الموضوع: نتائج تجربتي ل Silverstar Ultra (بديل الزينون )

بسم الله الرحمن الرحيم







يعني لهالدرجه متحمسين ؟

شباب تروا الدنيا والله ماتسوى

المهم .. استنادا على ماتقدم به الشاب الطموح AcCo7rD في موضوعه ( بديل الزينون ) وما احدثه من حماس شديد لدى الجميع ,, فإنه تقرر شراء 5 أطقم لتجربتها واعلان أكبر صفقه في تاريخ المنتدى <-- تكفى يالفطيم :d

الزبده انا تعبت من الفصحى ..

ندخل في صلب الموضوع ..

مثل ماتعرفون ان الأطقم وصلت أمس بحفظ الله ورعايته للخبر ,, واستلمتها بالمغرب وكنت أنتظر بصراحه 2 من النشامى الي يساعدوني ويقابلوني بأي محل بالدمام علشان نجرب مع بعض ( زينون - سلفرستار - هالوجين ) لكن للأسف ماوصلني أي رساله من المنتدى بخصوص الموضوع هذا ..

فقررت اني اتصل على واحد من أخوياي عندهم سيفيك في البيت حقت الطوارئ ,, <--- بينقهرون أصحاب السيفيك :p

المهم جاني وفكينا الشمعات الأصليه وركبنا الشمعه القضيه ,, ويشهد الله اني كنت على اعصابي لما ركب السياره يشغل النور .. لأني تعبت وأنا اطارد عليها وتعبت وأنا أحل مشكلة الشحن الي صارت ودفعت فيها مبلغ مو هين ,,

ركب خويي وانا واقف قدام السياره انتظر اللحظه الحاسمه ..

بصراحه قبل لا أشوف الأنوار .. كنت حاس وخايف من أن الأنوار ضعيفه وما تأدي الغرض المطلوب ,, وماشلت أي هم ثاني غير هالمشكله ,,

فلما أشتغلت الأنوار كاااااانت المفاجأه




































بصراحه ماخطر على بالي الي شفته ,,

الأنوار قويه جدا ووصلت الى مسافه بعيده جدا تصل بدون مبالغه الى 100 مثر ..

لكن مو هذي المفاجأه :p




















المفاجأه أن اللون ماكان نفس الي في الصوره .,

اللون بصراحه أصفر لكن فيه نسبة بياض بسيييييطه جدا .. يعني لما تشوف السياره واقفه لحالها تشوف اللون أصفر , لكن لما توقف جنبها سياره ثانيه هالوجين تحس بفرق بسيط بين اللونين فتكون مايله للأبيض ’’


يعني اللون باختصار مو مثل الموجود بالصور ,,


بس لما طلعنا في السياره ورحنا مكان أتوقع حتى القمر مايجيه من الظلمه ,, بصراحه الأنوار تعطيك بالقوه وتبيض الوجه في الخطوط .. ومع ذلك لما توقف قدام السياره مايجهرك النور او يزعجك .,

يعني باختصار .. هو بديل للزينون في الخطوط وممكن يتجاوز قوة الزينون ,, لكن ماهو بديل ابدا للزينون في اللون والفخامه ..

وأنا بصراحه أشوف أن الي بيستفيد من الأنوار هم /

1- الي مايحب الزينون لأنه يجهر أو لأنه ممنوع مروريا او لأنه يخاف من مشاكل الزينون .. فهذا يناسبه وهو أقوى من أنوار الوكاله بكثير ..

2- الي قدر الله عليه بحادث وتكسرت اسطباته وشمعاته ياخذ نفس النوعيه هذي افضل لأنها ارخص وأقوى مثل ماقلت وللمعلوميه هي نفس شركة أنوار الوكاله مثل قالوا الشباب ..(شمعات الوكاله شريتها أنا ب 300 ريال :( )

3- أصحاب الخطوط .. الي يحب انه يشوف الخط مضبوط فهو أقوى من الزينون في نظري ,


وللمعلوميه .. الشمعات قوتها 51 واط مثل الوكاله يعني ماعليها اي تأثير ان شاء الله على السياره ..
أما الصناعه فهي صناعه أمريكيه والشركه المانيه .,

اما بخصوص ال 5 أطقم الموجوده فهي محجوزه سابقا لكن قبل مايدرون انها تعطي لون أصفر ,, فممكن بعضهم او كلهم يغيرون رأيهم فيها .. عشان كذا , الي يناسبه مواصفات الشمعات ووده فيها يرسل على الخاص وكذلك الي حجز ولازال يبغاه فله الأولويه في الطقم ,,
بس انا عشان ما أظلم احد ,, راح أستقبل الطلبات وأكلم الأشخاص الي حجزوها فإن كانت لهم رغبه أعطيتهم .. وان غيروا رأيهم عطيت الأشخاص الي راسلوني على الخاص أو على ايميلي المكتوب تحت في التوقيع ..
ولاتنسون وضع اسمائكم وأرقامكم والمدينه عشان الشحن .. ( سعر الطقم 200 ريال والشحن على حساب المشتري مع العلم أن قيمة الشحن لاتتعدى 20 ريال )

قبل لاانهي الموضوع هذي صورتين للأنوار وخذوا في الحسبان ان الشمعه اليمنى مو موزونه عدل .. فممكن تشوفون النور الأيسر يوصل أكثرمن الأيمن وهذا من نفس السياره وليست الشمعه ..



لاحظوا في الصوره الي فوق ان الشمعه الي على اليسار نورها واصل الى البيت الي قدام .. مع العلم ان اليت بعيد نوع ما ,,




ولاحظوا في الصوره الثانيه قوة الاشعاع على الباب الأبيض .. وهذا يدل على ان المدى أطول من المسافه هذي بكثير ,,


أتمنى أكون قدمت شي يفيد الشباب بخصوص هذا الموضوع واعذورني على التأخير الي حصل وعلى القصور في كتابة التقرير ..