عند مشكله وأبي مساعدتكم الله يخليكم

[ابو خالد 2007]

السلام عليكم ورحمه الله وبركاته

مساكم الله بالخير جميعاً

الله يطول لي بأعماركم يالغالين

أنا مشكلتي بالأكورد حقتي 2007 عند ما أمشي 150 احس بأنتفاض بالسياره وكل مازودت سرعه زادت اللين وصلت 180 اجرب زادت عن أول مادري وش المشكله
علماً أني سويت صيانه لها وفحص كمبيوتر وقال عندك بواجي وعندك فتر بنزين وكراسي قير ووزن أذرعه مع أن كفراتها الخلفيه صينيه مركبها اخوي وهو رايح مكه ولا أدري وش المشكله يالغالين مدري من الكفرات أو الجنوط أو كراسي القير أبي الإفاده يا أخواني

ومشكورين وماقصرتو وتحياتي لكم

[ابو خالد 2007]

وينكم يالربع الطيبين انا رحت لواحد هندي كل شغل هوندا
ومعامله من زمان في الرياض عندنا في صناعيه أم الحمام
وقال لي عندك العكوس وش رايكم قال يبي لها تشحيم أو تغيير وش رايكم يقول لازم أفكها وأشوف

مشورتكم يالربع تكفووون ردو علي وينكم

تحياتي لكم

[Accord F15]

ابو خالد مشكلتك مستحيل تكون بالجنوط وممكن الكفرات يبغالها ترصيص ارضي لأنك تشتكي على الرجه بسرعات عاليه مع اني افضل انك تبتعد عن الكفر الصيني ونصيحه لك ركب كفرات اي واحد من اخوياك وشوف هل ترج مثل اول او لا

[طيب على شآني]

اول شي شيك ع الكفرآت بعدين شف الأجزآء الميكآنيكيه

[ابو خالد 2007]

هلا وغلا فيكم

يالغالي انا غيرت الكفرات وكراسي القير ومازالت النفضه تجي من 120 الى ان وصلت 190 بس اخف من اول هزات خفيفه في الطاره مدري عاديه او ايش وقال لي الفني العكوس اذا نقصت شحم تسوي ياشحم ياتغيرها مشورتكم ياأخواني وش أسوي واذا كنتم تعرفون فني مظبوط بالرياض قولوا لي لاتبخلون ياجماعه

والله يعطيكم الف عافيه يالغالين

[الـمـسـافـر]

طيع شوري ولا تلمس العكوس


صارت لي نفس مشكلتك بس على سرعه اقل تطلع الرجه وكل واحد يقولي عكوس

واخر شي صار عندي جنط منعفط من داخل ولا احد انتبه للعفط صغير جدا ومسبب المشكله

مع اني رصصت السياره يمكن 4 مرات وكلهم يقولون تمام

ابدا بارخص الحلول دائما .. جرب كفرات احد الشباب واحكم عليها

[Accord F15]

زي ما قال المسافر بالضبط

[Snow White]

مرحبا يا الأخو قبل ما تبدل الكفرات وتخسر فلوس ركب جنوط مع كفرات من سيارة أي أخرى وأمش بنفس السرعة وإذا ما حصلت الرجة وقتها بدل الكفرات وبالتوفيق .