علامة المكينة ولعت !! مالسبب ؟؟

**Acc** · 01-10-2006, 05:14 AM

السلام عليكم

انا عندي اكورد 2003 ماشية للحين 160 الف كلم

ماكان فيها اي مشاكل والحمدلله

تفاجأت قبل اسبوع وانا امشي بالسيارة بظهور علامة المكينة !!!

وظلت العلامة تظهر وتختفي كما تشاء !!

مالسبب ياترى ؟؟

وهل واجهتو نفس المشكلة ؟؟

**Blue Love** · 01-10-2006, 06:05 AM

يمكن فية شي مو شرط المكينة اي شي مرتبط فيها .. تحتاج للفحص ..

قد ولعت عند واحد من الشباب وكان تحتاج وزنية وبعد ماضبطها راحت العلامة ..

**BLK** · 01-10-2006, 11:35 PM

وش مسوي يا Acc :d ?

روح أقرب مكان تشييك .....

مثل ما قال أخوي بلو لوف .. خصوصاً إن سيارتك ماشية كثير نوعاً ما ....

**Storm CiViC** · 02-10-2006, 12:22 AM

انا حصلت معايا نفس المشكلة بس الفرق بيننا اني كنت طابق الطبلون 300 كلم

وبعد توقفي 5 دقايق ومطفيت السيارة ( رجعت لوضعها الطبيعي )

ولكن في شباب قالوا يمكن تكون في مشكلة في الحساسات الي في المكينة .

_ والله اعلم _

**HONDA_Accord** · 02-10-2006, 12:45 AM

يمكن انت داخل بموية ولا رمل ووصل الرمل او الموية للبخاخات او الحساسات وهاذي مشكلة تجلس يومين ثلاث ايام تولع وبتروح او ان الموية ماتوصل داخل المكينة او ربلات الراس(القازقيت) عندك اخترب لكن ترتفع الحرارة معك وتلقا بالرديتر زيت لكن على الاغلب موية او رمل وصلت للبخاخات وانشالله تروح ولو تقول لنا وش كنت تسوي قبل ماتولع المكينة بالظبط او وش نوعية الطريق الي تمشي عليه يمكن نقدر نساعدك بشكل افضل

**accord 06** · 02-10-2006, 12:45 AM

و عليكم السلام و رحمة الله و بركاته

صعب تحديد المشكله لانه حتى لو الكنداسه فيها مشكله بتولع لمبة المكينه

بس عندي سؤال انت تغير قطع المكينه الاستهلاكيه بوقتها ؟ بواجي و فلتر ....

**Storm CiViC** · 02-10-2006, 01:05 AM

ما شاء الله هوندا اكورد

طيب اقرى الرد الي قبلك واعطيني سبب المشكلة عندي ( الله يحفظك )

**الاخطبوط** · 02-10-2006, 01:47 AM

انا تولع عندي بالاكورد 96 بس اذا مسكت خط ومسرع

غيرت البواجي وراحت اللمبه >>>> لاطفت اللمبه تحس ان مكينة سيارتك نظيفه :d

ولها فترة طافيه بس الحين رجعت مره ثانيه >>>> نلعب احنا

وعندك الف سبب وسبب لكن الافضل فحص بالكمبيوتر عند الوكاله او ورشة متخصصه

**Acc** · 02-10-2006, 02:32 AM

نسيت اذكر شباب

ان البور يسرب زيت

صارله شهرين تقريبا

تتوقعون هو السبب ؟؟

وشكرا على مشاركاتكم

**HONDA_Accord** · 02-10-2006, 05:10 AM

انا ما اتوقع انه السبب لان ماله دخل بالمكينة لكن شوف يمكن الزيت حق الباور يطير ويروح للمكينة او يوصل للحساس الي من جهة الباور او انه وصل لراس المكينة وانشعر لكن ياليت توضحلنا اكثر وين كنت تمشي او وشكنت تسوي قبل تولع اللمبة مثلا مسرع واقف تعبي زيت تعبي موية تعبي بنزين ولا تقول اللمبة متى تولع اذا مشيت ولا اذا وقفت او على اي سرعة بالظبط علشان نقدر نفيدك

اخوي سفك ستورم وش نوع سيارتك بالظبط وياليت تقولي وشلون قدرت توصل 300 وفي اي غيار بالتحديد بس بقولك ركز معاي شوي
السيارة مبرمجة تفصل مرتين
المرة الاولى عند السرعة المحددة مثلا سرعة 210 خلاص تفصل السرعة

المرة الثانية لما توصل اكبر عدد دورات او اقصى قوة تتحملها المكينة او اقصى سرعة
الفصلة الثانية شفايدتها فايدتها تفصل المكينة علشان ماتنفجر
انت وصلت 300 وفصلت عليك المكينة يعني لو توصل سرعة 301 كيلو تنفجر عليك المكينة والي صار معاك فصلت المكينة مرة وحدة وهاذي ضارة جدا بالمكينة لازم المكينة اذا وصلت اعلى عدد دورات تتحمله وخصوصا لاصار الموديل قديم شوي لازم يخترب شي معاها فا انت الظاهر اخترب عليك شي بالمكينة حساسات او شياء كثيرة او شفطت البخاخات غبار او اي شي لكن لاتخاف لان مكينة سيارتك تقريبا قيمتها 1200 الف يعني لاتشيل هم
اتمنى اكون افدتكم

اخوي اخطبوط مدمن ديو

انت تولع اللمبة بالظبط اذا اسرعت او اذا وصل عداد الضغط عدد كبير
يعني اذا دعست لاخر حد قبل ماتعشق تولع اللمبة ولا تعشق عادي وتواصل؟

وانصحكم قبل ماتسوون اي شي او تروحون اي ميكانيكي تسوون تنظيف بخاخات وطريقته تشترون بخاخ بعشرة ريال اي سي ديلكو منظف لبخاخات وشيلون الماصورة الي تشفط الهوا من عند الفلتر توديه للبخاخات وترشون من البخاخ بالبخاخات وكل ماتطفي السيارة شغل وخلك ساحب السلك حق البنزين واذا ماتعرف السلك وين خل احد يركب ويشغل ويدعس لاخر شي كل ماتطفي الين خلاص يصفي عزم السيارة تقريبا بتجلس نص ساعة وانت تسوي كذا بيطلع دخان من الشكمان بس عادي لاتخاف هذا بيكون الكربون الي داخل البخاخات بس بتقطع عليك بعد ماتنظف البخاخات تقطع لان البواجي بيجيها كربون روح غير البواجي وخلاص ترجع احسن من اول وتوفر مية وخمسين حق تنظيف البخاخات وتحطه في جيبك وروح شيل اسلاك البواجي الي متصلة بالمكينة ونظف اماكنها واحد واحد شيل الاسلاك واحد واحد علشان ماتضيع بين الاسلاك وتظفها بمنشفة او منديل ونظف السلك من داخل وركبه
اتمنا اكون افدتكم
اتمنى اكون افدتكم

**اتــشـــــ** · 02-10-2006, 04:11 PM

المشاركة الأصلية كتبت بواسطة HONDA_Accord

السيارة مبرمجة تفصل مرتين
المرة الاولى عند السرعة المحددة مثلا سرعة 210 خلاص تفصل السرعة

المرة الثانية لما توصل اكبر عدد دورات او اقصى قوة تتحملها المكينة او اقصى سرعة
الفصلة الثانية شفايدتها فايدتها تفصل المكينة علشان ماتنفجر

بالنسبة للفصلة الثانية حصلت مرة معاي كنت ناسي القير على الـ D3 وظغط المكينة وصل للحد الاحمر

بس الحمد لله ان القير فصل :d

**مش مش** · 02-10-2006, 05:24 PM

هذا حساس خربان بس والمكينة تمشي على وضع الطوارئ يعني فترة وبتوقف وبلا فلسفة زايدة

**أبـوسعـود** · 02-10-2006, 05:31 PM

هلا وغلا ..

شباب شفيكم مصدقين انها تجيب 300 كم والله لو انها مكس ولا التيما على غفله ....

اقروى الرد زييين هو يقول صافق طبلون موترة (( يعني وهو يمشي 210 كم )) مسافه 300 كم ....

وليس على سرعة 300 كم ....

.

**Acc** · 03-10-2006, 01:44 AM

وعلى فكرة انا غيرت شمعات الاحتراقات وفلتر الهواء ونظفت البخاخات وبدلت ربلات البخاخ

لكن مافي نتيجه !!!؟

**HONDA_Accord** · 03-10-2006, 05:15 AM

اخوي مشمش وضع الطوارئ لما الجير يفصل وتجلس لمبة الجير تولع وتطفي ويصير ماعندك الا تعشيقتين الثانية والرابعة بس ولما تولع لمبة المكينة بس مايتعدا الضغط 3 ولا يجي هالوضع الا ذا كان عندك خراب ومايروح الا لما يروح الخراب مايروح بعد فترة !

اخوي ابو عايد لما نتكلم عن الهوندا ونتكلم عن محركات الفتك يعني نتكلم شي اكبر من مكسيما والتيما واكبر من شركة تخفف وزن السيارة علشان تشيل كل مواصفات الامان الي فيها وتخليها تسرع فقط مثل سيارات التيما وماكسيما شي طبيعي اي سيارة بتخفف وزنها بتصير اسرع والمكسيما والالتيما زين وبطلعه الروح توصل 240 لكن الاكورد او السفك توصل وهي مرتاحة بالغيار الرابع بعد بس لما يفكون الفصلة حقت السرعة ومستحيل هوندا تفكها من الوكالة مثل نيسان لانها تخاف على سلامة المستهلك لكن كثير ناس شالو الفصلة وبوريك جدول الجير ومتى يوصل سرعة 300 كيلو متر
طبعا بدون ماتحرك الجير
التعشيقة الاولى 60
التعشيقة الثانية 120
التعشيقة الثالثة 180
التعشيقة الرابعة توصل سرعة 240
التعشيقة الخامسة توصل سرعة تقريبا 300 او اقل
الخامسة طبعا الي متوفرة بالاكورد من موديلات 2003 فما فوق وبالسفك من موديلات 2006 فما فوق
اتمنى اكون وضحتلك

**U n l i m i t** · 04-10-2006, 05:31 AM

يا شباب انا شايف الموضوع تعقد مررررره

انا مرت عليا المشكله هاذي قبل كذا . . وطلع من سير التايمينغ . . اللي هوا سير متصل بيعمود الكرنك يوصل الحركه للكام شفت عشان يتحرك مع عدد دورات الكرنك . .

لانه اغلب السيور تتغير بعد الـ 100 الف كيلو . . واذا ماتغيرت يبدأ السير يرتخي وتبدا اترتجافات بين الخووابير ويصير العزم داون

فياريت تشيك عليه بالمره لانه اذا انقطع لا سمح الله راح يعوج البلوف وتتكسر تروس الكامتين

وهذا سبب . . وفي كثير اسباب غيرها زي حساس الاكسجين وحساس الاقزوز و و و و

لكن السبب الاول هوا المعروف . . . ومعليش على المداخله لانه شايف فتاوي جالسه تتكتب

**الاخطبوط** · 05-10-2006, 01:14 AM

انا تولع اللمبه اذا مثلا ماشي 140 لمسافه مثلا 40 كيلو وبعدين اشيل رجلي عن البنزين تولع اللمبه علطول

بس مايتغير شي لا بالمشيه ولا بالعزم ولا صوت المكينه

يعني الوضع طبيعي بس اللمبه مولعه

ملاحظه: على طاري سير التايمينق انا انقطع علي مره وانا ماشي والسياره طفت علطول وشلتها بسطحه لورشه لقينا السير متقطعه سنونه (السير مو حديد بل ربل لاكورد 96) طبعا 16 بلف كلهم تعوجوا وراحو فيها وخمسين الف قطعه غيرتها بالمكينه غير الخراطه والتصليح كلفني 2500 ريال نصيحه غيروه اول ماتوصل 100 الف كيلو لايصيرلكم اللي صارلي ترى قيمته على مااذكر 150 ريال فقط