السلام عليكم وتقبل الله منا ومنكم صالح الاعمال في هذه الايام

اخواني بخصوص كفرات الاكود 2008 مقاس 17 انش ، الكل يعرف ان مقاسها النموذجي هو : 225/50/17 وانا لي فتره قاعد اسال عن النوع الجيد والمناسب استخداما وسعرا ، المهم مالكم بالطويله في يوم من الايام من ضمن اللي سالتهم واحد من العيال فقالي: هذا المقاس على الديره اللي حنا فيها (مكه) لاتاخذ الا ارخص ارخص ارخص نوع !!!!

ليه يابو الشباب قالي مع ارتفاع 50 واقل ، مع المطبات يحبل الكفر سلام سلام زي المويه ، فلاتعب نفسك واسال مجرب ، كفر سيارتي مقاس الارتفاع 45 اوبل ماخليت نوع ماجربته وسته شهور بالكثير مغير طقم من كومهو وهانكوك الى ميشلان وبريلي

فاقترح علي فكره ثانيه ، اني اجرب مقاس ارتفاع اكبر من 50 يعني 55 60 لكن ماادري يصير اركب مقاس ارتفاع اكبر من المطلوب ، يعني مافيه مشكله في الارتفاع يعني يمكن الكفر يحك بالرفارف او الشكل يطلع مو قد كذا

هـذا وكل عام وانتم بخير