أول مشاركه (قصتي مع الاكورد+بعض الاستفسارات)

**Accord-2009** · 21-09-2008, 07:30 AM

السلام عليكم ورحمه الله وبركاته

طبعا انا عضو جديد وهاذي اول مشاركه لي بالمنتدى وبقولكم قصتي مع الهوندا:d

بدات قصتي مع الهوندا يوم شرالي الوالد اول سياره خاصه فيني طبعا بدون ما ياخذ رأيي
والي هي اكورد 2002 سبيشل لونها رصاصي
طبعا اول ما شفتها تحطمت لاني كنت اقدر شي اسمه كامري(2002)<والله موووتر
المهم استخدمت الاكورد لمده 6 سنين والى الحين وهي معي
طبعا بهاذي المده 6 سنين سويت علامه × كبييييره على الكامري:p
وفي بدايه رمضان وبعد تدهور حاله سيارتي الصحيه <<<مع انها شغاله وما في اطلق منها
قررت اشتري موتر وطبعا بدون اي تفكير وبدون ما اروح اي معرض
قررت اخذ اكورد2009 اللون رصاصي سبشل مثل لون سيارتي القديمه<من كثر ما احبها:o
وانشاء الله تطلع بعد العيد عشان المرور عندهم اجازه يوم الاثنين وما اقدر اطلع اللوحات الا بعد العيد<<والله قهر

:dتوته توته خلصت الحتوته:d
نجي للاستفسارات:
1-بكم الكشافات عند الوكاله مع التركيب <<<ابي سعر الوكاله عشان الضمان ما يروح ويركبولي عصا الاشاره<<ما ادري اذا هاذي المعلومه صحيحه

2-ابي اطلق محل بالرياض ينجد الموترحتى لو كان غالي ما ابي الجلد الي عند الاسماعيل الي فيه قطن<يخرب بسرعه وابي البس الارضيه بلاستك بس يكون خياطه مو اي كلام

3-ابي اركب زينون وش اطلق زينون يكون سعره ما يتعدى 1000 ووش احلى لون عطوني رقم اللون والمحل الي يركبه ابي محل مضمون مو يلعب علي يقولي لازم كتاوت وخرابيط لانو انا زمان ركبت هلا على الاكورد القديمه كان تركيبها كانه وكاله واقدر افكه واركبه بنفسي

4-اطلق محل يضلل طبعا تضليل ابو 40 ريال لان الميزانيه مااش:(وابي رايكم وش رايكم اضللها نيكل من برا كتم عشان ما يوسخون السياره من جوه بالفيري

وفي الختام اتمنى ما اكون ثقلت عليكم بس تحملوني توني جديد عندكم:oوانتضر ردودكم تشااااو

**A C C O R D 0 8** · 21-09-2008, 10:46 AM

1-بكم الكشافات عند الوكاله مع التركيب <<<ابي سعر الوكاله عشان الضمان ما يروح ويركبولي عصا الاشاره<<ما ادري اذا هاذي المعلومه صحيحه

لا ياغالي الضمان مايروح الا اذا لاقدر الله صارت لك مشكله بالكهرب .. وضمان الكهرب بس هو اللي يروح موب ضمان السياره كامل ..

وسعرها تقريبا 1500 بدون العصا .. مع التركيب كامل ..

2-ابي اطلق محل بالرياض ينجد الموترحتى لو كان غالي ما ابي الجلد الي عند الاسماعيل الي فيه قطن<يخرب بسرعه وابي البس الارضيه بلاستك بس يكون خياطه مو اي كلام

في يقولون محل الكثيري بالغرابي بس والله علمي علمك عيوبهـ مزاياهـ

3-ابي اركب زينون وش اطلق زينون يكون سعره ما يتعدى 1000 ووش احلى لون عطوني رقم اللون والمحل الي يركبه ابي محل مضمون مو يلعب علي يقولي لازم كتاوت وخرابيط لانو انا زمان ركبت هلا على الاكورد القديمه كان تركيبها كانه وكاله واقدر افكه واركبه بنفسي

اطلق زينون الحين وانا مركبهـ والله اووكيهـ

محولات هيلا وزينون لونهـ 4300 .. اصفر على ابيض ..

لوونه بطل بيني وبينكـ .. وطلع علي كلهـ بـ 900 ريال . لاني شريت المحولات معها لمبات موب 4300 ومشت معي فترهـ وبعدين شريت اللمبات ذي .. لونها 4300 .. بـ 190

ومن محل التمران .. هم التووب بالغرابي من ناحيهـ الزينون ..

4-اطلق محل يضلل طبعا تضليل ابو 40 ريال لان الميزانيه مااش:(وابي رايكم وش رايكم اضللها نيكل من برا كتم عشان ما يوسخون السياره من جوه بالفيري

واللهـ عاد ذي ماهقيت اعرف لك محل تسذا .. لكن اذا انت بالسويدي ولا حولها ..بوهـ محل بشبرا على كيف كيفك :d ..

بعد مايجيك الشراع على اليمين .. اخر محل بنفس المبنى .. يشتغلون فيهـ هوند وكبيرهمـ سوداني اسمه سامي :d

المحل ذا اوكيهـ ..

لا ماراح تتوسخ السياره ان شاء الله لانها قماش << 1 .. والفيري راح يدخل من الربلات يعني ماعندك مشكلهـ .. واساسا من الوكاله تجي ببلاستيكه تغطي لك الباب كاامل ..الابواب الاربعه كامله ..

الله يكتب لك اللي فيهـ الخير ويوفقك ..

واي استفسار حنا حاضرين ..

**Accord-2009** · 21-09-2008, 11:34 AM

مشكووووووووووووووووور اخوي ما قصرت

وانتظر باقي الردوووود

**Accord-2009** · 21-09-2008, 11:39 AM

لا ياغالي الضمان مايروح الا اذا لاقدر الله صارت لك مشكله بالكهرب .. وضمان الكهرب بس هو اللي يروح موب ضمان السياره كامل ..

وسعرها تقريبا 1500 بدون العصا .. مع التركيب كامل
نسيت اقول طيب لو ركبته بدون عصا بالوكاله يحطون له زر بجنب الزر الي يرفع النور وينزله ولا يخلونه يشتغل اجباري مع السكنات

**@اكورد وبس@** · 21-09-2008, 12:43 PM

مبرووووووووووووووووووك

الله يعطيك خيرها ويكفيك شرها

ام عن الاسئله فعلمي علمك

الاعضاء ما يقصرون

**Accord-2009** · 21-09-2008, 01:58 PM

الله يبارك فيك
بس وين الردوووود بس ردين وهاذي اول مشاركه لي

**الـمـسـافـر** · 21-09-2008, 02:38 PM

الوكاله لازم تركب لك العصى معها

لانها تجي كامله بالكرتون حقها

**Accord-2009** · 21-09-2008, 04:17 PM

المشاركة الأصلية كتبت بواسطة الــمــســافــر

الوكاله لازم تركب لك العصى معها

لانها تجي كامله بالكرتون حقها

مشكووور اخوي طيب كم سعرها مع وبدون تركيب

**ـبطرانـ2005ــ** · 21-09-2008, 04:55 PM

مبروك عليك العشر

مبروك عليك السياره

مبروك عليك اللوحات

مبروك عليك العيد <<مقدما

والله يطعمك من خيرها ويكفيك شرها

**assassin_vip** · 21-09-2008, 05:04 PM

في البداية الله يعطيك خيرها ويكفيك شرها ونصيححححححححححة مدامك ما استلمتها روح للشركة مرة ثانية واطلبهم يركبو الكشافات وادفع المبلغ قبل استلام السيارة لأنه سعر الكشاف قبل استلام السيارة غير بعد الإستلام ولا تغلط غلطتي وتندم بعدين
انا معاي سيفك 2008 قبل الإستلام الكشافات بي 1200 ريال تقريباً معا التركيب والذراع وكل شي وبعد الإستلام الكشافات 1603 ريال + 250 ريال تركيب ...

وتقبل تحياتي ...:d

**Accord-2009** · 21-09-2008, 06:13 PM

المشاركة الأصلية كتبت بواسطة ـبطرانـ2005ــ

مبروك عليك العشر

مبروك عليك السياره

مبروك عليك اللوحات

مبروك عليك العيد <<مقدما

والله يطعمك من خيرها ويكفيك شرها

الله يبارك فيك

**A C C O R D 0 8** · 21-09-2008, 06:16 PM

زي ماقالوا لك الشباب تجي كامله سوا ..

واتمنى انك مريت الموضوع الي عطيتك رابطهـ :d

**Accord-2009** · 21-09-2008, 06:19 PM

المشاركة الأصلية كتبت بواسطة assassin_vip

في البداية الله يعطيك خيرها ويكفيك شرها ونصيححححححححححة مدامك ما استلمتها روح للشركة مرة ثانية واطلبهم يركبو الكشافات وادفع المبلغ قبل استلام السيارة لأنه سعر الكشاف قبل استلام السيارة غير بعد الإستلام ولا تغلط غلطتي وتندم بعدين
انا معاي سيفك 2008 قبل الإستلام الكشافات بي 1200 ريال تقريباً معا التركيب والذراع وكل شي وبعد الإستلام الكشافات 1603 ريال + 250 ريال تركيب ...

وتقبل تحياتي ...:d

يسلمو على المعلومه الحلوه
ياخي عبدالله هاشم ذا ودي اصفقه

عروضه بايخه جدا تخيلو الدعاسات يعطونك اي كلام والزينه يبيعوها بمبلغ وقدره

**هنادي 8** · 21-09-2008, 06:56 PM

انا مركبها من الوكاله+العصا ب1580 مع التركيب
ونزلت موضوع وتفضل الرابط
http://www.hondaarabia.com/club/showthread.php?t=10766

اتمنى اكون افدتك

**أبو عــزوز ..** · 21-09-2008, 07:08 PM

إذا تبي تنجد جلد .. نصيحة لاتتعدا الكثيري بالغرابي ..

شغل كأنه شد بلد .. وشغله بالمرة نظيف وأنا شفته يشتغل على فورد اكسبلولر .. وصاحب الأكسبلولر معاهـ كورلا 2003 مركب الجلد من خمس سنوات .. وماشاء الله حلــــــو ولاعيوب تذكر ..

روح لواحد يقاله أبو خالد .. وقوله إنك جاي من منتدى محبي هوندا .. وهو بيخصم لك بالسعر ..

**حبيب هنادي** · 21-09-2008, 07:11 PM

مبروك

(( يعطيك خيرهاا ويكفيك شرهااا))

انا مثلكـــ (( ما طلعو الوحات))

بس بعد العشر بروح انا وخوي نطلع الموتر من خشمهم

**Accord-2009** · 21-09-2008, 07:59 PM

المشاركة الأصلية كتبت بواسطة هنادي 8

انا مركبها من الوكاله+العصا ب1580 مع التركيب
ونزلت موضوع وتفضل الرابط
http://www.hondaarabia.com/club/showthread.php?t=10766

اتمنى اكون افدتك

مشكوووووووور

**Accord-2009** · 21-09-2008, 08:02 PM

المشاركة الأصلية كتبت بواسطة أبو عــزوز ..

إذا تبي تنجد جلد .. نصيحة لاتتعدا الكثيري بالغرابي ..

شغل كأنه شد بلد .. وشغله بالمرة نظيف وأنا شفته يشتغل على فورد اكسبلولر .. وصاحب الأكسبلولر معاهـ كورلا 2003 مركب الجلد من خمس سنوات .. وماشاء الله حلــــــو ولاعيوب تذكر ..

روح لواحد يقاله أبو خالد .. وقوله إنك جاي من منتدى محبي هوندا .. وهو بيخصم لك بالسعر ..

انشاء الله بنجد عنده شكله

**Accord-2009** · 21-09-2008, 08:06 PM

المشاركة الأصلية كتبت بواسطة حبيب هنادي

مبروك

(( يعطيك خيرهاا ويكفيك شرهااا))

انا مثلكـــ (( ما طلعو الوحات))

بس بعد العشر بروح انا وخوي نطلع الموتر من خشمهم

الله يبارك فيك
امين انشاء الله وياك
ابي لوحااات

**A C C O R D 0 8** · 21-09-2008, 08:12 PM

88

طلعوها من فرع المطار ..

مرور المطار ..

مداومين الى 29 رمضان ..

<< تو ولد عمي مطلع موتر جديد من عندهم .. يوكن .. ولوحهم فلله .. ا ص م - ا ص هـ .. وفيهـ بعد بس يقول لي ولد عمي هذي اللي فيه هذاك اليوم ..

شدو الهمه .. ولو تبون تعرفون وش المطلوب بالضبط عشان تصدرون اللوحات ارسل لي رساله على الخاص اجيب لك خبر الموضوع كامل من طقطق للسلام عليكم ..

**سعودي نيوز** · 22-09-2008, 12:14 AM

مبروك والله يطعمنا مثلكم يارب

**ELEGANT BOY** · 22-09-2008, 01:13 AM

مبرووووووووووووووووووك

الله يعطيك خيرها ويكفيك شرها يارب

**Accord-2009** · 22-09-2008, 07:50 AM

الله يبارك فيكم يا رب:d

**zeyad** · 22-09-2008, 08:40 AM

ولله حرام عليك

تشتري رصاصي

ترا اللون مررره ماعليه طلب

تبي تقول ماهو السبب اقول لك الداخليه يا اخوووي تجيك رصاصيه وكروم مايجي خشب

ولو اني منك اخذ اي لون ثاني بس تكون الداخليه بيج وخشب ولله فرق شاااسع تحس بالفخامه
اما الرمادي احس انا انك مانتب مفرق بينها وبين السفك لو عندك سفك

ومااتوقع ان هاذا اللون عليه طلب هو والرصاصي الغامق والفاتح والسبب لون الداخليه فقط

ولا الرمادي لون حلو ماعليه وانا معك ان اللون حلو بس الداخليه اهم شي <<وجهه نظري

**Accord-2009** · 22-09-2008, 09:08 AM

المشاركة الأصلية كتبت بواسطة zeyad

ولله حرام عليك

تشتري رصاصي

ترا اللون مررره ماعليه طلب

تبي تقول ماهو السبب اقول لك الداخليه يا اخوووي تجيك رصاصيه وكروم مايجي خشب

ولو اني منك اخذ اي لون ثاني بس تكون الداخليه بيج وخشب ولله فرق شاااسع تحس بالفخامه
اما الرمادي احس انا انك مانتب مفرق بينها وبين السفك لو عندك سفك

ومااتوقع ان هاذا اللون عليه طلب هو والرصاصي الغامق والفاتح والسبب لون الداخليه فقط

ولا الرمادي لون حلو ماعليه وانا معك ان اللون حلو بس الداخليه اهم شي <<وجهه نظري

مشكور على على ابداء رايك وهذا يهمني طبعا
انا معك انو الداخليه الرماديه ما عليها طلب وانا مستغرب من كذا مع انو لو تلاحظ انو الداخليه الرماديه رياضيه اكثر خاصه الفل كامل متناسقه الالوان بعكس البيج طبعا اتكلم عن السبيشل لانو يفرق كثير من جوه عن الفل
واللون الرمادي يتحمل الوسخ اكثر من البيج بكثير
وما دامك ذكرت الالوان انا باقي ما اخترت اللون لاني احتري القرض من البنك ومسجلها بدون لون
طبعا الداخليه الرصاصيه انا مقتع فيها 100% لكن محتار بين الفضي والرصاصي لانو صراحه اروح الوكاله اخق مع لون معين اطلع من الوكاله اشوفها بالشارع احس انها بايخه