مشكلة المراتب الجلد!!!

**أبوعبدالله** · 13-10-2008, 03:29 PM

بسم الله الرحمن الرحيم

جلد المرتبة في السياره مشكله صراحه

انا سيارتي جلد بيج وبعد فتره تغير لونه صار عليها سواد

ولو نروح نسوي تلميــــع للجلد برضوا ترجع المشكله.

ومن احد الحلول لها بعد من نلمعها او قبل لا يتغير لونها

نحط عليها قراطيس للمرتبه او تنجيد او البلا ستيك:

القارطيس:

لو نحط على المراتب قراطيس ونتركها على السياره بيجي يوم

نلقاها فجأه متشققه طبعا هي ما تتحمل مده طويله وبكل مكان نلقى

القراطيس بس الواحد يبي ينزل ويركب سيارته بدون قلق وخوف

على القراطيس لا تتقطع. وهذي مو حل كافي.

التنجيد:

التنجيد على الجلد مشكله انك تروح تنجد على جلد الوكاله

وش فايدة اجل انك تدفع زيادة علشان تاخذ السياره جلد وكاله

تبي تحس بمنظر جلد الوكاله، وبعض محلات التنجيد تنجيدهم

الله بالخير علشان كذا التنجيد بعد مو حل.

البلاستيك:

البلاستيك تحطه على المراتب وشفافه ما تبين ويبغى لها ناس

يركبونها صح وانا اقول ان هي الحل صراحه للمعانة هذي

علشان كذا مالنا الا هي ، بس وين نلقاها ونلقى ناس ومحل

يركبونها صح؟

حبيت اكتب الموضوع هذا لأسباب هي:

1- انها مشكله يعاني منها جميع اصحاب الجلد.

2- اتوقع فيه ناس عندهم حلول للمشكله هذي وحنى ما ندري عنها وياليت يفدونا بمعلوماتهم.

3- ان ما لقيت شي عن الموضوع هذا في قسم الكسسوارات.

<<<<<< يبي يسولف يمكن بعد.

(ياليت اللي عنده شي يقوله ويفيدنا)

**الشامخ** · 13-10-2008, 04:02 PM

والله أنك صادق
بس ما أتوقع أن البلاستيك هو الحل
فيه حلول ثانية
إن شاء الله يجيبونه الشباب
لأنك حتى إذا ركبت بلاستيك ما راح تستفيد من الجلد
لأنك بتجلس على البلاستيك

**ـبطرانـ2005ــ** · 13-10-2008, 04:06 PM

:dههههههههههههه:d

اما تبي تسوولف

شووف يا حلووو

<<< انا بقوولك على شي ترى اذا ركبت البلاستيك بيجيب لك حراااره وبتمل منها لنها تخلي ضهرك يعرق

ووشف الفايده اذا ظهرك معرق وشنبك بارد;) خخخخخ:d

وغير كذا <<<وهذا سمعته من بعض الشبااب يقولون يجيب اشياء مو زينه عند امكان مو زينه <<< مرض معرووف بس الي يمنعني من النطق به هو الحيااء ;)

والشبااب يفيدوونك اكثر

**أبوعبدالله** · 13-10-2008, 04:10 PM

الشامـــــــــخ

البطــ 2005ــــرانـ

مشكورين على المرور

ونبي حلولكم ياشباب

**أبوعبدالله** · 13-10-2008, 08:47 PM

بااللهي اجل كذا

البلاستيك يجيب امراض وخرابيط

لا حوووووووووول طيب وش الحل؟
:(

**YuSuF** · 13-10-2008, 10:04 PM

كنت أظن أن أصحاب المخمل هم اللي عندهم مشاكل لأنو يتوسخ بسرعة خاصة لوكان الفرش لونه بيج

والجلد فخمة وتحمل بس في نظري الحل تنظف الجلد بشكل دوري نهاية كل أسبوع أو كل أسبوعين مرة في الـweek end
"عطلة نهاية الأسبوع"
وأنا أعتقد إذا انك بتنظف مقعد السائق بس لأنه أكثر شي يستخدم فمابياخذ منك 15-20دقيقة كل نصف شهر
وبكذا الفخامة مو جودة والراحة "أهم شي " برضو موجودة.

في نظري التكييس مو كويس لأنه يعرق بس بالنسبة للأمراض فماعندي علم فيها ياريت تفيدوني لأنه في شباب أعرفهم مكيسين المقاعد .

**O m a r** · 14-10-2008, 12:24 AM

فعلاً يا شباب ، انا اعاني من نفس المشكله !

اعتقد الحل لن يخرج عن كونه سائل تنظيف + اسفنج خاص بالجلد !
لكن وش اسم السائل او وين ينبــاع ؟ هذا الي ننتظره من اصحاب المعرفه ..

**المباشر** · 14-10-2008, 03:27 AM

مشكلة البلاستيك انه يخلي ظهرك يعرق وتطلع ريحة بعد

والمشكلة الثانية هي في قطعة بلاستيك في مقعد السائق تحت تمنع محلات تلبيس البلاستيك بعمل التلبيس على اكمل وجه والنتيجة مثل ماصار لي اركب وانزل لين يطلع البلاستيك ومعاه المسامير المثبتة بالمقعد وسويتها مرة ثانية ونفس الشي طلعت لين شلت كل المسامير من خوفي يتقطع الجلد من تحت وخليته كذا بس وحطيت عليه تلبيسة عادية القماش الخفيف ..

المشكلة مقعد الراكب تمام ماتطلع المسامير ولا شي مع ان يركبون معاي شباب من الحجم الثقيل واذا بينزلون من السيارة تقول يسحب البلاستيك معاه لكن برضو ماطلعت المسامير الا عندي في مقعد السائق .. قهر

والحل اللي افكر فية اني اشيل الاكياس قدام بس واخلي اللي ورى بسبب البزارين في العائلة لايعدمون المقاعد الخلفية والله يعيني على التنظيف كل فترة

او اني البس المقاعد كلها مخمل ..

كان عندي فورد جراند ماركيز مقاعد جلد لون رصاصي .. والله كنت مرتاح معاها وكل فترة المع الجلد وخلاص ..

**momo** · 14-10-2008, 03:39 AM

انتبه من اللي يجونك بالغرابي ويقولك تنظيف جلد هذا البخاخ مضر بعد فتره من الزمن

شف جبلك سفنجه اللي تجيك ناعمه ابو وجهين وحط عليها فيري وامسح بقوه المرتبه واتركها عشر دقايق بعد امسحها وارجع طبق الحركه مره ثانيه

سوها لكل السياره وبتشوف الفرق واضح انا يوم قالو لي فيري قلت ويييييييين بسافر انا ههههه بس طلعت صدق وانا الجلد وصخ بس مافضيت له :d

نشوف تجربتك ان شاء الله

**أبوعبدالله** · 14-10-2008, 02:18 PM

مشكووووووووووووووووورين

على المرووووووووووووووووور

بس حنى ما نتكلم عن التنظيف وطريقته.

حنا نبي حل ان ما يتغير لون الجلد!!!

**دحووم الدمام** · 14-10-2008, 02:25 PM

مشكوور على الموضوع .. وعلى الحلول

**zeyad** · 14-10-2008, 03:20 PM

اقول صب قهوه

<<<<<داخل مجلس ذا

اقول انت بس اجلس ولا عليك منها انا معي جلد وقامت تطلع عليها بقع مهوب انت الحالك

يعني استريح هما الى خربان عندي خربان عند غيري يعني خلاص هزلت

والى خربت مره وشفت ان المرتبه خلاص انتهت ودها للوكاله ويرقعونها لك هههههه

اما اني اجيب بلاستك واحطه تحت بيجي الحراره مرتين حراره جلد وحراره بلاستك وفيك... خير اقعد اكثر من ربع ساعه

لو انها عندي لحالي هاذي المشكله كان انا الحين ناشب بحلق الوكاله

**wahd** · 14-10-2008, 03:48 PM

أشتر القماس إلي على المراتب

**أبوعبدالله** · 14-10-2008, 04:08 PM

المشاركة الأصلية كتبت بواسطة zeyad

اقول صب قهوه

<<<<<داخل مجلس ذا

اقول انت بس اجلس ولا عليك منها انا معي جلد وقامت تطلع عليها بقع مهوب انت الحالك

يعني استريح هما الى خربان عندي خربان عند غيري يعني خلاص هزلت

والى خربت مره وشفت ان المرتبه خلاص انتهت ودها للوكاله ويرقعونها لك هههههه

اما اني اجيب بلاستك واحطه تحت بيجي الحراره مرتين حراره جلد وحراره بلاستك وفيك... خير اقعد اكثر من ربع ساعه

لو انها عندي لحالي هاذي المشكله كان انا الحين ناشب بحلق الوكاله

اسلوبك خقيت معه وانا قلت مشاكل الجلد عموما

ما تكلمت عن نفسي.

ومشكوور على مرورك...

**S.M.A.R.T** · 14-10-2008, 04:49 PM

السلام عليكم

شوف يا صديقي، سو زي ما سويت انا، اول ما اشتريت سيارتي 2007 رحت ولبستها تلبيسة بـ 250 ريال ولا احلى ومنظرها جدا رائع ، عموما التلبيسة هذي حقت 9 شهور بالكثير وتغيرها لانها تتغير مع الاستعمال وتدوم معك اذا كنت محافظ عليها بقوووووة

وبكذا تكون حافظت على المراتب الاصلية

وسلامتك

تحياتي / أمير

**أبوعبدالله** · 14-10-2008, 06:25 PM

امير الهنادي

هذي الردود والاسلوب ولا بلاش

يسلم بؤك ومشكور على المرور

**dhsv2** · 14-10-2008, 06:58 PM

قبل لا تدورون عن حل الى المشكلة فكروا
ليش يتغير لون الجلد؟
ليش الجلد يتمزق ؟
ليش الجلد يتوسخ لونة اسود؟
بصرااحة انااا ودي اجيب لكم الحل لامثل لكن للاسف سيارتي مخمل :d بس الجلد مثل الون لاسود يبي لة عناية ومو اي عناية

بجاوب على حسب خبرتي على لاسؤلة الي سؤلتها
جواب السؤال لاول هو ضربت الشمس الاشعة فوق البنفسجية
التظليل العازل للحرارة مفيد جداا للمحافظة على الجلد
الوقوووف في امكاااان فيها ظل ( يعني كراج او اي مكان يتواجد الظل فية)
السؤال الثاني ليش الجلد يتمزق اول سبب هو انة الجلد ادا صابة موية او عرق بيبدا يتمزق اثناء الجلووس لو تلاحظون سياراتكم الي فيها جلد بتشوفون المكان لاكثر تمزق هو المكان الي توضعون فيه يدك مثل المسندة الي بين السواق والراكب عرق +ضربت شمس = تنزق
ليش الجلد يصير لونة اسوود الوسخ اكيد عرق + غبار + شمس = خلطة خمق يابسة :d
في منتجات للعناية بالجلد ( حطو تحت العناية سطرين ) يعني مو تتوقعون انكم تستطيعون تتغلبون على جميع المشاكل هذا لانكم ماراح تقدرون بس راح تحافظون على الجلد فترة اطوال
ملاحظات اخرى اكيد كلكم ماتعرفون انة الجلد فية مواد حماية عبارة عن زيووت
كثير منا يستخدم منتجات صابون تايد او اوموا او اي منتجد خاص للجلد يكون من النوع التجاري او شركة مالها اي خبرة في مواد العناية بالسيارة ويسبب هذا المنتجات الي دكرتها بالاعلى بازالة مواد الحماية
في منتجين من مقوايرز للعناية بالجلد شوفو توقيعي الكتلوج الخاص بالمجوايرز وحملو الكتلوج وشووفة المنتجين الخاصين بالجلد وشرووح وظيفت كل منتج منهم
اتمنى انة الفكرة وصلت

**م ر س 001** · 14-10-2008, 07:45 PM

اقول مشاري اذا رحت تنجد انتبه للقرطاسه الفضيه على الجوانب لا:(تذبها تراها معطيه شكل و:oاذا ماتبيها عطني ايها:dاوكــــــــــي

**A C C O R D 0 8** · 14-10-2008, 09:05 PM

والله شوف ياغالي ..

اذا تبي الوسخ مايجيك لبسها بلاستيكـ هذا اول شي طبعا ..

بعد كذا بتكون الحرارهـ شي موب طبيعي جوا السيارهـ .. لكن ظلل عازل وبتشوف الفرق .. موب اي عازل ابو 70 ريال .. لا ظلل عازل امريكي .. انا مظلل من في كول .. وربي طلعتها من معرض الفي كول بخريص واتمشى بالشارع وبعز الظهر والحرارهـ معقولهـ جدا على جلد ملبس ببلاستيك .. ومن ناحيه حمايه ايه وربي حمايه من جد .. ترتاح نفسيا .. انكب شي .. بزران يركبون معك .. اخوياك بياكلون شي بالسيارهـ :d:d:d ..

هذا اللي عندي واانا اخوكـ ..

وانا مركب البلاستيك على المراتب وللحين وضعي معها تمام ..

الله يوفقك خيوو ..

**أبوعبدالله** · 14-10-2008, 09:42 PM

مشكووووووورين على المرور

ونصائحكم وافادتكم وجميعها منطقيه

متشكريييييييييين

**YuSuF** · 14-10-2008, 09:45 PM

أخي الحبيب في أنواع من الجلد مايعرق ومنظره ممتاز لكن مايدوم
بس هوا من جد مايعرق أنا أقعد بلاساعات ماشاء الله ولا يعرق ولا شي حتى في الظهر تحس بحرارة لكن تروح بسرعة مدري ايش هرجته هذا الجلد
فصله ع المقاعد
إذا انت محافظ يقعد معك حق سنة بدون أي مشاكل إن شاء الله