التحرك بالسيارة بدون إحماء

**khlah77** · 22-09-2008, 04:24 AM

التحرك بالسيارة بدون إحماء هل له اضرار
ارجو الافادة:d:d:d:d:d

**O m a r** · 22-09-2008, 04:34 AM

الأفضل للسياره لا تتحرك إلاّ عند ما توصل الحراره قبل النص بشي بسيط !

يعني تحركها على حرارتهــــآ الطبيعيـه ! هذا الأفضل وهذا الي تعودنـآ عليه

والخطوره طبعاً في أوقات البرد لازم تحمّيهـآ وقت كآفي

( وبديـهياً ما فيه محرك في الدنيـآ يؤدي مهمته على أكمل وجه إلا يكون فيـه حراره كآفيه )

**khlah77** · 22-09-2008, 04:45 AM

شكرا لمرورك

**just ACCORD** · 22-09-2008, 04:51 AM

المشكله لو ما حميتها امش فيها بس لا ترس بنزين !! لانك بتزيد الريس>> هذا اذا كنت مستعجل مره مره مره :d

وبعدين انا اذا نزل الريس تحت الواحد مشيت !!

واحسن شي خلي السياره تحمي كامل

تحياتي لك

**Classic Design** · 22-09-2008, 05:10 AM

لازم تحمي السيارة

مرة مرتين ما تحميها مستعجل عادي

أما على طووووووووووول ما تحميها حتى لو بالصيف يضر بالمكينة و من أكبر الأسباب اللي تخلي المكينة تخبط

يعني إذا نزل الضغط عند 1 أو عند النص يصير الزيت يغلي بالمكينة وبعد مايغلي تمشي

**الهادف** · 23-09-2008, 12:35 PM

المشاركة الأصلية كتبت بواسطة classic Design

يعني إذا نزل الضغط عند 1 أو عند النص يصير الزيت يغلي بالمكينة وبعد مايغلي تمشي

كلامكم كله حلو شباب .. ولكن حبيت انوه ان الزيت ما يغلي داخل المكينة

لو كان الزيت يغلي كان كل بصير عمر الزيت في المكينة نصف ساعة اذا طولها ..

**assassin_vip** · 22-09-2008, 05:53 AM

على حسب خبرتي المتواضعة في ضرر بس على المدى الطويل ... هذا والله اعلم

**wahd** · 22-09-2008, 07:10 AM

أكيد له أضرار

أنتبه تحرك السياره بدون تحميه ولا تشغل المكيف

**ali wawa** · 23-09-2008, 05:25 AM

المشاركة الأصلية كتبت بواسطة wahd

أكيد له أضرار

أنتبه تحرك السياره بدون تحميه ولا تشغل المكيف

مظبوط,,
وأزيد على كلامه ترى لازم تحمي السيارة ماتقل عن 3 دقايق,,

**ياسر الشمراني** · 22-09-2008, 09:07 AM

مرحبا
اي والله فيها مليون ضرر
اقلها حساسات المكينه !

مره مشيت بدون ما احمي السياره وفي النهايه غيرت حساس المكينه بـ : 2000 ألفين ريال :(

**A C C O R D 0 8** · 22-09-2008, 09:29 AM

واللهـ وانا اخووكـ اكييد له ضرر ..

الزيوت مابعد احتمت والسوائل بالمكينه من زيت قير ودركسون والباقي مابعد حمت ..

فشي ضروري التحميهـ .. وبعدين الله من هالوقت .. كلها دقيتين بس ويمكن اقل وتحمى السيارهـ ..

الله يوفقك اخوي ..

**gif** · 22-09-2008, 10:05 AM

الله الله بالتحميه ولاتمشي إلا وانت محمي تكفى ياوزير الدولة مشغول ماعندك وقت تنتظر دقيقتين ؟؟؟ خخخخخخخخخخ
انتظر الله يصلحك وبالنسبه للضرر ايه فيه ضرر اكيد ولو قريت دليل المركبة راح تعرف وش يقولون هناك :d

**Moooody** · 22-09-2008, 10:48 AM

تقدر تجري أول ما تصحى من النوم

... زي كده السيارة ;)

**شايل الظبي** · 22-09-2008, 11:35 AM

الله يرحم الوالد كان معه ددسن98 وكابرس2001ماعمرهم ذاقو طعم التحميه بس نااااان ناااااان وادعس الكابرس واجهنا منه ردت فعل بس ابو عزيز يقول لا لتحميه ههههههههه

**Zero Cold** · 23-09-2008, 05:10 AM

أتحداك تلعب كورة ولا تمارس رياضة عنيفة بدون ما تحمي:d
نفس الهرجة بالضبط مع المكينة
يجيها شد عضلي

**عشقي الأول** · 23-09-2008, 05:20 AM

له ضرر على المدى الطويل فقط

**شخص عادي** · 24-09-2008, 09:09 PM

لازم تهتم بموضوع احماء السياره

اعتقد دقيقه من الانتظاار مو طويله ..بعدين الهوندا تعجبك انها تحمى بسرعه

اجل لو معك نيسان وش بتسوي؟

انت عارف النيسان كم يبيله عشان يحمى

تحياتي

**بن شافي** · 25-09-2008, 02:08 AM

صباح الخير على الشباب كلام الاخوان ماعليه زياده ووقت التحميه تقريبا 1.30 تقريبا واعتبرها وقفه عنداشاره غصبا عنك من الزحمه وسياره لاتستخسر فيها الوقت والمال فهي رفيقك في وقت الازمات وهي خيلك في المعارك والزحمات

**Daniel alves** · 25-09-2008, 05:32 PM

والله على حسب علمي المتواضع ان التحمية ضرورية

تحياتي

**ieboo** · 25-09-2008, 06:31 PM

طبعا ظروري تحمي
بس ماعليك من مقياس الحراره
لان هذا مقياس درجة حرارة الماي

اول ما ينزل الريس امشي

**أبوعبدالله** · 25-09-2008, 07:10 PM

كفو وففو الشباب

يس لازم تحمي السياره علشان يطول عمر المكينه معك

**deabess** · 26-09-2008, 10:24 PM

السلام عليكم

انا فى رأىى يا جماعة ان تحمية السيارة مو مهمة,لأنة بالمنطق بمجرد ما تدور السيارة بيكون زيت الماكينة مخطلت بالبساتم بنفس الدرجة بعد ساعة من التشغيل ودليل اخر ان ما فى اي توصية فى كتالوج السيارة بالتحمية

**اتــشـــــ** · 27-09-2008, 06:19 AM

المشاركة الأصلية كتبت بواسطة deabess

السلام عليكم

انا فى رأىى يا جماعة ان تحمية السيارة مو مهمة,لأنة بالمنطق بمجرد ما تدور السيارة بيكون زيت الماكينة مخطلت بالبساتم بنفس الدرجة بعد ساعة من التشغيل ودليل اخر ان ما فى اي توصية فى كتالوج السيارة بالتحمية

ياخي اهنيك على ردك

صحيح ياشباب كتلوج السياره يقول مو ضروري تحمي السياره
اهم شي بعد تشغيل الموتر مانسرع بالسياره الين ترتفع حرارة الموتر للحد الطبيعي
وبعد كذا خذوا راحتكم

( للامانه مع اني عارف هالمعلومه من يوم شريت الموتر ... مع ذلك لازم احمي الموتر قبل لاامشي :d )