كم علبة زيت تحتاج أكورد 2008 + هل الزيت على المساعدات الأمامية عادي؟

[aL_aSeeR]

السلام عليكم يا إخوان ..

أنا بصراحة غيرت زيت ثلاث مرات ، مره في الوكاله ومرتين بمحطات بنزين ، اللي غيرت عندهم بره أحس كل واحد يتفلسف من راسه بالنسبه لعدد الليترات ، وأنا جاي أستفسر منكم وانا كلي ثقه ان اللي راح تقولونه هو الصواب بإذن الله..

توني مغير زيت الآن عند رد كاب طبعا مع الفلتر ، سألني كم تاخذ هي قلت له اللي قبلك عبالي مع السيفون 4 لتر وربع تقريباً ، قام هو وعبى 4 لتر وربع قال لي لسى ناقص ما بعد يوصل العلامه الفوقيه ، قام وزاده للنص وقال هم ناقص إلين ما وصل إلى 5 لتر إلا ربع قال كذا أوكي ، وأنا مادري ليش أحس انه أكثر من اللي المفروض تاخذه خاصة ان المعيار أحس الزيت أعلى من النقطه العلويه بشوي.

أتمنى منكم رد سريع حتى إذا طلع الزيت زايد كثير أرجع لهم ينزلوا منه حتى ما تنعدم عندي الصوف وفلتر الهواء ..

وبشكل عام كم هي المفروض تاخذ بدون الفلتر .. وبالفلتر..

سؤالي الثاني بخصوص المساعدات ، لما رفعوا لي السيارة بالورشه الفلبيني اللي يغير الزيت عملي تشييك سريع على السيارة ، وقال لي ان المساعدات الأمامية تهرب زيت ، والسيارة ما أكلت مطبات عندي ولا شي والمساعدات الأماميه لساتها قويه جداً وطبيعيه في الممشى ، قال الفلبيني احتمال كبير يصير عيب بالتصنيع فهل هذا صحيح.

وفي شغله جننتني بس مو عارف سببها ، لما ألف الدركسون تطلع عندي طقه من عند الدركسون .. يا ترى شسببها .. في شي فالت .. هل هي خطره ولا عاديه وتروح من حالها بعد فتره؟!

أنا ان شاء الله بدخلها الصيانه بعد العيد باسبوع أو اسبوعين كذا .. فهل المشاكل اللي عندي تتحمل هالتأخير ولا لازم أعجل عليها قد ما أقدر ..


ممم .. هذا وسلامتكم .. وأتمنى اني القى الجواب الشافي الوافي والسريع بنفس الوقت منكم..

تحياتي ..

[رعودي]

مساء الخير
عدد العلب 4 وربع ولا تتعدى
واللي يتفلسف عليك هذا بيدمر عليك الصوفة
باقي العلبه الخامسه صبه في خشمه
وانتبه لسيارتك من هاللي في البناشر ولا تعطيهم وجه خلهم يقولون موسوس وعله ولا يخربون عليك سيارتك

[ieboo]

وليش تخلي احد يتفلسف عليك بالمنتدى؟
اسأل الوكاله احسن ..

لو عندي علم علمتك انا سيارتي 6 سلندر واعبيها 4 ونص
يعني يمكن انت 4 بس عموما الوكاله اضمن لك لانك لو عبيتها اكثر من اللازم تخرب عندك البلوف

[az66uz]

اخوي انا شغال في الوكاله

شوف السياره تتعبا 4.300 يعني اربعه واكثر من الربع شوي

ومو لازم تاصل النقطه العلويه

اما بنسبه للمساعدات هذا طبيعي لانه مو زيت هذي ماده عازله

لكل الهوندا 2008 تحصلها زي كذا اذا طلعت من المعرض شوفها فيها المده هذي
وتبقها فيها ويحسبونها زيت

وشكر ارجو اني افدتك

[MOHAMMED SS]

بالنسبة للزيت

خذ هذا الكلام اكيد مية مية

4 سلندر

4 لتر فقط تبديل زيت
4.5 تبديل زيت مع المرشح(الفلتر)

و6 سلندر

4 لتر فقط الزيت

4.3 تبديل الزيت مع المرشح(الفلتر)

هذا الكلام من الكاتلوك

وطبعا موديل سيارتي 2007 اتوقع مافيعه اختلاف على هذا النقطة

[aL_aSeeR]

طمنتني خيو الله يطمنك بالجنه ان شاء الله ، وبصراحة وفرت علي وقت وجهد كبيرين ..

بحكم خبرتك أخوي عزوز .. الحين الزيت زايد فوق النقطه العلويه بمقدار نقطه أو نقطتين ، ما أدري راح يضر بالمكينه ولا ممكن أطوفها هالمره ومع الوقت هو الزيت بيبخر ويقل شوي .. والمره الجايه أركب الكميه اللي قلت عنها.

وبالنسبه للصوت اللي يطلع عندي داخل من داخل الدركسون إذا جيت ألف يمين أو يسار ، طبعا الصوت هو عبارة عن طقه خفيفه تطلع أول ما أبدأ ألف فقط لا غير ، حاولت أميز الصوت صوت أيش بس ما قدرت ، مرت عليك هالحاله وإذا مرت فهل فيها خطوره ولا عادي لو تركتها ..

ووووو .. بس مشكوور

[المخلب]

بالنسبة للزيت

خذ هذا الكلام اكيد مية مية

4 سلندر

4 لتر فقط تبديل زيت
4.5 تبديل زيت مع المرشح(الفلتر)


هذا الكلام من الكاتلوك

وطبعا موديل سيارتي 2007 اتوقع مافيعه اختلاف على هذا النقطة

بالضبط