><وش صار لي في كار كير فرع البديعه ><

**A C C O R D 0 8** · 20-08-2008, 06:32 PM

تخيلو ياشباب توني جاي من محل كار كير اللي بالبديعه :d << جنب بيتهم :o

المهم تخيلو وش اللي صار ..

قدر الله علي واقتنعت بفكره رش وامش الخطيييييييره :d ..

رشاش من مواد خاصه يبخ على الوجهيه كامله وتخيله لفتره عشان ينشف وبعدها تمسك الخط واذا وصلت بالسلامه وودك تشيله .. ياترش عليه مويه ويروح من نفسه او تقشره قشر كنك تقشر يوسفندي ولا اي شي عااد :p..

والبخاخ لقيته بـ 60 تريل .. ريالن ينطح ريال .. صرااحه قيمته حلووه بس المشكله ماكان معي فلوس وحاسب حسابي على 40 :o وتورطت ولا كان نزلت صوره هنا ..

الشي الغريب اللي حصلته , اني سألته عن التلميع الكامل للاكورد :o ومع طبقه حمايه وفلم حامي للوجهيه ..

قال لي بـ 2800 ريال .. اي والله بـ 2800 .. مع اني سألت قبل في زيبارت وقالو لي بـ 1350 .. يعني من جد فررق بس قال لي الفلبيبني اللي اسمه مارك كلم راعي المحل وان شاء الله يراعيك .. وتحصل رقمه على الاعلان بداخل المحل .. بس من العجز مادقيت عليه :p

<< قصدك من الصدمه والله ;) ..

ويقول لو تبي فلم حامي للوجهيه بس راح يكون عليك بـ 2500 ريالن ينطح ريال ..

والتلميع الخارجي بـ 700 والداخلي والخارجي بـ 900 ..

والله اني مستغرب مدري وش السالفه ..وش رايكم بهذي الاسعار تتوقعون ان المحل سعره هذا مناسب ..

لاني بصراحه اول ماقال لي الاسعار صار وجهي بالضبط مثل تسذا ..

**ثــلــج مــشــوي** · 20-08-2008, 06:36 PM

المحل ما ارتحت له كم مره جيته

>>>جنب بيتهم :p

**أكورداوي** · 20-08-2008, 07:13 PM

أما التلميع الخارجي ب 700

ياعمي قله يقولك أكورداوي أطلع من مخي

نار ياحبيبي نار

**دحوم** · 20-08-2008, 07:13 PM

2800ريال ماشاء الله وش ذا الرخص ، اقول Black Accord 2008 بلا تلميع بلا هم اللي يشوفك يقول موترك 2003 ماشاء الله 2008 يعني لسى لمعتها فيها انا انصحك بحاجة وحدة بس لأهميتها طبعاً الفلم الحامي للوجهيه بس اما تلميع داخلي وخارجي مااحد يقدر يقول بايخ بس منبع البياخة من السعر نفسه سرق عيني عينك والله لو انهم جالسين يلمعون في ارمادا مو اكورد .

**الـمـسـافـر** · 20-08-2008, 07:47 PM

غاااااااااااااالي السعر

اذا تبي خصم 30 % عندي كرت

دق علي انت وابشر :d

**amer09** · 20-08-2008, 07:57 PM

تعال عندي وانا اوديك عند واحد يلمع ابوها من جوه ومن برة ب 300 الى 350

بلا 900 بلا خرااااابيط

**HonDa 2o0o** · 20-08-2008, 09:25 PM

سيم سيم كلام انت

انا مضلل عندهم بـ 1500 عازل حراري بصراحة تضليلتهم ما عجبتني
اترك السيارة برا بالشمس وان فتح الباب القى داخل السيارة حرارة طبعا رجعت لهم وقلت لهم السالفة قالي الفلبيني كلم راعي المحل
عطاني رقمه وكلمته وقال لي هذا طبيعي تكون الحرارة داخل السيارة لان ارضية الزفلت وحرارة الحديد اسفل السيارة تسوي الحرارة هذي <<<<< معقول والمشكلة قال حل اني اذا شغلت السيارة وحميتها اشغل المكيف على 2 واترك الدرايش مفتوحة لمدة 3 دقايق <<<< يقال انه حل الحين

طبعا ما اقتنعت بكلامه والى الحين اعاني من حرارة الشمس ولا كأني مضلل

بالله شرايكم فيهم

طبعا انا سويت عندهم تلميع الشمعات بـ 200 ريال <<< من جد غالي
عموما تبون النصيحة لا احد حتى يمر من عنده :d

.

**ن ع ر السعودية 0005** · 21-08-2008, 02:45 AM

والله غالي أنا مريت وسألته عن التلميع الخارجي قال 350 ومع الغسيل الداخلي والتلميع برضو ب350 وعندنا في القصيم كل هذا ب300 داخلي وخارجي لا وبعد سألته عن حماية الوجهية كاملة قال 5000 وين يابو زرف عيني عينك على إش مدري وأحسن ما زينو رش ومش فقط .

**أبوعبدالله** · 21-08-2008, 03:38 AM

الله يعينكم بس انا تضليله ومبهذليني المرور معها

وحامي للوجه ما هضمته

**A C C O R D 0 8** · 21-08-2008, 04:03 AM

المشاركة الأصلية كتبت بواسطة NETRO

المحل ما ارتحت له كم مره جيته

>>>جنب بيتهم :p

والله وانا زيك بس بصراحه شفت عنده كم موتر وقلت شكل المحل بطل وشغله اوكيه واسعاره تمام خصوصا انه توه مااشتهر ذيك الشهره اللي تخليه يسوي كذا ..

بس كانت المفاااجأه

يعطيك العافيه على ردك وتسلم

**A C C O R D 0 8** · 21-08-2008, 04:03 AM

المشاركة الأصلية كتبت بواسطة أكورداوي

أما التلميع الخارجي ب 700

ياعمي قله يقولك أكورداوي أطلع من مخي

نار ياحبيبي نار

ايه والله ياااكورداوي ..

من ناحيه اقوله والله صعبه اخاف اكلمه واطب فيه :d

بس والله اسعاره ناار بس الشغل ماادري والله

بس مهما كان ماتوصل لهالدرجه ..

على العموم يعطيك العافيه ربي

**A C C O R D 0 8** · 21-08-2008, 04:04 AM

المشاركة الأصلية كتبت بواسطة دحوم

2800ريال ماشاء الله وش ذا الرخص ، اقول Black Accord 2008 بلا تلميع بلا هم اللي يشوفك يقول موترك 2003 ماشاء الله 2008 يعني لسى لمعتها فيها انا انصحك بحاجة وحدة بس لأهميتها طبعاً الفلم الحامي للوجهيه بس اما تلميع داخلي وخارجي مااحد يقدر يقول بايخ بس منبع البياخة من السعر نفسه سرق عيني عينك والله لو انهم جالسين يلمعون في ارمادا مو اكورد .

والله يادحوم فاهم عليك وربي ..

بس من جد قمه الاستغلال ورفع السعر على غير هدف .. يعني لو زيبارت قلنا شركه كبيره ولها اسمها بالسوق ..

ولو كانت في كول ولا لومار ولا اي شركه مهتمه بالعنايه بالسيارات عموما كان قلنا ممكن مع التحفظ على السعر نوعا ما ..

لكن هالمبلغ وعلى اشياء عااديه مرره يعني ..

على العموم بصراحه ماقصرت مرورك شرف لي يالغالي ..

حياك ربي ..

**A C C O R D 0 8** · 21-08-2008, 04:04 AM

المشاركة الأصلية كتبت بواسطة الــمــســافــر

غاااااااااااااالي السعر

اذا تبي خصم 30 % عندي كرت

دق علي انت وابشر :d

هههههههههههه من ناحيه السعر والله غالي غالي ..

اما على الخصم ماهقيت والله لي نيه فيه يعطيك الف عافيه ويمكن انت تحتاجه لموترك :d

بس تسلم والله على ردك .. وعارف انك انسان مشغول ولك اشغالك واهتماماتك لكن مريت علي بهالموضوع :o .

يعطيك ربي الف عافيه ماقصرت نورتنا طال عمرك ;)

**A C C O R D 0 8** · 21-08-2008, 04:05 AM

المشاركة الأصلية كتبت بواسطة اتحادي حتى اخريوم بحياتي

تعال عندي وانا اوديك عند واحد يلمع ابوها من جوه ومن برة ب 300 الى 350

بلا 900 بلا خرااااابيط

ههههههههههههههههههههههه

فيه يالغالي والله فيه ..

بس الواحد مايدور الرخيص وبس .. ولا فيه اللي بيدور بيحصل ..

لكن نبي الشغل الاوكيه والسعر الاوكيه بعد

حيااك رببي ومشكور على مرورك ..

**A C C O R D 0 8** · 21-08-2008, 04:07 AM

المشاركة الأصلية كتبت بواسطة هوندا 2000

سيم سيم كلام انت

انا مضلل عندهم بـ 1500 عازل حراري بصراحة تضليلتهم ما عجبتني
اترك السيارة برا بالشمس وان فتح الباب القى داخل السيارة حرارة طبعا رجعت لهم وقلت لهم السالفة قالي الفلبيني كلم راعي المحل
عطاني رقمه وكلمته وقال لي هذا طبيعي تكون الحرارة داخل السيارة لان ارضية الزفلت وحرارة الحديد اسفل السيارة تسوي الحرارة هذي <<<<< معقول والمشكلة قال حل اني اذا شغلت السيارة وحميتها اشغل المكيف على 2 واترك الدرايش مفتوحة لمدة 3 دقايق <<<< يقال انه حل الحين

طبعا ما اقتنعت بكلامه والى الحين اعاني من حرارة الشمس ولا كأني مضلل

بالله شرايكم فيهم

طبعا انا سويت عندهم تلميع الشمعات بـ 200 ريال <<< من جد غالي
عموما تبون النصيحة لا احد حتى يمر من عنده :d

.

888888888

وهذا رد واحد مجرب شغلهم بالتضليل ..

يعني والله شي مدري كيف ..

لا تضليل اووكيه ولا سعر اوكيه ولا شي اوكيه ..

اللهم رش وامش والي عرفته من الفلبيني انه بيزيد سعره بعد كم يوم ..

يعطيك ربي الف عافيه اخوي والحين بان شغلهم انه مدري كيف ..

**A C C O R D 0 8** · 21-08-2008, 04:08 AM

المشاركة الأصلية كتبت بواسطة ن ع ر السعودية 0005

والله غالي أنا مريت وسألته عن التلميع الخارجي قال 350 ومع الغسيل الداخلي والتلميع برضو ب350 وعندنا في القصيم كل هذا ب300 داخلي وخارجي لا وبعد سألته عن حماية الوجهية كاملة قال 5000 وين يابو زرف عيني عينك على إش مدري وأحسن ما زينو رش ومش فقط .

لا انا فرق بيني وبينك يمكن اللون او يمكن السياره ماادري عنهم ..

احس الاسعار كذا بالنيه ..

يعطيك الف عافيه وحياك ربي ..

**A C C O R D 0 8** · 21-08-2008, 04:09 AM

المشاركة الأصلية كتبت بواسطة ارع السعودية 3847

الله يعينكم بس انا تضليله ومبهذليني المرور معها

وحامي للوجه ما هضمته

حياااك اخوي ..

من التضليله يمكن انت مثقلها ولا شي .. نقول انت اللي اخترت الثقل ..

لكن الاسعاار نااااااااااااار وربي .. يعني شي مايدخل المخ والله ..

يعطيك العافيه ربي ..

حياك بكل موضوع :o:d

**محمد بن عبد العزيز** · 21-08-2008, 04:15 AM

المشاركة الأصلية كتبت بواسطة الــمــســافــر

غاااااااااااااالي السعر

اذا تبي خصم 30 % عندي كرت

دق علي انت وابشر :d

خلاص بطلو من الخصم ... وولى زمانه .. لو تروح له بالكرت بيسحب عليك يقول انت قديييييييييييييييييييم مره .. راجعنا ع الخصم الجاي..

واللي بيقولك .. نقعه واشرب مويته:p

**فقير الحظ** · 21-08-2008, 04:19 AM

والله حلو سعر البخاخ بـ 60

الحين نرش على الخط بـ 35 ريال رشه وحدهـ ..!

يعطيك الف عافيه خيوو

**A C C O R D 0 8** · 21-08-2008, 04:34 AM

المشاركة الأصلية كتبت بواسطة فقير الحظ

والله حلو سعر البخاخ بـ 60

الحين نرش على الخط بـ 35 ريال رشه وحدهـ ..!

يعطيك الف عافيه خيوو

ايه وهو اتوقع زي ماسمعت انه يكفيك سفرتين ..

حياااك ربي شرفتنا .. تعال كل يوم :d

**Deeno** · 21-08-2008, 08:55 AM

عاد والله فيه ناس تمدحه واجد..
غريبه كل هذا سمعه..الحين وش الزين اجل لي كم يوم ادور لي محل على سنع بضلل عنده شفاف ماحصلت شي يرضي الخاطر..:(

**kakashi-san** · 21-08-2008, 11:50 AM

السلام عليكم

اهلين محمد

والله يا خي من جد غالييينْ اسعاركمْ ،

تعال عندنا الأحساء وأوديك محل بـ 200 ريال تلميع خارجي ، و 180 داخليْ ،

يعني المجموع للتلميع 380 ريالْ ،

أما سالفة رش وامش ، ما هضمتها ابدْ ،

عندي احط شامبو لا دموع بعد اليوم احسن ليْ ،

وشسمه ؛ نشوفــِك ع خيرْ ،

**A C C O R D 0 8** · 21-08-2008, 01:19 PM

المشاركة الأصلية كتبت بواسطة kakashi-san

السلام عليكم

اهلين محمد

والله يا خي من جد غالييينْ اسعاركمْ ،

تعال عندنا الأحساء وأوديك محل بـ 200 ريال تلميع خارجي ، و 180 داخليْ ،

يعني المجموع للتلميع 380 ريالْ ،

أما سالفة رش وامش ، ما هضمتها ابدْ ،

عندي احط شامبو لا دموع بعد اليوم احسن ليْ ،

وشسمه ؛ نشوفــِك ع خيرْ ،

ياابعد تسبدي انت :d

جاايك جااايك انا اصبر بس يمكن الاسبوع الجاي ولا اللي بعدهـ :d

بس والله يافيه غلا بالاسعار شي موب طبيعي بالحيل ..

وان شاء الله ذا اللي تعرفه شغله اووكيه لايحوس الموضوع علينا بس :p

يعطيك العافيه وحياااك ربي ..

**A C C O R D 0 8** · 21-08-2008, 01:20 PM

المشاركة الأصلية كتبت بواسطة Deeno

عاد والله فيه ناس تمدحه واجد..
غريبه كل هذا سمعه..الحين وش الزين اجل لي كم يوم ادور لي محل على سنع بضلل عنده شفاف ماحصلت شي يرضي الخاطر..:(

والله شوف الناس اذواق وممكن مشى مع فلان ومامشى مع فلان ..

لكن الافضل حتى الان من ناحيه العزل الشفاف في كوول

ومن عدهـ نواحي اخرى بعد ..

**الاكورد وبس** · 21-08-2008, 09:29 PM

المشاركة الأصلية كتبت بواسطة kakashi-san

السلام عليكم

اهلين محمد

والله يا خي من جد غالييينْ اسعاركمْ ،

تعال عندنا الأحساء وأوديك محل بـ 200 ريال تلميع خارجي ، و 180 داخليْ ،

يعني المجموع للتلميع 380 ريالْ ،

أما سالفة رش وامش ، ما هضمتها ابدْ ،

عندي احط شامبو لا دموع بعد اليوم احسن ليْ ،

وشسمه ؛ نشوفــِك ع خيرْ ،

اخوي انا من الاحساء ابغى اعرف اي محل تتكلم عنة ارجو لاجابة

الموضوع: ><وش صار لي في كار كير فرع البديعه ><

أدوات الموضوع

عرض

><وش صار لي في كار كير فرع البديعه ><

مواقع النشر (المفضلة)

مواقع النشر (المفضلة)

ضوابط المشاركة