صوت صرصره في القير ( أكورد 2009 )

**نصر القصيم** · 25-10-2008, 03:41 PM

السلام عليكم ورحمة الله وبركاته

إخواني أنا أسافر كثير ومعي الهوندا الله يحفظني وإياها من كل مكروه

إذا مسكت الخط ومشيت أكثر من نص ساعه أسمع بالقير صوت صرصره وخصوصاً إذا حرّكت القير بيدي والصوت كأنه صوت بلاستيك يحتك مع بعض .. طبعاً الكلام كله على عصا القير

يستمر معي الصوت لين توقف السياره وقت طويل من 10 ساعات وأكثر ويرجع كل مره أسافر فيها

اللي عنده خبره وخلفيه لايبخل علينا بارك الله فيكم لإني أحس الموضوع مايستاهل الروحه للوكاله

**O m a r** · 25-10-2008, 05:07 PM

اتوقع فيه شي يحتاج تربيط في ديكور القير ، وما يطلع معك إلا اذا سافرت
بمعنى اذا مشيت بسرعه عاليه .. يمكن يكون منحلّ بشكل خفيف ولا يظهر الا بهالحاله الي يجي فيها اهتزاز اقوى ..

عموماً تطمن حتى لو - لاسمح الله - القير فيه شي .. راح يكون على الضمان
نصيحتي هنا : اقرب وكاله ودخلها تشييك وتربيط ..

**B Unique** · 25-10-2008, 05:19 PM

وعليكم السلام ورحمة الله وبركاته

مشكلتك والله العالم انها في الشريط اللي تحت عصا القير

حاول تفك الديكور اللي حول القير وتفك القطعة اللي عليها نمر القير
تحت القطعة هذي بتحصل شريط بلاستيك ماسك في عصا القير
تأكد ان الشريط ماشي في المسار حقه

ان شاء الله وصلت لك الفكرة