بسم الله الرحمن الرحيم
أولا أقدم شكري وامتناني لهذا المنتدى وجميع الاعضاء بدون استثناء لاني استفدت من
الجميع بدون مبالغة
الحين ندخل بالموضوع
اول شي علشان تركب اي جهاز مسجل أو DVD صغير ولا كبير زي الي راح اشرح تركيبه اليوم لازم يتوفر عندك بعض الاشياء الاساسية :
1- تحويلة الـ iPod موديل PA11-HON2Y وهذه افضل نوعية تطلبها من النت وهذه صورتها.
2- الجهاز الي تبي تركبة لازم يكون فيه مخارج للصوت مثل هذه:
3- القاعدة لتركيب المسجل مكان الدرج وهذا رقم القطعة تطلبها من الوكالة.
4- وصلة لنقل الصوت من المسجل الجديد للـ iPod مثل هذه الوصلة.
ثانيا: تحضير التوصيلة من المسجل الجديد إلى مسجل السيارة:
1- لما تطلب قاعدة المسجل من الوكالة يجي معها كيبل اسود في اطرافة ظفيرتين لونهم ابيض نفس بعض تماما مثل هذه.
2- قص هذا الكيبل من المنتصف كذا.
3- الحين صار عندك نصفين مثل بعض تماما نحتاج واحد منهم بس, تاخذ وحدة من القطعتين وتشيل مقدار 2 سم من الغلاف الاسود الخارجي للكيبل كذا (ما عليك من الكيبل الاصفر والاسود بجيهم بعدين).
4- نجي لكيبل المسجل الجديد, ما يهمنا من كل الاسلاك هذه الا 3 اسلاك 1-سلك (+ البطارية اللون الاصفر). 2-سلك (- الارضي اللون الاسود). 3-سلك (+ السويتش اللون الاحمر).
5- نرجع الحين للكيبل الي قصيناه نصين نتعرف ايش فيه, الظفيرة عبارة عن 14 فتحة وكل فتحة لها وظيفة معينة احنا ما نحتاج من هذه الفتحات إلا الفتحة رقم 1 ويطلع منها سلك لونه ازرق فاتح وهي + البطارية, والفتحة رقم 11ويطلع منها سلك لونه بنفسجي وهو - البطارية (GND), نقوم بتوصيل السلك الاصفر الي في كيبل المسجل الجديد مع السلك الازرق الفاتح في الكيبل القصيناه والسلك الاسود الي في كيبل المسجل الجديد بالسلك البنفسجي في الكيبل الي قصيناه كما يلي.
6- نقوم بفك الديكور, طريقة فك الديكور مشروحة في عدة اماكن في المنتدي شوف هنا او هنا او هنا أو ممكن تنزل هذا الملف فيه بالتفصيل الممل كيف اتفك الديكور واتركب القاعدة الحديدية الي تحت والي في الجوانب الملف في هذا الملف
7- الحين بعد ما فكينا الدرج نقوم بتوصيل طرف قطعة الـ iPod في الفتحة المخصص لها تحت مسجل السيارة كما يلي.
8- نقوم بتوصيل كيبل الصوت في قطعة الايبود وبتصر كذا.
9- نقوم بتوصيل كيبل المسجل الجديد الي وصلناه بالظفيرة في التفريعة الي طالعة من وصلة الايبود كذا
10- نقوم بتوصيل كيبل الصوت و كيبل الطاقة في المسجل الجديد
11- الحين هذه النقطة مهمة جدا باقي سلك السويتش ما ركبناه لا تفكروني ناسي الحين بقلكم كيف, هذا السلك لونه احمر في مسجلي الجديد المفروض يتوصل في الظفيرة زي باقي الاسلاك لكن بعد محاولات وتجارب ما لقيتله مكان المهم لقيتله مكان ممتاز وهو ولاعة السجائر, كيف؟؟ اقولكم كيف
ناخذ السلك الاحمر ونسويله توصيلة إذاكان قصير ونجرحها كذا:
وبعدين ناخذ السلك الموجب في الظفيرة حقة ولاعة السجائر وندخل السلك الي سويناه فيها ونشبك الولاعة كذاا.
12- الحين جرب المسجل شغال ولا, مبروك شغال عال العال مسجل السيارة الاصلي هو الاساسي والجديد هو الفرعي وذلك بالضغط على زر CD/AUX.
13- ركب المسجل ورجع الديكور كما كان بلطف وحنية وبيصير المنظر كذا
ودمتم سالمين
مواقع النشر (المفضلة)