ما السبب بسرعة استهلاك الفحمات والقماشات ؟؟؟

**بدر2003** · 03-09-2008, 03:34 PM

السلام عليكم ،،

لا أدري ماهو السبب في سرعة استهلاك الفحمات والقماشات ؟

هل الفحمات والقماشات الموجودة في الوكالة ( أي كلام ) ؟ هل هي تجارية ؟!

هل أحد يعاني من هذه المشكلة ؟

ولكم تحياتي

**CR@SH** · 03-09-2008, 03:59 PM

انا بدلت قماشاتي ( الخلفية ) في الوكالة و العداد 27 الف

و انا مثلك مستغرب لاني احسهم خلصوا بالسرعة

سيارتي الالنترا ( سابقا ) ما كانوا يخلصوا قماشاتها بمثل هالسرعة

**اكورد545** · 03-09-2008, 04:47 PM

اخوي القماشات مصنعته هواند على انه استهلاكيه وحنى اهوبات بسرعه تخترب
لني تواني شاري الهوابات الاماميه معى القماشات الاماميه والاخلفيه 1300 ولله حرام كن عندي فورد اركبله درجه ثانيه110 يتم معي سنه

**فقير الحظ** · 03-09-2008, 04:56 PM

^^^

مثلك :( 1300

ياخي ماصار لي 10 الاف مغير الهوبات والفحمات اليوم سمعت صوووت خفيف !!!!!!!

ياخي والله مكسيما مطلعها راعيها معي يوم طلعت الاكورد ماشالله تبارك الله ولا صوت ولا شي مع العلم انه لاعن حظها ولا اشتكت الفحمات

اعتقد البريكات هو العيب الوحيد ..

لكن شكلي بركب هوبات رياضيه ماتغيرها الا كل 90 الف

**aziz_vip** · 03-09-2008, 09:07 PM

انا معاي سيفيك 2005 ماعمري غيرت لها الفحمات ولا القماشات
وديتها للوكاله يوم افحصها ل 20000 وقالوا لي السعر وقالو نغير الفحمات والقماشات
ويوم جيت استلمها ماغيروها لي وطبعا ما حسبوا سعرها
سالتهم قالوا لي حالتها ممتازه والى يومكم ماغيرتها لها 3 سنوات وماشيه 35000

**بدر2003** · 05-09-2008, 09:55 PM

أخوتي الكرام .. شاكر ومقدر مروركم الكريم

واضح إن الكثير يعاني من نفس مشكلتي .. الله يذكرك بالخير ( يالكرسيدا ) كل ثلاث سنوات أغير الفحمات والقماشات والهوندا كل 9 أشهر مرة !!!

واضح إنه استغلال من الوكالة .. هل الشركة الأم في اليابان لديها علم بهذه المشكلة ؟

أفكر بمخاطبة الشركة في اليابان .. من يحضر لي عنوانهم ؟

**accord05** · 05-09-2008, 11:46 PM

انا مثلكم سيارتي سمن على عسل بس الهوبات والفحمات هي الي رافعه ضغطي ....

الي في الرياض لو احد يقدر ويكلف نفسه شوي ويفيدنا ...
فيه بجنب العليان معرض اسمه بروتون اول سيارة في المعرض سبورت شوفو كيف الهوبات حقتها خطيرة مرره ياليت احد يشوف هي نفس مقاس الاكورد ؟؟ عشان نشتري من عندهم ونريح روسنا من الطلب وغيره ..

مع العلم ان السيارات هناك ماليزيه وبايخة مرره بس الهوب سبورت شكله حلو و يتحمل ...

نفس الهوب هذا كشكل بس المقاس ياليت احد يتاكد ..

**EmPTY** · 06-09-2008, 06:03 AM

صحيح انا بعد عندي نفس المشكله عندي صوت الفحمات يطلع وانا امشي مايحتاج اضغط فرامل !! واذا كنت راجع على ورا يطلع صوت كنه بوري !! والصوت اللي اقصده بالفحمات مو صوت صرصره لا كانه صوت حديد في حديد مع اني اشوف ان الفحمات حلوه مو خربانه فمادري هل هذا صوت من الفحمات ام صوت شي ثاني مع انه بعض الاحيان مايجي ؟؟

**بدر2003** · 06-09-2008, 10:26 AM

المشاركة الأصلية كتبت بواسطة empty

صحيح انا بعد عندي نفس المشكله عندي صوت الفحمات يطلع وانا امشي مايحتاج اضغط فرامل !! واذا كنت راجع على ورا يطلع صوت كنه بوري !! والصوت اللي اقصده بالفحمات مو صوت صرصره لا كانه صوت حديد في حديد مع اني اشوف ان الفحمات حلوه مو خربانه فمادري هل هذا صوت من الفحمات ام صوت شي ثاني مع انه بعض الاحيان مايجي ؟؟

هلا أخوي ..

نفس مشكلتك صايرة معي هاليومين ( أصوات مزعجة ) وأنا رايح للوكالة اليوم إن شاء الله ( أبضبطها )

قبل تسعة أشهر نفس المشكلة صارت معي ورحت للوكالة وبعد الفحص قال لي الزول ( المهندس أحمد ) : عندك الفحمات الأمامية والخلفية يبغى لهن تغيير مع خرط الهوبات .

**acura RL** · 06-09-2008, 11:34 AM

وانا مثلكم اغير فحمات كل ثلاثين الف كيلو.....

وفكرت في الهوبات الرياضيه ولاكن مالقيت بالرياض والي لقيته كله على لومينا او كابرس....

يعني اذا تبي اطلب...

**abod999** · 06-09-2008, 11:12 PM

المشاركة الأصلية كتبت بواسطة empty

صحيح انا بعد عندي نفس المشكله عندي صوت الفحمات يطلع وانا امشي مايحتاج اضغط فرامل !! واذا كنت راجع على ورا يطلع صوت كنه بوري !! والصوت اللي اقصده بالفحمات مو صوت صرصره لا كانه صوت حديد في حديد مع اني اشوف ان الفحمات حلوه مو خربانه فمادري هل هذا صوت من الفحمات ام صوت شي ثاني مع انه بعض الاحيان مايجي ؟؟

يسلام عليك وصف نفس اللي عندي بالملي تدري وش سويت ؟؟؟

رحت لميزان اليرموك وفكوا الكفرات وشافوا الفحمات الأمامية تمام والخلفية متمسحة وقالوا شغل يد 120 ريال ورح اشترها وتعال واروح للنعماني اللي مقابل ورشة الجنوب واشتريها 180 اصلية نفس حقت الوكالة وقالوا لي فيه ياباني نفس النوع 80 ريال بس الفرق أنه بدون كيس تشحيم زي اللي يجي مع ابو 180 ريال ..

وكلها والله نصف ساعة الا وهي خالصة علما أنهم فكوا الهوبات كلها ونظفوها وخرطوا الخلفية ..

300 ريال بس شغل يد + قطع الغيار بلا وكالة بلاهم ..

**CIVICORD** · 07-09-2008, 12:05 AM

^^^^^^^^^^^^^^^^^^^^^^^^^
الوكاله 55 ريال شغل اليد والفحمات 200 ريال اللي ورا وين عايش انت .. ؟؟

**abod999** · 07-09-2008, 09:49 PM

المشاركة الأصلية كتبت بواسطة civic 98

^^^^^^^^^^^^^^^^^^^^^^^^^

الوكاله 55 ريال شغل اليد والفحمات 200 ريال اللي ورا وين عايش انت .. ؟؟

طيب لا تنسى أهم شئ عندي الوقت بالله كم بتجلس في الوكالة ..
والشئ الثاني الوكالة مايدخلون السيارة الا على الضمان يعني لازم تدفع مبلغ وقدره صح والا انا غلطان ..

**الأنجليزي** · 07-09-2008, 11:02 PM

انا كانت عندي نفس المشكله بس بسيارت لومينا واول ماركبت له هوبات رياضيه اختفت المشكله ونسيت الفحمااااات
يعني الحل الوحيد الهوبات الرياضيه حتى لو تحصلها ب 1000 ريال اشترها ولا تفوتها بس اهم شي ركب فحمات اصليه عليها

**بدر2003** · 08-09-2008, 03:25 PM

الأخوة جميعا ً .. شاكر ومقدر مروركم الكريم

واضح إن الكثير يعاني من الفحمات ( القماشات )

**A C C O R D 0 8** · 08-09-2008, 03:32 PM

المشاركة الأصلية كتبت بواسطة abod999

طيب لا تنسى أهم شئ عندي الوقت بالله كم بتجلس في الوكالة ..
والشئ الثاني الوكالة مايدخلون السيارة الا على الضمان يعني لازم تدفع مبلغ وقدره صح والا انا غلطان ..

لا غلطان ..

يعني بالله الوكاله مايدخلون الموتر عندهم يسوي صيانه الا لازم على الضمان ؟؟؟؟؟؟؟؟؟ :d

كيف الحال بس

تأكد من معلومتك يالغالي ..

وبالنسبه للاسعار اللي ذكرها الاخ سيفيك 98 ميه بالميه صحيحه وانا مغيرها بالوكاله على صيانه 10 الالاف كيلو ..

**بدر2003** · 13-09-2008, 10:45 AM

المشاركة الأصلية كتبت بواسطة abod999

يسلام عليك وصف نفس اللي عندي بالملي تدري وش سويت ؟؟؟

رحت لميزان اليرموك وفكوا الكفرات وشافوا الفحمات الأمامية تمام والخلفية متمسحة وقالوا شغل يد 120 ريال ورح اشترها وتعال واروح للنعماني اللي مقابل ورشة الجنوب واشتريها 180 اصلية نفس حقت الوكالة وقالوا لي فيه ياباني نفس النوع 80 ريال بس الفرق أنه بدون كيس تشحيم زي اللي يجي مع ابو 180 ريال ..

وكلها والله نصف ساعة الا وهي خالصة علما أنهم فكوا الهوبات كلها ونظفوها وخرطوا الخلفية ..

300 ريال بس شغل يد + قطع الغيار بلا وكالة بلاهم ..

ماشاء الله عليك

إنت أحسن مني ؛ أنا غيرت الفحمات الخلفية مع خرط الهوبات وفحص مجاني للأذرعة شغل يد بـ 150 ريال وسعر الفحمات بـ 240 ريال من عندهم من عند ميزان العضيب في حي المصيف .

390 ريال إجمالي التكلفة .. غاليين ميزان العضيب .. صح ؟

**البدررر** · 17-09-2008, 01:02 PM

لا تشكيلي أبكيلك
أتوقع أن المشكلة من الفحمات ... أنا غيرت الفحمات في الوكالة و برى الوكالة ومازالت المشكلة موجودة اربع شهور ويبدى الصوت يطلع
وأتوقع أنها حركة مقصودة من الوكالة تجيب اسوأ أنواع الفحمات ( طبعاً لإستغلال اموال زبائنهم ) وأكيد الوكالة مأمنين أن ما فيه أحد راح يقدم شكوى فيهم وحتى لو قدم شكوى ما راح يلقى رد من الجهه المختصة .
احسن حل أبيع السيارة وأريح راسي منها
لأ بوهم لا بو وكالتهم

**Mr.Goldy** · 18-09-2008, 07:25 AM

والله انا سيارتي يوم مشت 17 الف غيرت الفحمات الاماميه والخلفيه في الوكاله 730 ريال وقعده حول الساعه بس

**بدر2003** · 20-09-2008, 11:52 AM

المشاركة الأصلية كتبت بواسطة البدررر

لا تشكيلي أبكيلك
أتوقع أن المشكلة من الفحمات ... أنا غيرت الفحمات في الوكالة و برى الوكالة ومازالت المشكلة موجودة اربع شهور ويبدى الصوت يطلع
وأتوقع أنها حركة مقصودة من الوكالة تجيب اسوأ أنواع الفحمات ( طبعاً لإستغلال اموال زبائنهم ) وأكيد الوكالة مأمنين أن ما فيه أحد راح يقدم شكوى فيهم وحتى لو قدم شكوى ما راح يلقى رد من الجهه المختصة .
احسن حل أبيع السيارة وأريح راسي منها

لأ بوهم لا بو وكالتهم

وهذا الأكيد .. عندهم أسوأ الفحمات ..

طيب أخوي البدرررر .. ليه مانشتكي للشركة الأم في اليابان ؟ وهل في اليابان عندهم علم بهذه المشكلة ؟

**LikE.nO.oThER** · 20-09-2008, 01:57 PM

المشاركة الأصلية كتبت بواسطة البدررر

لا تشكيلي أبكيلك
أتوقع أن المشكلة من الفحمات ... أنا غيرت الفحمات في الوكالة و برى الوكالة ومازالت المشكلة موجودة اربع شهور ويبدى الصوت يطلع
وأتوقع أنها حركة مقصودة من الوكالة تجيب اسوأ أنواع الفحمات ( طبعاً لإستغلال اموال زبائنهم ) وأكيد الوكالة مأمنين أن ما فيه أحد راح يقدم شكوى فيهم وحتى لو قدم شكوى ما راح يلقى رد من الجهه المختصة .
احسن حل أبيع السيارة وأريح راسي منها

لأ بوهم لا بو وكالتهم

هذا مو حل اكيد !! هذا جنااان وانا اخوك ..!!
تبيع السيااره عشاان الفحامات !!
الحل بنظري وللجميع انه تغيرو الهوبات وتحطون الهوب الرياضي !!
شوفو كم سعره حد يروح المكان الي وصفه لكم acoord05
ويخبرنا كم سعره ومعلوماته بالتفصيل !!
وبالتوفيق ياشبااب >> بلا سياره بلاهم :d:p

**mdb** · 22-09-2008, 06:14 AM

أنا أعاني من سرعة استهلاك الفحمات في سيارة هوندا أكورد كل 6 أشهر يبدأ الفرامل يطلع صوت
الحين صرت أغير الفحمات تجارية 45 ريال و شغل يد 20 ريال بدون خرط هوبات = 65 ريال
مع خرط الهوبات يزيد اظن 40 ريال للهوبين لكني ما اخرطهم دايماً و السيارة ماشية تمام الحمد لله

(استخدام قطع غير أصلية يكون على مسؤوليتك)

**اكوررررد2009** · 04-01-2009, 08:23 AM

:(السلام عليكم :(
ياشباب انا معي هوندا اكورد 2009 وطق عندي القير مرتين
وصوت الباب السواق فية تنسيم هوااا خفيف
وتوني مودي سيارتي صيانة خريص ماشي 10.000:( وخذو رسوم مني 416 ريال مع الزيت والفلتر وعندي الغحمات لها صوت
وش اسوي افيدوني:(

**O m a r** · 04-01-2009, 09:44 AM

السلام عليكم , شخبآر الجميـع ؟

موضوعكم الحقيقه حآولت ألقى في ردودكم لـه حل , ما عدى مشاركتين أو ثلاث ..
واعتقد هو الحل المطروح حاليــاً لمشكله الهوبات والفحمات ...!
[ الهـوبـآت الريـآضيـه ] , وبعد سؤالي واستفساري لأكثر من شخص خبيـر ، ايضاً لا أخفيكم بحثـت في محركـآت البحث ,,
لعلّي أجد تجـآرب أشخاص .. ووجدت أن ما يُـنصح به هو هـوبـآت بريمبو الريـآضيـه !!!
ولكن بحكم أن خبرتي ضئيلـه في هذا المجـآل .. فقد جلبت لكم الموقـع للشركه المصنعه و المعروفه في مجـآل التزويد للسيارات الرياضيـه ..
http://www.nopionline.com/

فمن لديـه خبـره أكبر أو تجربـه ، أو استطاع أن يجلب لنـآ معلومات من المـوقع أو السـوق ..
عن هذا المنتـج .. فلا يبـخل على النـآدي ..

ملاحظه :
[ اما من عنده مشكله فـأتمنى أن لا تطرح , وهذا لا يعني أنني لست مقدراً بل بالعكس أنا اول من يعـآني من نفس المشكله ..
ولكن الشكوى وتكرار المشــآكل لا يفيد .. الحل والبحث عنـه .. هذا حقاً ما يفيـدنـآ ويحل هذه المعضله ،
ونحن أولى من أن نجد لهذا العيـب - على حد قول البعض - حـلاً يبترهـآ من جذورهـآ .. ]