شووف يا غالي
<< انا كم مره تصير معي << ولا تقفل البيبان << و قعدت فتره ما صلحتها و زانت من جديد<<< اصبر عليها شووي
السلام عليكم أول شيء
كل عام و الجميع بخير
الكتاب باين من عنوانه يا جماعة الربع السنتر لوك حق باب الراكب والسواق خرب مايفتح صارت الشغلة يدوي
رحت لمحلات الزينة بالغرابي حصلت نوعية صينية أسمها كريرا على ما أعتقد يمدحونها بس المشكلة يقول لازم أقطع من السلك(السسته) من داخل الباب علشان يكون ضعيف يعني الشغلة فيها ترهيم و بصراحة أنا خفت يخرب علي بعدين.
طبعا الوكالة أنتم عارفين ناررررررررررررررر ويبي يخرب بعد فترة
اللي سوى السنترلوك بسيارته ياليت يقولنا وش صار معه بالتفصيل وهل النوعية هذي تصبر والقطع اللي يقولون عنه هل هو حاجة بسيطة أو فيها ما فيها
والف شكرا للجميع
شووف يا غالي
<< انا كم مره تصير معي << ولا تقفل البيبان << و قعدت فتره ما صلحتها و زانت من جديد<<< اصبر عليها شووي
وعليكم السلام ورحمة الله وبركاته
كل عام وانت بصحة وسلامة
والله يعينا وياك على الصيام والقيام
بالنسبة للسنتر لوك اللي بمحلات الزينة عندك المشرف (اكورداوي) مجربها على سيارته
ان شاء الله يجي هنا ويفيدك
.
.
.
هلا ياخوي بليز
انا خرب علي باب الراكب لاكوردي 2006 وشريت السنترلوك اصلي وكاله 240 ريال وركبته عند ورشة الجنوب ب80 ريال والشغل ما تقعد الى نصف ساعه باكثير
انشاء الله أفدتك
السلام عليكم
أنا ركبت إلي عند الزينه باب الراكب ب80
وما شاء الله له ألحين 3شهور تقريبا وتوب التوب
بس ماقالولي لا أسلاك ولا شي وباب السواق
بدا يخرب وأنشاء الله عند الزينه
أشكر جميع الأخوة اللي ردوا فوق
الرجال قال لازم أشيل البلاستيك الموجود على الحديدة اللي تمسك بحبة الباب أرجوا أنه أتضحت المسألة
خليك في المضمون الوكاله 240 احسن من الف
من بعد أمرك تغيير القديم بالجديد هذا لسنتر الوكالة أنا أتكلم عن التجاري
حبيبي
خل عقلك براسك
السنتر لوك بالوكالة سعره لباب السائق غير سعره لباب الراكب
وعلى ايام سؤالي كان باب السائق بحدود الـ 300 والراكب بحدود 250
ولو فكرت بعملية التركيب سواء برا الوكالة او بالوكالة الاثنين مو أقل من 50 ريال للباب الواحد
بتقول الحل
اقولك يالحبيب العيد قرب والدراهم نحتاجه بمقاضيه عسى الله يجعله علينا خير ..
روح وأنا اخوك لمحل زينة .. في سنتر لوك قيمته 15 ريال .. اي وربي 15 ريال ولو قالك 30 خش في عينه ترى هذا سعره بالمربح المعقول من كلام صديق بمحل الزينة ..
انصحك قبل تشتريه إما يكون الكهربائي اللي بالمحل فاهم شغله عدل .. ولا تشوف لك كهربائي فاهم وجريء لان الشغلة يبغى لها مع الخبرة حرافة بالترهيم ..
التركيب طبعا يحتاج توليف على نفس السلك الاصلي بتقول ما ابي توليف بقول لك الله يقويك على احتكار الوكالة .. لازم من التوليف ..
راح يفك لك ديكور الباب ولا تخاف ما راح ينكسر لانه كلبسات حديد وياما فكيته ولا جاه شيء .. طبعا في قطعة فلين فوق السنتر لوك القديم بيشيلها ومكانها بيركب السنتر لوك التجاري فوق الاصلي وبالدريل :d
ويضبط السلك كويس ويوصل الكهرب .. ومبروك بيصير مثل حق الوكالة ..
وش تبغى بالصناعة او الجودة .. حق الوكالة ياباني وعمره سنتين وبذاك القيمة الكبيرة ..
خل هالتجاري يعيش 6 شهور بس ..
قيمته 15 ريال والتركيب انا مركبه عند كهربائي بـ 35 ريال ..
يعني البابين بالقطع والشغل 100 ريال ..
بربك أيها ازين ..
600 ريال في سنتين .. ولا 100 ريال وخلنا نتشاءم ونقول 6 شهور .. مع اني مركبها من شهر صفر وللان بسم الله ما شاء الله تفتح وتقفل ويطربك صوتها الله يديمها ومثل الوكالة تماما ..
حبيت اعطيك رأي مجرب ومتمرمط مع هالقطعة المنكوبة ..
حبيبي إنسان شكرا جزيلاً لك فضلت
بس ياليت تقولي هل الترهيم قوي الدريل ما فيه مشكله بس وش غير هذا ياليت تقولنا تفاصيل أكثر
أدري كثرنا عليك بس ما لنا إلا الله ثم خبراتكم الطيبة
افا عليك اخوي
لا كثرت ولا شيء
الناس للناس والاخوان لبعض
شوف طال عمرك
التركيب راح يكون بدون فك السنتر لوك القديم
اللي بيصير بس بيفصلون السنتر لوك الاول ميكانيكيا وكهربائيا
وجميع القطع اللي كانت راكبة على الاصلي تركب على التجاري
يعني الواير اللي يتحكم بعملية القفل والفتح يفك من السنتر لوك القديم .. ويزال اخر الغطاء اللي عليه واللي مثل البلاستيك .. ويولف لك طرف الواير على السنتر لوك الجديد بطريقة اشبه بطريقة برم السلك الكهربائي ..
وبالنسبة للكيابل الكهربائية .. راح يركبها على اسلاك تجي مع نفس السنتر لوك التجاري باللحام الكهربائي .. وبعدها يغطيها بالشريط حق الكهرباء .. ولزيادة السلامة .. خله يلف على كامل السلك بقطعة بلاستيك اللي تجي مثل اللي ..
هذا توليف الواير والاسلاك ..
والتركيب يا حبيب قلبي فوق السنتر القديم مباشرة .. يثبتون الجديد فوقه بالدريل في موضع قطعة الفلين القوية اللي تلقاها فوق السنتر لوك القديم ..
واعذرني لو فاتتني تفاصيل التركيب كاملة بسبب حبنا للسعوديين للجلوس بعيد وقت الاصلاحات :d
ما ودي احبطك بعد ما اعطيتك امل ..
لكن لا تيأس .. اغلب الكهربائيين اما غشيم او كسول او خائف ..
وانا تعبت حتى لقيت واحد وافق يجازف معي وشرطت عليه ان ما صارت مثل الوكالة ماله ولا ريال ..
وانا تحت امرك
صباح الخير شباب اخوي بليز
بخصوص الابواب انا خربت الاثنين الراكب والسواق
وشريتها اصلية وركبتها برا عند ورشة الجنوب والى
يومك تتندح مافيها شي طبعا باب السواق اغلى من الراكب
ركب اصلى احسن لك وركب عند ورشة براء جيدة
أخي إنسان جزاك الله خيراً
مواقع النشر (المفضلة)