رد مع اقتباسوالله مدري اول مرة اسمع هذا الكلام بس ما اعتقد انه صحيح ... وعلى كلأ اشباب ان شاء الله يفيدوك بلخبر اليقين ...
السلام عليكم ورحمة الله وبركاته
كيف حالكم ياشباب <<<< كثرت هالايام معاه الاستفسارات :d
اخواني حبيت استفسر منكم عن شغله وهي تخص المفتاح الخاص بالهوندا اكورد2009او2008 الذي يحتوي على ريموت كنترول
طبعا نحن اخذنا السياره والوالد الله يحفظه احيانا ياخذها معه بس قلت .. انت ومالك لأبيك <<< ابو الطاعة اللي نزلت
المهم قلت للوالد خذ يابوي هالمفتاح ابو ريموت لك وانا باخذ المفتاح العادي
المهم يا اخوان تعرفوا الواحد احيان مع طلعاته يوم ياخذ سيارته وخاصه يوم يكون معاه اغراض يحتاج شي يطقه
عشان يفتح له باب او شنطه
فانا كنت افرفر بالنت ولقيتهم يبيعوا مفتاح بالريموت
http://cgi.ebay.com/ebaymotors/07-08-2007-2008-HONDA-ACCORD-CRV-TRANSPONDER-CHIP-KEY_W0QQitemZ290267005451QQcmdZViewItem?hash=item2 90267005451&_trkparms=72%3A727%7C39%3A1%7C65%3A12% 7C240%3A1318&_trksid=p4506.c0.m245
قلت ياولد بس هذا كويس خل ابوك معاه مفتاح وانت معاك مفتاح وكل واحد يطقطق براحته
بس لما قلت لواحد من الشباب على الفكره قال لاااااااااااا انتبه
قلت له ليش :(
قال لان السياره تتبرمج على مفتاح واحد بس يعني لو برمجة هالمفتاح اللي معاك... المفتاح الثاني ابو ريموت بيتنكسل
وبيكون يفتح عادي بس بالطريقه العاديه اما الريموت فماراح يشتغل الا بمفتاح واحد
الا لو كنت طلعتهم الاثنين من الشركة ممكن ..لكن واحد من الشركة والثاني من محل زينه لاااااا
افيدونا يا اخوان هل كلام صاحبنا صحيح ؟؟
والله مدري اول مرة اسمع هذا الكلام بس ما اعتقد انه صحيح ... وعلى كلأ اشباب ان شاء الله يفيدوك بلخبر اليقين ...
لا تتعب عمرك ماراح يتبرمج اذا شريته من الخارج
شوف موضوع مشرفنا الأخطبوط راح يفيدك أكثر
http://hondaarabia.com/club/showthread.php?t=10328
اقتباس
قبل لاتشتري مفتاح ريموت من الخارج تعال هنا
السلام عليكم ورحمة الله وبركاته
كيف الحال ياشباب >>> الشباب فاز عالاتحاد
ندخل بالسالفه علطول >>> اللي ماله نفس يقرأ ينزل لاخر الموضوع ويقرأ اللي بالأحمر :p
بالبداية بأحكيلكم قصتي
مفتاح الريموت لأكوردتي 2006 حق الوكالة ضاع >>> طبعا هو نفس مفتاح الأكورد من 2003 إلين الحين 2008
بالبداية وكعادة أي مواطن حبيب مؤدب قلت أكلم الوكالة أشوف السعر
الاخطبوط: السلام عليكم
الـوكــالــة: وعليكم السلام
الاخطبوط: أبغى أسوي مفتاح ريموت جديد كيف الطريقة
الـوكــالــة: تشتري مفتاح من قطع الغيار وتروح تقصه برا وبعدين تجي للصيانة ونبرمجه بـ 100 ريال
الاخطبوط: طيب بكم المفتاح عند قطع الغيار
الـوكــالــة: بـ 1500 ريال >>> ريال ينطح ريال
الاخطبوط: سويت كذابعدين قلت شكرا لتعاونكم وإلى اللقاء
بعد ان غسلت يديني من اني ادفع 1600 ريال من غير قص على مفتاح قلت أروح محلات المفاتيح اللي برا
بعد لفه طويلة عريضه والأسعار متفاوته بين محل واخر لقيت أرخص محل وصار التالي
الاخطبوط: بكم مفتاح الأكورد عندكم مع القص والبرمجه
محل مفاتيح: بـ 650 ريال
الاخطبوط: شكرا >>>> تحس إني مؤدب دايم شكرا شكرا :d
قلت طيب خلني ياولد بما أن كل الأسعار عندنا مرتفعه حبتين خلني ادور بالانترنت يمكن ألقى شيء طيب وفعلا وجدت شيء أصلي ورخيص وفيه إضافة الزر الأحمر (panic) وصار التالي
الاخطبوط: بكم مفتاح الأكورد أصلي بدون قص
موقع الانترنت: بـ 183,49 ريال فقط لاغير
الاخطبوط: يابلاش هاته >>> واقوم اطلبه ويوصلني للسعودية
المهم بعد ماوصلني المفتاح هذي صورته من الأمام والخلف وصورة الكيس أول ماشتريته
وديته بعدها لمحل المفاتيح أبي أقصه وأبرمجه
الاخطبوط: هذا المفتاح أبيك تقصه وتبرمجه
محل مفاتيح: طيب عندك ثلاث شغلات (قص المفتاح + برمجة الريموت + برمجة المفتاح لتشغيل السيارة)
الاخطبوط: طيب برمج الريموت أول شيء قبل القص
بعد محاولات لبرمجة الريموت لم يتبرمج :(
واذا اخذنا مفتاح جديد من عنده وبرمجناه يتبرمج علطول
ونفس الموضوع صار مع أكثر من محل وحاولت أيضا بالطريقة الموجوده بالمنتدى أيضا لم تنفع
بعد مراسلة أحد الأعضاء الذين سبق أن اشتروا المفتاح من الانترنت اكتشفت بأن نفس الموضوع صار معاه وان الريموت لايتبرمج ولكن المفتاح يقوم بتشغيل السيارة بدون مشكلة
المهم انا رجعت لمحل المفاتيح وأخذت مفتاح الريموت اللي بـ 650 وريحت راسي :d
زبدة الموضوع كله:
تنبيه للإخوان قبل أن يقوموا بشراء المفتاح (النظام الأمريكي) فأنا أخبرهم بأني إشتريته ولم يعمل الريموت نهائيا وعند أكثر من محل
(عندي طلب : اللي قد طلب المفتاح من الانترنت من قبل واشتغل الريموت معه الرجاء إعلامي بذلك)
ما قصرت اخوي صراحه سعر غالي بعد 650 سعر صراحه 150 وغالي بعد
الجزء الأول من استفسارك جاوب عليه أخونا المباشر الله يعطيه العافيه ’’
لكن الجزء الثاني الي هو البرمجه على المفتاح الثاني فأبدا ما يأثر وممكن تستخدم المفتاحين مع بعض وبيكلفك مثل ماقلت يمكن حدود 650 ريال مع القص والبرمجه ’’
طيب 650 ريال برمجة وقص وتشغل السيارة لكن ...
الريموت مايشتغل ايش الفايدة؟؟؟
لكن لازم نشوف حل لها المشكلة لأنها من جد مشكلة مفتاح واحد بريموت فقط لايكفي
الرجاء لمن لديه حل لمشكلة الريموت بعيدا عن الوكالة "عشان السعر الغالي"
لايفصر معنا ونحن شاكرين...
مشكورين يا اخوان يعني مافي امل
والله غالي مفتاح بريموت 650 والوكالة 1500 ليييييه
يارجال سوها من إلي عند المحلات بس مايطلع زي الوكاله يصير أخف الأظاهر
الريموت اللي تشترية من الخارج مايتبرمجالمشاركة الأصلية كتبت بواسطة ثقة
لكن من عند محل المفاتيح يتبرمج وماعندك مشكلة
الاخطبوط طلب من محل المفاتيح برمجة المفتاح الأمريكي بالأول وماتبرمج وبعدها برمج مفتاح من نفس المحل وأشتغل تمام ..
ياهلا فيك اخوي المباشر
طيب ايش معنى محل المفاتيح تبرمج يعني ليش هو تبرمج معاهم ايش مواصفاته عشان لو طلبته من النت
يكون الريموت قابل للبرمجه ؟؟
وشكرا لك
والله ماعندي خبر عن نوع المشكلة وليش هالمفتاح الاجنبي راسة يابس
اعتقد بسبب اختلاف مواصفات الشريحة داخل المفتاح يمكن ..
وين الخبراء << توهق :d
هل تستطيع طلب مفتاح من الامارات او قطر او البحرين او الكويت او اى دوله اخرى افضل
نريد معرف الاسعار هناك عن طريقه الوكاله في كل دوله
هههههههههه حلوه وين الخبراء توهق ....... الفزعه
سؤاااااال بالله ياشباب طيب أنا صارتلي زي المشكله وقالو الوكاله المبلغ اللي يكسر الظهر يوم سمعت منكم أنه يمباع بالمحلات650 ريال قلت شي أهون من شي<<< طيب الزبده وش تبي
كان أحد يعرف محل بالرياض يكون فعل خييييير
أكيد فيه في الرياض بس الله يعينك تنتظر لين يجيك اللي يفيدك بخصوص اسم المحل
او استخدم خاصية البحث واكتب برمجة مفتاح يمكن تحصل اسم المحل
فيه محل بالسليمانيهـ ...
وانت بطريق الملك عبد العزيز متجه شمال .. اتعديت دوار القاعده الجويه وتقاطع الضباب بيجك بعدها طريق الامير ممدوح لف معه وسيد .. 500 متر وهو بيكون يمينك ..
المحل اسمه .. مركز المفتاح الالكتروني ..
انا شخصيا جربت وقصيت مفتاح لسيارتي عنده بالريموت بـ 550 ..
وغيرت دقمه سلف وباب للومينا الي قد انسرقت والحمد لله رجعت
يعني اسعاره معقولهـ .. وشغله تمام التمام .
انصح فيه بصراحهـ ..
يسلمووو على المعلومااات وأنشالله بكرا وأنا رايح له ماقصرت أخويaccor08 ولا يهون المباشر
ضوابط المشاركة
مواقع النشر (المفضلة)