مالك الا كشافات تجاريه من العليان وقيمتها 500 ريال
هذا الحل .. او تشليح اذا حصلت الي تبيه يكون سليم
السلام عليكم ورحمة الله وبركاته
عندي مشكلهالكشاف اللي تحت انكسرت القزازه حقته
شوفوا...........
ياليت تكون واضحه بعد
المهم رحت الوكاله بشوف وش حلها
قالوا لي اشتر جديد
قلت كشاف جديد وبكم؟
قالوا 1400ريال.
قلت الواحد؟
قال لا كشافيين ما يجي كشاف واحد.
طيب يمين يسار ما فيه انسى.
والدبره وش رايكم ابي الحل وصعبه اشتري كشافيين بــ 1400ريال
وحتى الشمعه (الحمدلله) ماجاها شي.
أبي شوركم يا شباب .
وللمعلوميه:سيارتي اكوورد 2008فل
مالك الا كشافات تجاريه من العليان وقيمتها 500 ريال
هذا الحل .. او تشليح اذا حصلت الي تبيه يكون سليم
0
0
الله يكون بعونك
الوكاله غاليه جدااا
ومثل ماقال اخوي محمد شف التشاليح او محلات الزينه.
ياليت اخوي تذكر السبب؟
طيب ممكن تشوف احد مكسور كشافه الييمين وانت تاخذ اليسار .. او العكس
يعني تتقاطون بطقم :d
..
....
والله يا خوي الحل انك تاخذ واحد جديد
او انك تخليها و تعدله في الأيام الجايه
السلام عليكم/من رايي انك تشتري تجاري لان التشليح ماراح يبيعلك الكشافات لحالها بيبيعها مع الصدام إلا إذا لقتلك صدام متكسر والكشافات سليمه والله يعينك على اسعارهم كل واحد بيعطيك سعر.
وبالتوفيق ان شاء الله,,,
هلا والله اخباارك انا قد انكسره القزززازهـ حلهااا مرهـ سهل
فيه محلات اسمه طبيب الزجاج دكتور الزجاج
ويفصلك عليها بس ولا تتعب عمرك ولا شي
^^^^
العبرة في البساطة
الواحد من خوفه ما ينتبه للحل وهو قدامه
اهلين
الحل مثل مايقول اخوي ي ح ق
عند محلات الزجاج
او التشليح او محلات الزينة
مع أنه الأفضل الحل الأول
تحياتي لك
أشكركم جميعا على تفاعلفكم وهذا ما توقعنهم منكم واكثر
وشكر خاص لأخوي ي ح ق.
السلام عليكم
في التشليح حق الحاير انا شايف اكورد فيها كشافاتها سليمه بس السياره مقبوعه من وراء وتبغى النصيحه دور في التشليح إشاء الله تلقاء
مشكور اخوي على المرور
مالك إلا التشليح او تشوف لك واحد منكسر كشافه وتشترون طقم هو يأخذ اللي يبغاه وانت كذلك او تبدلها من الغرابي بالكامل .
والله بشوف المحل اللي قالي عنه ي ح ق
وبعدين افكر بالتشليح
والله شوف التشليح يمكن اتشوفها ارخص من الوكاله
والله يكون في العون يارب
:(
مرحبا فيك اخوي
شف يالغالي تبي نصيحتي وفر دراهمك وخلها على ماهي عليه انا عندي الكشاف مكسور له اكثر من 7 شهور والى الان وهو شغال وشغال زي الحلاوه وفر دريهماتك وانا اخوك كلها سنه بالكثير وتبدل السياره :d
:(اقول من رايي انك تشتري تشليح او انك تشتري من الوكالاه القزاز بس
أنا من راي أخوي ي ح ق
هذا عادي في الاكورد مع الحرارة تنكسر القزازة حقت الكشاف
شوف لا تقول لي تشليح ولا بطيخ السيارات الي بالتشليح تلاقي رايحة فيها واجهه كامل وليش تدفع 1400 ريال في كشاف صاحي انت ؟
الحل عندي و ما يكلفك غير
5 ريال ...
1 - اطمر لاقرب محل زينة ...
2 - اطلب تجليد او استكر او زي ما تسموها ... و قول له ابغى شفاف
3 - خذ المشرط الي يجي مع التضليل او اي اداه حااااادة جدا جدا جدا
4 - قص الاستكر على مقاس الكشاف
5 - وقت التلصيق على الكشاف .. افضل شي انك تاخذ القطعة الصفراء الي تجي مع التظليل ابو 10 ريال ( ابو كلب ) و تلصق فيها علشان لا يطلع بداخله هواء وتطر انك تفكة او انك تخرم محل الهواء بالابرة و يدخل الماء
و خذا وسلامتك يا الطيب
يا الله انت مخير مو مسير
يا انك تدفع 5 ريال وتشري راسك
ياانك تدفع 1400 ريال و تشتري كشافات جديدة + 50 ريال تركيب برا الوكالة او 100 ريال تركيب بالوكالة
و يبقى كشاف مرمي في وجهك ؟
اختار يا بطل
مواقع النشر (المفضلة)