ماشاء الله تبارك الله
والله إنك ملك ياشيخ
اسعدتنا الله يسعد أيامك صراحة شرح جدا مميز وجهد قليل الشكر فيه
لكن ما أقول الا الله يجزاك بالخير ويعطيك العافية
وشرحك ما بقى شيء لكني خايف من فكة الإيرباق و غير كذا ما ادري القى أكوردات في التشاليح الي عندنا هنا ولا لأ
والا اقولك ايش رأيك اخوي accord 06 اعيّد عندكم في الرياض ومرة وحدة تركب لي هيا
هلا فيك اخوي حازم
بالنسبه لفك الايرباق و تركيب الازرار رح لمحلات التخسب و لا تخاف
ما شاء الله عليهم خبره من كثر ما يخشبون دركسونات
و الاكورد ماليه التشاليح :( .. الله لا يكثرها عندهم
لكن فيه خبر غير سار لك ان الازرار غير متوفره حاليا عند الوكاله
كان فيه حبه وحده و اخذها احد اعضاء المنتدى :d
آآآآآآآآآآآه عيني عليك باردة ياالغالي :D
والله إنك عبقري ... و الشباب ما قصروا فيك في المدح <<<< مع إنك تستاهل أكثر
و النعم فيك عزيزي أكورد ...
بس شكلي باجيك الرياض نركبها سوى في أكوردي <<< مسوي يمون :d
باقي مقياس درجة الحرارة الخارجية و تصير السيارة بمعنى الكلمة ممتازة !!!
و موفق عزيزي ...
هلا فيك اخوي BLK
انا بالخدمه
و اذا انت ما تمون اجل من يمون
و ان شاء الله نلقى حل لمقياس الحراره
يعطيك الف الف عافيه accord 06 على التواصل
الحمد لله القطعه ركبتها امس عند المميز وتمام التمام الله يسعدك ياشيخ :d ماشي على توجيهاتك
الانوار حقت الازرار شغاله تمام ومثبت السرعه اوكي بس باقي الحين تشبيك الاسلاك للتحكم بالصوت على يدك ان شاء الله :d
وفك الايرباق طلع مافيه اسهل منه ولا فكوا لا ااسلاك البطاريه ولاهم يحزنون وانا كل شوي اقول للهندي انتبه لايطلع الايرباق يضحك بوجهي ويقول هذي شغلتي اصلا :d >>> وكان قبل شوي فاك دركسون لكزس وانا جايه بالاكورد :d
والله شكرا قليله بحقك accord 06
الاخطبوط كان هنا
الف مبروك اخوي الاخطبوط
زين الهندي ضحك بوجهك انا بغى ياكلني لاني قعدت اتفلسف عليه :d
يالله ان شاء الله قريبا تركب الاسلاك و تستمتع بالازرار ;)
اضافه بسيطه للاخوان اللي معهم سياحي
قلنا الازرار ما تشتغل الا على مسجل 6 سيديات
و هذي لها حل لكنه مكلف شوي
انت تحتاج مسجل 6 سيديات و مكيف يدوي .... زي كذا
في امريكا الفئات اللي تجي كذا هي LX-V6 و EX-I4
و تقدر تشريه مستعمل من موقع http://www.ebay.com
طبعا لازم تتأكد انه مفكوك من اكورد سيدان << حق الكوبيه ما يشتغل
بعد ما تطلبه و تركبه تقدر تركب الازرار بدون مشاكل
accord 06
يعطيك العافيه حبيبي والله ماقصرت
بصراحه اثبت انك مهندس ماشاء الله عليك
واعذرني على الرد المتأخر والله اني مشغوووووووووووول وماادخل المنتدى الا قليل وتوني اشوف موضوعك والله انك مهندس وماشاء الله عليك عيني عليك بارده والله يحفظك من الشر حبيبي
طيب متى اجيك تركبها لي <<<<<<<< قام يتملحس ;) :p
المشاركة الأصلية كتبت بواسطة ن ك د السـعــــوديه 3 5 7
الله يعافيك اخوي نكد
الصراحه انا كنت منتظر ردك لانك كنت متابع للموضوع القديم
و التركيب علي بس خلها تطلع بالسلامه ان شاء الله
والله ماأدري وش اقول احرجتني والله بطيبك حبيبيب س للمره الثانيه اقول لك انا اسف على التأخير
بس من دخلت السياره الوكاله بعد الحادث وانا طفشااااااان مالي خلق ارد على مواضيع ولاغيره بس موضوعك توني انتبه له وخلها على ربك اهم شي تطلع قبل العيد ونفلها ان شاء الله
ابشركم تم تركيب الأزرار والأسلاك والان شغاله تمام تمام ولا أحلى من السته سلندر
الشكر كل الشكر للعضو الدكتور accord 06 ;)
الصراحه تعب معاي وعطل اشغاله وقام بفك المسجل وتمديد الأسلاك ومن ثم اعادة كل شي كما كان ولا رضى ياخذ ريال واحد >>>>> والنعم فيك والله accord 06 مهجد عرابجة امريكا
صح ان فيه راعي محل يماني ازعجنا وخروا عن محلي لكن الحمد لله عدت على خير :d
والله ماادري كيف اوفيك حقك اخوي accord 06 أحرجتني والله :o
ودعواتي لك في هذه العشر الأواخر بالتوفيق
الاخطبوط كان هنا
نكد
معذور و الله
الله يبعد عن الجميع شر الحوادث
و ان شاء الله تخلص سيارتك قبل العيد
الاخطبوط
تكسر الازرار بالعافيه ان شاء الله
بس اعجبتني ( عطل اشغاله ) حسيت اني انسان مهم :d
الحمد لله مأجزين ما ورانا لا دراسه و لا شي :p
و دعواتك تكفي
للأسف السياره مابتخلص قبل العيد :(
مبروووووووك الاخطبوووط وعقبالي ان شاء الله ...
وسع صدرك
لا تهمك المده اهم شي يكون الشغل نظيف
اخوي Accord 06
الله يعطيك العافية على الموضوع
للمعلومية
للاسف ما يوصلون الا لامريكا وكندا فقط .
لاني كنت ناوي اشتري من عندهم مسجل بشاشة نافيجيشن ولقيتة ب 300 دولار لكن لامريكا وكندا فقط .
تحياتي
ماشاء الله الشباب فالينها بتركيب ازرار التحكم إلا انا :(
اهم شيء الشباب مبسوطين بموضوعك يا accord 06 ماشاء الله عليك وإن شاء الله ننتظر منك تركيب مقياس درجة الحرارة وبكذا تصبح الاكورد فل كامل ماعدا المكينة الفارقة عن 6 سلندر وعلى فكرة فيه موضوع ايضا لتركيب الشكمان الخلفي للأكورد 6 سلندر يعني خلاص الفرق فقط المكينة .:d
تحياتي لك اخوي ACCORD 06 وماقصرت وجهد بصراحة تشكر عليه الله يعطيك الف عافية .
H 4 EVER
هذي حلها سهل
فيه شركه اسمها ارامكس يحجزون لك صندوق بريد بامريكا
مدى الحياه بـ 130 ريال بس
و اذا شريت اي شي تحط عنوان البريد بامريكا
و ارامكس يشحنونه من بريدك بامريكا الى السعوديه
اول نص كيلو بـ 15 $ و كل نص كيلو اضافي بـ 5 $
و هذا رقمهم اذا تبي تحجز صندوق بريد
012759000
دحوم
يعطيك الف عافيه على متابعتك للموضوع
و لا تبطي علينا بموضوع سيارتك الجديده
التعديل الأخير تم بواسطة accord 06 ; 16-10-2006 الساعة 11:50 PM
اخوي H 4 EVER
من اليوم ورايح لاتشيل هم امريكا ولا كندا ....
شكلك بتقول الصوم اثر عليك يااتـــــشــــــ :d
شوف حبيبي فيه شركة بريد مستعجل اسمها ارامكس ARAMEX ( لها فروع حتى في السعودية ) تقدر تسوي اشتراك عندهم مدى الحياة بــ 130 ريال تقريبآ . ( الـ 130ريال قيمة العنوان البريدي الجديد اللي بيعطونك اياه في امريكا )
اذا اشتركت عندهم بيعطونك رقم صندوق بريد في امريكا خاص فيك .... يصير بعد كذا تقدر تشتري من موقع Ebay وتعطيهم رقم صندوق الارامكس حقك في امريكا ( يعني كنك ساكن في امريكا ) ومن امريكا وبشكل آلي بتقوم الارمكس بتحويل البريد لعنوانك المسجل لديهم في السعودية ;)
يعني انت في السعودية ..... وبريدك في امريكا ومن امريكا يتحول بريدك للسعودية :d
ان شاء الله كلامي واضح ومفهوم
اذا مو مفهوم علمني عشان اشرح لك بطريقة ثانية
لاتستحي ارجوك ;)
التعديل الأخير تم بواسطة اتــشـــــ ; 16-10-2006 الساعة 11:34 PM
والله حلوه اتش
طيب وين موقعهم في الرياض ؟؟؟
نكد شف رقمهم بردي اللي فوق
[quote=accord 06;14866]نكد شف رقمهم بردي اللي فوق[/quote اخوي accord 06
انا دخلت الموضوع قبل لاترد وكتبت ردي وجهزته..... بس للاسف اني تأخرت في ارسال الرد :d >>>> كنت مشغول بموقع ثاني :o >>> مشغول اكثر من ساعة
:d :p
على كل حال يعطيك آللللللف عافية
اما الاشتراك في ارامكس كان قبل كم سنة بــ 300 ريال
بس الحمد لله انهم نقصوا السعر اكثر من النص
اخوي نكد
فيه لهم فرع في السليمانية .... في نفس الشارع اللي فية ادارة شركة سناس ( DHL ) وكذلك المستشفى العسكري .
وفيه لهم فرع ثاني عند البريد المركزي شارع المطار القديم .... نفس الطريق يطلعك على قيادة وزارة الدفاع والطيران .
واعتقد والله العالم ان فيه فرع ثالث قريب من المطار البري ( مركز النقل الجماعي على الدائري الجنوبي ) .
على كل حال انت اتصل عليهم ...وشوف وين اقرب فرع لبيتكم
لا عادي اخوي اتش خذ راحتك
كنت متوقع هالشي
و يا شباب الرقم الاول كان خطأ
و تم تعديله
على كل حال يعطيكم العافيه ماقصرتوا
ضوابط المشاركة
مواقع النشر (المفضلة)