يمدحون السالم اللي بالصناعية القديمة
لو تبي قزاز هلكوبتر بتحصله عنده :d
السلام عليكم ،،
انا دايماً كنت متابع للمنتدى ولكني ما أشارك فيه كثير ، واستفدت منه كثير للأمـــانة ، والله يجزى كل الاعضاء فيه خير
واليوم الصباح طلعت ابروح لدوام ولقيت قزازة سيارتي منكسرة ( الله لا يوفق الي كسرها ، ويجعل يدينه لشلل قولوا امين ) وحايسها يدور شي يسرقه بس ما لقى شي عشان كذا كتبت هالموضوع
سؤالي وتكفون ابي جواب بشكل عاجل ، وين اركب قزازة جديدة فيه ، هل أروح للوكالة ، ولا فيه محلات ممكن اعتمد عليها بعد الله وترجعها زي ما كانت ، وكم السعر تقريباً حقها .
انا بالرياض وسيارتي اكورد 2006م
يمدحون السالم اللي بالصناعية القديمة
لو تبي قزاز هلكوبتر بتحصله عنده :d
ابومتعب معنا بالمنتدى :d
انا اشوف الوكالة افضل لكن بكل سهولة ممكن يقولك السيارة تقعد عندهم يومين
او ممكن تمر السالم للزجاج بالصناعية القديمة لكن اسأل عن سعر القزاز بالوكالة الاول
على فكره سؤال مهم
اي قزازه اللي انكسرت وبأي مدينة موجود؟؟
الاخطبوط كان هنا
يعني السالم شغلهم زين ؟ قد جربتهم اتشو قصدي اتش :d؟
اللي انكسرت قزازة السواق والسيارة اكورد 2006 والمدينة الرياض اخوي الاخطبوط ورقم فنيلتي 12 :d
حبيت اسئلك
لما انكسر القزاز اشتغل الانذار
اخوي hmh023
لا ما اشتغل الانذار للأسف
والانذار ما اذكر اني سمعته الا مرة واحدة ، مرة كانوا حرمية يسرقون الكفرات حقتي وسمعت اصواتهم وفتحت الشباك اشوف وش هالاصوات ، خافوا وجروا العفريته بسرعة وطاحت السيارة على الارض ، بعدين اشتغل الانذار :(
----------------
اخوي لو بكيت
نوعها علاق قطنية :d لك نظر تشتري
ابشركم تم تركيت القزازة ، والحمد لله رب العالمين
وللفــــايدة ابقولكم المعلومات هاذي عن تركيب القزازة حفت السواق في الوكالة :
اولاً : سعرها بعد الخصم 756 ريال .
ثانياً : شغل يدهم 250 ريال
ثالثاً : تستلمها بعد يوم .
رابعاً : القزازة خلصت من الوكالة ومافيه ، واللي يبي لازم يحجز
في الورش البرانية :
اولاً : سعرها 600 ريال إلى 650 ريال
ثانياً : شغل اليد من 100 إلى 150 ريال
ثالثاً : تستلمها في نفس اليوم .
وانا انصح بالوكالة صراحة لانها اضمن شغل والقزازة بكرة ما تسوي لك مشاكل .
الغريب في الامر اني يوم رحت للوكالة جو بعدي حوالي 8 أشخاص يسألون عن نفس القزازة وكلهم ساكنين في السويدي والبديعة :d فانتبهوا يا اللي ساكنين في هالمناطق . واقترح ان الوكالة تعطي هالحرامي الله لا يوفقه نسبه على الراس :d، اليوم سرا على تصليح القزاز والله ولا هم ملحقين .
ااااااااااااه بطني بطني بطني ... اااااااااااااااه والله ياني فقعت عليكـ ضحكـورقم فنيلتي 12
في الورش البرانية :
اما هذي (البرانيــة) حسيت توك واصل من الحريق :d
0
0
مواقع النشر (المفضلة)