اسمح لي أخوي ...
راح أنقل الموضوع إلى قسم المشكلات و الحلول و الأداء ...
لأنه هو المختص بمثل هذه المواضيع .....
السلام عليكم ورحمة الله وبركاته
واخيرا ولله الحمد بعد بحث واستفسار وعناء دام لفترة طويلة من الزمن اشتريت الأكورد اللون الذهبي موديل 2006....
اخواني عندي استفسارات عن السيارة:
انا مرات لما اكون في وسط الزحمة,, طبعا الواحد يضغط فرامل بشكل مستمر.. فلما ادعس الفرامل وافكها ثم ادعس وافكها باستمرار يطلع صوت غريب منها (والله ماني داري صوت ايش).. بصراحة خوفني الصوت هذا وفكرت اروح الصيانة اكلمهم بس قلت خليني اطرح استفساري على الشباب ويمكن في حل..
وغير كذا لما اخذت السيارة من الوكالة الساعة 7 المغرب ورجعت البيت الساعة 7.30 حسيت حرارة مرتفعة جدا في الجانب الأيسر من السيارة (يعني جهة السواق) في الكبوت فوق الاصطب.. حتى اني ما اقدر احط يدي لمدة ثلاث ثواني على تلك المنطقة!!! كلمت واحد من الشباب عنده نفس سيارتي وقلي انه عنده نفس المشكلة,, وواحد عنده اوديسي ونفس المشكلة..
انا سمعت انه يمديك تكيس السيارة من الداخل (يعني تغلفها بأكياس من الداخل..اضافة لتكييس الوكالة) لتحافظ عليها من الوسخ.. فهل تنصحوني بالتكييس ام لا؟ واذا في شئ افضل من التكييس ياليت تدلوني عليه!! بس اهم شئ بدووون ما يفك المقاعد..
وبالنسبة لغسيل السيارة! انا سمعت ان الفيري او الصابون الي يستخدموه في مغاسل السيارات يعدم بوية السيارة ويخفي لمعتها.. ياريت تدلوني على صابون خاااص بغسيل السيارات..
واخييير بكم اقدر اركب الكشافات وماهي انواعها؟؟ لأني والله غشيييم في الأشياء هذه؟؟ وايضا التخشيبة بكم وما هي انواعها؟؟
اسف جدا جدا على الإطالة واتمنى مساعدتكم بقدر المستطاع
تحياتي لكم وجزاكم الله خيرا
التعديل الأخير تم بواسطة الكاتم الحزين ; 19-09-2006 الساعة 09:19 PM
اسمع ابوي التكيس شكله رووووووووعه على الاكورد واذا كنت في الرياض رح لسلطانه
اما الكشافات فسعرها تقريبا 300 او اقل
التخشيب
محل الابداع في الغرابي
تخشيب اساسيات مع القير والتكايه الخلفيه والدركسون بـ 1300 تقريبا اما الفيري الي اعرفه ان المغاسل تستخدم شامبو خاص للسيارات(ايه اسمه شامبو يعني مافي الا للشعر خخخخخخخخخ)
اما الحراره مالك الا ابو هاشم رحلهم وبفيدونك
تحياتي
عين الصوابالمشاركة الأصلية كتبت بواسطة الماستر حنوم
لو سمحت اخووي الماستر حنوووم سلطانه وين بالضبط صراااااحه ما ادلها ؟؟
شكرا لكم على ردودكم
بصراحة ما استفدت شئ من الموضوع غير اني حست وتعبت عشان الاقيه.. وبعد ما لقيته!!!! للأسف
على العموم شكرا لكم وجزا الله خيرا كل من رد على الموضوع
المشاركة الأصلية كتبت بواسطة الماستر حنوم
الحين كل هالمعلومات هذي ومو عاجبك ؟؟؟
فوتكوو بعافيه ,,,,
مدري ليش تقول ما استفدت شي مع ان رد الماستر حنوم كامل الله يعطيه العافيه
مرات لما اكون في وسط الزحمة,, طبعا الواحد يضغط فرامل بشكل مستمر.. فلما ادعس الفرامل وافكها ثم ادعس وافكها باستمرار يطلع صوت غريب منها (والله ماني داري صوت ايش).. بصراحة خوفني الصوت هذا وفكرت اروح الصيانة اكلمهم بس قلت خليني اطرح استفساري على الشباب ويمكن في حل..
ما وضحت متى يطلع الصوت .. اول ما تضغط على الفرامل و و لا اذا خففت الضغط عليه ....
عموما اتوقع انه طبيعي
وغير كذا لما اخذت السيارة من الوكالة الساعة 7 المغرب ورجعت البيت الساعة 7.30 حسيت حرارة مرتفعة جدا في الجانب الأيسر من السيارة (يعني جهة السواق) في الكبوت فوق الاصطب.. حتى اني ما اقدر احط يدي لمدة ثلاث ثواني على تلك المنطقة!!! كلمت واحد من الشباب عنده نفس سيارتي وقلي انه عنده نفس المشكلة,, وواحد عنده اوديسي ونفس المشكلة..
لا تدقق واجد دام ما فيه مشكله ظاهره خصوصا انها موجوده بكل السيارات مثل ما تقول
انا سمعت انه يمديك تكيس السيارة من الداخل (يعني تغلفها بأكياس من الداخل..اضافة لتكييس الوكالة) لتحافظ عليها من الوسخ.. فهل تنصحوني بالتكييس ام لا؟ واذا في شئ افضل من التكييس ياليت تدلوني عليه!! بس اهم شئ بدووون ما يفك المقاعد..
موجود بالغرابي و لكن ما ادري اذا فيه فك مراتب ولا لا
وبالنسبة لغسيل السيارة! انا سمعت ان الفيري او الصابون الي يستخدموه في مغاسل السيارات يعدم بوية السيارة ويخفي لمعتها.. ياريت تدلوني على صابون خاااص بغسيل السيارات..
جرب car wash و تلقاه عند ساكو
واخييير بكم اقدر اركب الكشافات وماهي انواعها؟؟ لأني والله غشيييم في الأشياء هذه؟؟ وايضا التخشيبة بكم وما هي انواعها؟؟
الكشافات فيه نوعين : اصلي عند الوكاله بسعر 1000 ريال .. شكله بيضاوي ما يغطي
كامل الفتحه
و تجاري عند محلات الزينه بالغرابي او عند قوة الاحلام بسعر 300 - 350 ريال
بس تراه بعد فتره يقلب لونه اصفر
اما التخشيب عندك المميز بالغرابي او الابداع بالصنعايه و الاسعار ما اعرفها بالضبط
السلام عليكم
اشكر والله من كل قلبي من رد على الموضوع
وسامحوني على الكلام الي قلته.. انا ما كان قصدي التجريح او الإساءة لأحد!! لكن قصدي من كلامي اني ما حسيت اني فهمت وعرفت الي ابغاه.. يمكن المشكلة اني ما عرفت اكتب الأسئلة الي توضح الي ابغاه!! يعني ما عرفت اعبر عن الي ابغى استفسر عنه..
واقولها تاني انا ما كان قصدي اني انقص او اسئ لأي احد.. واعذروني لذلك
كما انها ليست من شيم الرجال ان تقول هذا الكلام بتلك النية (نية التجريح والإساءة) لمن مد لك يد العون او حتى حاول ان يمدها لك..
واخيرا اعذروني على الإطالة وجزاكم الله خيرا على ردودكم ومساعدتكم
والسلام خير الختام
وعليكم السلام
الأسئلة كانت كثيره اتوقع علشان كذا الشباب ماساعدوك
لو كان اخف شوي كان قدرنا نمشي معك حبه حبه
عموماً اول مره اشوف الموضوع ولا عندي خلفية كثيره
لكن لو قدرت على الاصلي دائماً احرص عليه او لا تركب شي
وفك المراتب مايضر السيارة وخصوصاً الياباني ولا اعتقد التلبيس يضبط الى بعد فكها
ولو اني ماانصح فيه لانه يصير مجمع للرطوبة في الصيف وايضاَ منبع للروائح وايضاَ التثبيت البعض منه يشوة المنظر لو فكيتها بعد مده وعلى فكرة فيه انواع تقلب اصفر مع الزمن
احرص على الاغطية لو ركبت كشافات لاتضيعها
ولا علم لدي عن باقي الاسئلة لاني ماركبت شي ابد فيها من شريت السياره
اخوي انا اقدر افيدك بحقت الفرامل وبعطيك نصيحه لوجه الله
حقت الفرامل الي تقولها عنها طبيعيه تجيني الظاهر انه نظام Abs
النصيحه : حاول انك ما تدقق الا لاشياء واضحه لانك كذا راح تتعب وراسك بيطير من التعب
هو مهب اشياء مهب زينه ولا شي بس انت هالاشياء لنفسك تخليها مو طبيعيه ولا فيها
بلا يعني ممكن تدقق تطلع مليون الف صوت وتوجع راسك
الله يجزاكم خير على ردودكم اخواني الكرام
وعلى قولك اخوي الرويال بعض الأنواع تقلب اصفر مع الزمن وتشوه منظر السيارة وعشان كذا شلتها من راسي...
معك حق اخوي DuGarrY لو دققت راح اطلع مليون صوت.. ومنها صوت المكيف عند التشغيل.. سألت عنه وطلع الصوت طبيعي!!
مشكورين جدا وما قصرتوا
تحياتي لكم
السلام عليكم
accord 06
ابي اسالك الغوازي اللي في الوكاله 1000ريال مع التركيب ولا بدون والسؤال الثاني هل هم يحطون داخل اليباره الفاصل اللي يجي مع السته صرلندل وعلى فكره سيارتي 2006 لوضوح السؤال
مواقع النشر (المفضلة)