السلام عليكم ورحمة الله وبركاته

كيفكم يا شباب انشاء الله منيحين, الحمدلله منيحين

طيب حبيت اشارك بتجربتي مع مقياس درجة الحرارة للاكورد 2003-2007, انا سيارتي 2007 فل, لما قرأت موضوع الاخ ACCORD 06 تشجعت وتحمست وطلبت القطعة, ولما جيت اركبها تفاجأت انها ماتركب في سيارتي مع انها فل والسبب ان الفيشة الخارجية الي تشبك مع الحساس مو موجودة كذلك الفيشة الداخلية مو موجودة جاني احباط, اشار علي الاخ الاخطبوط مشكوراً اني اشبك الحساس مباشرة مع الفيشة الداخلية وقمت بالتجربة واشتغل الحمدلله, لكن كيف ادخل السلك حق الحساس داخل السيارة ؟؟؟؟؟

هذا الي راح اشرحة انشاء الله

بسم الله اول شي تتبعت كل الاسلاك الي داخلة داخل السيارة كلها محكمة الاغلاق ولا في اي مجال انك اتدخل ابرة لفت انتباهي السلك حق البانه (غطا الماكينة ) تتبعته وتفاجأت شوفو معي



دخل في نهايته في الرفرف



خلينا نشوف ايش في داخل الرفرف, نفتح الرفرف من جهة باب السواق كذا



شوفو ايش لقيت ثلاث فتحات وحدة لسلك البانة وثنتين مسكرات, انا فتحت الوسطية بالضغط عليها للداخل



طيب خلينا نشوف ايش صار داخل السيارة, لقيت الغطا الي كبسته للداخل



طيب شوفو المفك وين صاير









ممتاز الحين وصلنا لصندوق الفيوزات الداخلي, طيب الحين خلينا نسوي فتحة صغيرة في الغطاء الاسود وندخل منه السلك الي راح يوصل للحساس





الحين نسحب السلك من خلال الفتحة الي لقيناها ونثبته مع سلك البانه كذا



الحين مرر السلك مع الفتحة الي رايحة للمكينة وثبتها مع سلك البانه كذا



الحين نيجي للحساس, الشباب شرحوا طريقة تثبيت الحساس للسيارات الفل انا عندي طريقة يقدر اي واحد يسويها بنفسة, جيب قطعة حديدية 5*13 سم وسويها كذا







وثبتها في الصدام, كيف بدون تلحيم؟

انا اقولكم, الصدام الداخلي الحديدي فيه صامولة 14 فكها شوي ودز الحديدة تحتها ذا



وثبت الحساس كذا



طبعا لازم تثبت سلك الحساس عدل علشان ما ينقطع لاي سبب من الاسباب

الحين انجيب هذه الظفيرة وهي تنباع عن محلات الالكترونيات حيب زوجين مثل هذولي





زين ليش هذه الظفيرة؟؟

هذه الظفيرة علشان توصل السلك الي سحبناه بسلك الحساس, هذا من الطرف الخارجي

ومن الداخل بالسلك الي داخل على الصندوق الاسود (الظفيرة ام 3 اسنان)

بهذه الطريقة





ومن الداخل كذا





والنهاية السعيدة والحمدلله



وكدا كل الي كان زعلان علشان ما ركب عنه مقياس الحرار اكيد بيكون فرحان الحين

:d:d:d:d:d:d:d:d

طبعا طريقة تمديد الكيبل تقدر تستفيد منها في المستقبل لأغراض ثانية

وفي النهاية المجلس سبحانك اللهم وبحمد استغفرك واتوب اليك

ولا تنسوني من الدعاء في العشر الاواخر