أعوذ بالله .... تقول أني طالع على رجلي
من يعرف لنا حل لمشكلتنا أرجوا المساعدة
حتى فكرت اكثر من مرة أني أبيعها وأخذ غيرها ... لكن للحين مالقيت السيارة المناسبة
^^ الحمد على كثر ما اطلع ابها احصلها تفز وفي العقبة زي اللوز حتى المكينه ماتسمع لها صوت ..
يمكن لانها 6سلندر ..
شباااب ليش تتعبو انفسكم طبيعي ياعالم السياره اربع سلندر وطبيعي مع المكيف يكون عزمها ضعيف لانو الاكورد اصلا الشكل دا ثقيل تقريبا وزنها اثنين طن وشوي كلام المهندس في الشركه. فاطبيعي يكون عزمها ثقيل جدا مع الزحمه ومع المكيف وايضا مع طلوع الجبال
واللي يسأل عن ديكور المكيف والاصوات كان عندي ورحت للشركه وفكو طبلون المكيف وحطو وراه قطعه بلاستك وركبوه مره ثانيه وراح الصوت الحمد لله
بالنسبه للv6 طبعا تفرق في طلوع المنحدرات اكيد هورس زياده اكيد في قوه زياده وتحياتي لكم ذكرتوني لما طلعت الكر في الجبل ومعايا الاهل ومكيف والخط واقف تحس ياراجل السياره تقولك انزل دفني من ورا هههههههههه حياكم
مواقع النشر (المفضلة)