سؤال عن الكروز كنترول !؟

**BLACL_ACCORD** · 28-09-2006, 08:35 PM

السلام عليكم

انا عندي اكورد 2006 اربعه سلندر و ابي اسال : اقدر اركب الكروز كنترول على السياره من غير ما تكون شد بلاده ؟ ( يعني انا ماعندي اياه اصلا)

و كم سعره بالكويت او بالسعودية ؟
و اذا بركب تراني بركب عند الوكيل !!
و سؤال ثاني : انا عندي السياره راكب عليها تخشيبه الوكاله و ابي اركب سيدي بلاير داخل الدرج من غير ما الغي باب الدرج , يعني اركب بحيث اني اقدر اسكر عليه بالدرج و يصير مخفي (= ؟ (حرام الغي الباب لانه شكله حلو عليها)

للمعلومات : الدرج اللي اتكلم عنه اللي مقابل القير .

اخوكم :black_accord من الكويت

**BLACL_ACCORD** · 28-09-2006, 08:39 PM

على فكره انا شفت الموضوع الموجود عن تركيب السيدي بلير بالدرج بس لاحظت انه يلغي باب الدرج

و يصير شكله مكشوف مثل عداد تكسي :(

**اتــشـــــ** · 28-09-2006, 08:53 PM

حياك الله معانا اخوي black_accord
وحي الله اهل الكويت كلهم
وان شاء الله تفيد وتستفيد

بالنسبة للكروز كنترول اعتقد والله العالم انه صعب التركيب ( حتى لو كان في الوكاله :o )

اما السيدي بلاير اعتقد انه ممكن يركب في الدرج بس اهم شي يكون الجهاز اللي بتركبه صغير الحجم .

ننتظر راي باقي الاعضاء

**BLACL_ACCORD** · 28-09-2006, 09:00 PM

مشكور عموما على ردك
وننتظر باقي الاعضاء

وممكن نحط بلير صغير شوي

**S c O r P i O n** · 28-09-2006, 10:15 PM

انا والله ياخوي اعاني من هالمشكلة والمسجلة عندي وجاهزة وطبعا سيدي وكاست ام بي ثري يعني الحجم يكون كبير وماودي يروح الباب لأنة شكلة فعلا حلو ومميز وياليت الاخوان يفيدونا
وسؤال اخير : التوصيلات اقدر اركب عليها الجهاز يعني بتكون جاهزة ومافيها اي اضرار مستقبلية او الغاء للضمان اللي على السيارة ((المسجل مثل ماقلت كاست وسيدي وحجمة كبير ))
ويعطيكم العافية بأنتظاركم

**The Godfather** · 29-09-2006, 11:01 PM

الموضوع خرمس وماكو احد رد غير عضوين مشكورين
لا لا ما يجوز شلون موضوع جديد يظل فوق 24 ساعه و يكون فيه بس ردين

**BLK** · 30-09-2006, 01:06 AM

الصراحة أخوي ما أعرف ...

و لو في حل لمشكلتك الثانية و هي المسجل أحد يفيدنا كان أركب اليوم قبل بكرة مسجل كاسيت ...

و إن شاء الله يجي من يفيدك

بس أعتقد مثبت السرعة صعب التركيب إذا ما كان مستحيل و ما سمعت أبد إن أحد يركبها و يضمنها لك !!

بالتوفيق ....

**accord 06** · 30-09-2006, 10:33 AM

هلا فيك اخوي Blacl_accord

بالنسبه لمثبت السرعه سألت اشهر ورشه لتركيب
مثبتات السرعه بالسعوديه اللي هي ورشة الفايز
بس للاسف ما عرفوا يركبونه للاكورد :(

و بالنسبه للدرج و المسجل
بحثت بالانترنت بس ما حصلت درج جاهز لهذا الشي
لكن ممكن تسويها بالتعديل على الدرج الاصلي
عموما اذا جزمت تسويها اشتر درج من التشليح و جرب عليه
بدل ما تعدل على الدرج الاصلي

**The Godfather** · 30-09-2006, 01:33 PM

مشكورين عموما و انا بروح بعد كم يوم اسئل عند الوكيل عن امكانية تركيب مثبت السرعه

و خصوصا انه مهم بالنسبه لي لاني امشي مسافات طويله

و اذا على الدرج بروح بعد كم يوم بعد على التشليح و اشتري واحد و اجرب فيه;)

**عاشق Accord** · 01-04-2007, 02:34 PM

اذا على المثبت من الحين اغسل يدك ماراح تلقى حل حتى برى الوكاله انا قبلك تعبت ومالقيت فايده وسألت احسن ورشه في السعوديه وفاهمه في المثبتات قالو مانقدر نسوي للأكورد شي يعني مني انا لاتعب عمرك على المثبت الوكاله بيقولون لك مانركب واذا ركبو بيكلفك 8 الالف سعودي هذا كلام مهندس في الوكاله السعوديه عبدالله هاشم يعني كويتي بيطلع بـ600 دينار تقريبآ وإذا لقيت حل لاتنسانا انا كل اسوبعين اروح للكويت جاني شد عظلي برجلي :(

**عاشق Accord** · 01-04-2007, 02:40 PM

اذا على المثبت من الحين اغسل يدك ماراح تلقى حل حتى برى الوكاله انا قبلك تعبت ومالقيت فايده وسألت احسن ورشه في السعوديه وفاهمه في المثبتات قالو مانقدر نسوي للأكورد شي يعني مني انا لاتعب عمرك على المثبت الوكاله بيقولون لك مانركب واذا ركبو بيكلفك 8 الالف سعودي هذا كلام مهندس في الوكاله السعوديه عبدالله هاشم يعني كويتي بيطلع بـ600 دينار تقريبآ وإذا لقيت حل لاتنسانا انا كل اسوبعين اروح للكويت جاني شد عظلي برجلي :(