الفحمات موجوده بس عند الوكالة والا فيه محلات غيرها

[هـ . ك. م 049]

السلام عليكم ورحمة الله وبركاته ......... ممكن ياشباب اللي موجودين يقول لي الفحمات احصلها برا الوكالة او بس بالوكالة وكذا كل قطع غيار الاكورد (جديد على الاكورد :d) والافضل اغيرها برا الوكالة والا بعد عندهم :(
تكفوووووون اللي موجود يرد بسرعه لأني مسافر بكرة او بعده بمشيئة الله ولازم اضبط الموتر قبل السفر.

لكم كل الشكر :o

[B Useful]

حسستني ان معك بنتلي وناشب في القطع !! :d

القطع الاستهلاكيه متوفرة بالوكاله وبرا الوكاله (اي محلات قطع الغيار )

لكن : احرص على الاصلي .

التركيب شغله سهله ،،، ركبها برا الوكاله ووفر دريهماتك ،،،

[هوندا قوه الاحلام]

ياخوي القطع متوفرها وقف عند اي بوفيه قله يصلح لك سندويش ويعطيك الفحمات معاها:d

[ELEGANT BOY]

افضل شي في الوكالة يا عزيزي....

[B Useful]

^^ موب شرط ^^

خذها من موزع الوكاله تطلع ارخص شويتين

اهم شي الاصليه ،،،

[هـ . ك. م 049]

مشكورين على التفاعل السريع والجميل ،،،
اخوي كوكورد عاد تصدق انها عندي احسن من بنتلي >>> ايه هين :d
بس طالع عمرك والله من كثر ما اسمع ان الملكة قطع غيارها بس بالوكالة قلت الله يستر على الميزانية >>>> هي مهتزئة اصلا :(

وعلشان كذا تحملوني :o

[Zero Cold]

بالنسبة للفحمات أشتريها من برا الوكالة أرخص
في منها أصلية وفي صناعة يابانية ممتازة زي الأصلية
أنا مجربها وما شاء الله

[أكورداوي]

نصيحه لوجه الله ..

الفحمات وكااااله عشان ماتنخدعون ,,

أنا شريتها مره من موزع وكنت فرحان بالسعر لأنه يبيعها بفرق ممتاز عن الوكاله ,, فلما شريتها وديتها للوكاله عشان أتأكد انها أصليه ,,
وأول مانزلتها عند قطع الغيار شاف الموظف الكارتون .. وقبل لايفتحه قال هذي مو للأكورد .. هذي حقت crv قديم .. ووضح لي الفرق من خلال الرقم .. وصحيح طلعت أصغر من قماشات الأكورد بشي بسيط ..وهذا الفرق كان ممكن يسبب رجه وأصوات بسبب الفراغ البسيط الي بيكون ..

المهم اني رجعتها بوجهه ودفعت فرق 40 ريال وشريت حقت الوكاله وانا مرتاح ’’

لكن التركيب أمره بسيط مثل ماقال كوكوكورد وممكن تركبه بأي ورشه وبنص سعر الوكاله ..