الله يعينك ان شاء الله الخبراء مايقصروا معك:(
بسم الله الرحمن الرحيم
السلام عليكم ورحمة الله وبركاته
لدي 3 مشاكل آمل أن أجد لها حل :
الاولى : يوجد صوت ونة و تكون واضحة لمن يكون بالمقعد الخلفي و تزداد مع السرعة .
الثانية : عزم السيارة ضعيف جداً وإذا دعست البنزين -كرمتم - لا تستجيب بسرعة بل تتأخر حق ثانية أو ثانيتين
غيرت صفاية بنزين ، بواجي ، ولاأدري وش عاد أسوي
الثالثة : يظهر بخار من فتحات المكيف
السيارة هوندا أكورد م 98 قير عايدي
آمل الرد ...
الله يعينك ان شاء الله الخبراء مايقصروا معك:(
المشله الأولى إنشاء الله الأعضاء يفيدونك والمشكله الثانيه ممكن يصير البلى من البليتين. بس خل المهندس حق الوكاله يشوفه قبل والمشكله الثالثه قد صارتلي وأنا في الشرقيه هي صارتلي شوي وراحات يوم فتحت الشبابيك
وتوقعته من الرطوبه الزايده بس مادري وأنا أخوك ماتئكدت والله يعينك:(
الثالثة : يظهر بخار من فتحات المكيفمن ناحيه المشكلتين الأولى يفيدونك الشباب
أما الثالثه هذا من طيب المكيف ما شاء الله
شكلك ما طفيت المكيف فتره طويله والمكيف قوي
اتوقع المشكله الاولى عندك البيرنقات
وهذا اللي اقدر افيدك فيه
اخوي الاكورد مافيها كرونا لانها دفع امامي وثاني شغله انا جاتني نفس المشكله لمسكت شارع جديد وكله سيدا اسمع حس ورى وخصوصا الركاب اللي ورى يلاحظون الصوت ووديتها وقالوا لي يبغالها بيرنقات جدد وشريتهم وركبتهم والصوت اختفى
والعزم عندك من البواجي واسلاك البواجي والزيوت تاكد منهم
انا اتوقع المشكله الأولى انها من الفحمات الخلفيه لان سيارتي قامت كذا تطلع صوت وغيرت لها الفحمات الي ورى وطلعت اووكي
اما المشاكل الثانيه !! الله اعلم
نصيحه وديها لورشه عدله وخليها يشيك عليها عدل !!! >> لان هنا اغلبهم ما عندهم خبره في الهوندا القديم تحياتي لك ;)
المشكله الأولى والله أعلم من الكفر نفسه ممكن يكون ممسوح من الأطراف أو محبّل
المشكله الثانيه ميكانيكيه وصعب تحديدها ..
المشكله الثالثه اذا انت من الشرقيه أو الغربيه فوالله أعلم من الرطوبه ,,
قالك المشكله تزيد مع المشي يعني الفحمات مالهم دخل انا عندي احتمال كبير انها البيرنقات
وصحيح روح شيك احسن لك
والله يكون بعونك
أشكركم جميعاً على أرائكم النيرة و أكيد انها تؤخذ في الحسبان
تقبلوا تحياتي
مواقع النشر (المفضلة)