وش دعوه ولا رد
اليوم الصباح طلعت من البيت واشغل السيارة عيت تشتغل
المهم هي كد طفت علي قبل هالمره وطلعت المشكله بالسلف وغيرت فحماته لكن المره هذي ما ادري
وش المشكله طبعا البطاريه جديده ... سالت واحد من الشباب معه هوندا وقال لي انه صارت له نفس المشكلة وان المشكلة في دقمة السلف ؟؟؟؟ طبعا انا ما اعرفها
سؤال كم سعر دقمة السلف؟؟؟؟؟
قبل لا انسى
سيارتي هوندا اكوورد 2004
طبعا انا من اهل الرياض
اللي يعرف ورشه زينه يعطيني خبر
مع شكري مقما لجهودكم
اخوكم سلملم:(
وش دعوه ولا رد
هلا والله
انت اذا شغلت يطلع صوت تشغيل ؟؟ يعني زي ( اذا شغلت ومافي بنزين ):d
انا خربت الدقمه بس بسيارة فورد احرك المفتاح كانه مافيه بطاريه هذي الدقمه ..{ :(
لكن اقولك شي دامك فاظي :d جرب نزل القير لـD1 ورقيه مره ثانيه لـP سوها مرتين كذا وشغل وشوف ..} :d
سلآلآلآلآم
جرب وقلي اوكي .
والله مدري عن هذي المشكله
أخوي ..rec0o0o.. أحركها بسرعه ولا
تشغيلتها كان ما فيها بطارية مع ان الانوار تشتغل والبطارية جديدة ولونها اخضر يعني جيده
جرب تحط الجير على الـ N وتشغل السياره انا يصير مع سيارتي نفس الشي ويوم احطها على الـ N تشتغل والى الان مو عارف المشكله ومطنش طبعا المشكله عندي من سنتين تقريبا والسياره
آآآآآآآآآآآآآآآآآآآآآآآآآآآآآآه يالقهر
أخيراً لقيت الحل بعد ما هبلو فيني حقين الصناعية
ابختصر لكم اللي صار لي عشان ما يتوهق احد منكم مثلي
اللي صار اني شلت السيارة لورشة وقال لي السلف خربان طبعا سعر السلف جديد 2200 ريال تقريبا
قلت له والحل قال عندي سلف مستعمل ب 600 ريال واعطيك ضمان شهرين عليه قلت حلو غيره طبعا شغل ايده 100 ريال
اشتغلت السيارة ورحت للبيت وطلعت فيه ذاك اليوم لكن للاسف التشغيل مو مضبوط المهم جاء من بكره وطلعت الظهر اشغل السيارة عيت تشتغل افا وش السالفه المهم جبت سيارة ثانيه وسويت لها اشتراك واشتغلت رحت لصاحب الورشه قلت وين العامل قالوا مو موجود رح يجيب قطع غيار متى يجي قالو ما ندري لكن هذا رقم تلفونه دقيت عليه وين انت صديق قال انا بعيد شرحت له المشكله قال خل السيارة وانا بكره الصباح اشوفها لك قلت معصي اخاف ياخذ منها شي ويبدله بشي ثاني قلت خلاص انا اجي بكره المهم طلعت ومريت كهربائي قلت شيك على البطارية شيك وقال لي البطاريه كويسه بس لحظه وجاب سلك فيه لمبه وحط السلك في اصبع البطارية (-) واشتغلت اللمبه قال عندك تسريب كهرب قلت كيف تسريب قال سيارتك فيه شي يسحب الكهرب وانت مطفيها قلت له كم تصلحها قال 250
قلت ابشوف طلعت من عنده ومريت ثلاث محلات وكلهم يقولون لي البطاريه تعبانه واذا سالتهم عن التسريب قالوا ما نعرف نفحصه المهم رحت لكهربائي وسالته قال لا تدور رح لورشة الجابري قريبه من شلنجر وهم يطلعونه لك رحت لهم وسالتهم قالوا عندنا زحمه تعال بكره
طلعت من الصناعيه ورحت للبيت وانا ضايق صدري مره المهم دق علي واحد من الشباب قال انه يعرف كهربائي ممتاز تعال الحين رحت لمه وفحص البطاريه والتسريب وقال سيارتك مشكلتها بطاريه ما فيها تسريب غير البطاريه وعلى مسؤليتي سالت الرجال اللي جايبني للورشه هاه قال اسمع كلامه تراه فنان في الكهرب المهم غيرت البطارية والحمد لله الحين السيارة مضبوطه
عذرا للاطاله ولكن ما ودي احد منكم يتوهق ويخسر مثلي
تحياتي للجميع اخوكم سلملم
ارجع للورشة وخله يرجع سلفك القديم اذا انه مضبوط لاتخليه له
مواقع النشر (المفضلة)