الموضوع: تنسيم الهواء في الاكورد....مشكله تحتاج لحل..

شوف ياخوي أنا أعرفلك.......الخ

لا أنا أقول فيه حل ثاني ......الخ

أعرفلك محل بالدمام عنده.... الخ


هذا الي توقعت أشوفه قبل ما أدخل :o ... توقعت ردود من 1 الى 10 لكن للأسف تحطمت أمالي .....

على العموم تكفون تفاعلوا....

ولكم مني تحيه

أهلاً أكورداوي، لكن يبدو لي أن مشكلتك صعبة ولا أعلم إن كان لها حل، وربما كان هذا مارآه غيري فلم يشارك بالموضوع.

بس لاتزعل مني وخلي روحك رياضية .
احسن طريقة لعلاج مشكلة ازعاج الهواء . هو بلازعاج نفسه طبعآ حتقولي كيف ؟ حقولك وانت ماسك خطك ارفع صوت المسجل على اخر صوت صدقني حتحس انك في عالم ثاني حتى جرس التحذير بعد ال120 ما حتسمعه .
الحل الثاني لاتسرع كثير يعني بدل ماتمشي 200 امشي 160 أعتقد 160 مرة طيبه لنت مسرع واجد ولنت الي مهدي واجد .

الله يسعدك أكورداوي :D
ضحكت وأنا أقرأ ردك الثاني .. وأبشر بالمساعدة ..
====================
عندي ثلاث خيارات لعلاج هذي المشكلة ..
1- تلقى عند محلات الزينة جلد إضافية اسفنجية لونها يجي أسود .. اللفة الواحدة منها تكلفك 25 ريال تقريبا ..
طال عمرك هذي الجلد تلف على الأبواب الأربعة بحيث تنطبق على الجلد الأصلية الموجودة بالسيارة .. وفايدتها تضييق المجال لدخول الهواء .. بس ما أضمنها إلا إن كان تركيبها عند واحد محترف .. لأنك راح تحتاج تدبلها مرتين .. حتى تكتم تماما ..
عن نفسي جربتها .. لكن بكل صدق .. الفرق جداً بسيط .. أحسن من قبل .. لكن التنسيم باقي ..
2- الحل الثاني جربته مع الكامري .. بس راح يخلي قفل الباب قوي شوي .. وهو إنك تعمل شق بسيط جداً في جلدة الباب .. وتجيب السلك الأسود حق الدش .. وتدخله في الجلد بهدوء حتى ما تتأثر الجلد .. حتى يصير مثل الإطار داخل الجلدة ..
طبعا هذي ناجحة في الكامري .. بس برضه ما منعت التنسيم 100 بالمية ..
3- الحل الثالث بسيط جدا وسمعته من أحد الأخوان اللي عنده كامري .. وهو انك تصب على الجلد شوية موية قبل ما تمسك الخط :D وبعد ما يقفل الباب .. يجف الماء ويصبح مثل الغراء على الجلدة ..
طريقة غبية وما جربتها ..
أتمنى إني أفدتك وأنتظر ردك

للاسف من اكبر عيوب الاكورد .........

شف الحل الثالث اللي قال عنه انسان

اتوقع انه صحيح لانك لو تلاحظ بعد ما تغسل السياره الشنطه ما تنفتح بسهوله من اول مره

يعني لازم ترفعها بيديك اول مره .. لانها تكون لازقه بالجلد

+++ رفعت الموضوع +++


شباب احد لاقي اي شي جديد في هذة المشكلة او حتى حاول يدور حل ؟؟

يارجال والله التنسيم ماله حل غير المسجل

انا مبهذلني اكثر منك بعد

وكل ماقلت للوكاله زاد شوي

مالنا الا الصبر

والله يعين...

انا يوم شيكت لقيت اغلب التنسيم يجي من المدخل بين البابين ...

بعدين اكيد فية حل لذا لازم نبحث عن هالحل

ودري اروح ادرس طريقة ربلات اللكزس وشلون جاية

حتى أنا و الله أعـاني من التنسيم ..

أمشي 80 أسمع التنسيم واضح ومزعج بعد .. الله يعيننا

انا صراحة انصدمة موتر جديد وتنسيم لكن لقيت حل يخففه نسم حاجه بسيطه في في النافذه حقة السواق بحيث ما تكون مفتوحه وراح يخف الصوت هذا مجرب في الكامر قبل ونجح ...تحياتي.

ياخوي ذي اكورد مو كامري ...

بالعكس ترى تنسيم الاكورد مقابل الكامري مايسمى تنسيم ... الكامري اعوذ بالله تحس البيبان راح تنخلع ..

الاكورد تنسيمها بسيط لكن للناس اللي يحبون الهدوء مرة مثلي بيكون مزعج

والله انا جديد على المنتدى وندمان على الفترة السابقه اني ما تشرفت وكنت معاكم لاكن الحمد لله على كل حااال.
بنسبة لتنسيم أنا واحد قالي فيه طريقة ناجحة 70% وهي تفتح فتحه صغيرة في جلد الابواب الامامية على كلام الاخوان قبلي ولاكن تدخل لي شفاف المعروف لي المكيف الصحراوي وبصراحة أنا ودي أسويها بس أخاف و المعروف واجد في القصيم يسويها لأي سيارة ....
اتمنى انني أفدتكم

السلام عليكم أفضل حل أنك تبيع الموتر :d

ســــــــــــــــلام شبـــــــــــــاب

مالـــــــــــــــكم الا المســــــــــــــجل :d

عيــــــــــب واحد في الاكـورد اللي هو التــــــــــــنسيم

لا تتدققوا يا عيال :d

Take it easy:p

انا عندي نفس المشكلة . موديل 2006
وفكرت في الحلول التالية :

اول شئ لازم نعرف بالضبط مكان التنسيم وممكن عن طريق تغميس السيارة في سطل مويه كبير . ويمكن استخدام مسبح البيت اذا عندك مسبح ولا تنسى تلبس الميوه .

اذا عرفنا مكان التنسيم ناخذ السيارة لاي بنشر ونرقعها ( لا تفهموني غلط ) :d .

اذا ماراحت المشكلة نرضى بالمقسوم ونقول حسبي الله عليهم :( .

واذا انك مقهور ممكن نرسل ايميل جماعي للشركة الام في اليابان ونشوف الرد.

وسلامتكم .

أعجبني إقتراح الأخطبوط، نرسل رسالة جماعية نوقعها بعنوان نادي محبي هوندا وأرقام الشاصي لسيارات الأعضاء الذين يواجهون من هذه المشكلة..