اسئله تحتاج الي اجوبه

**نادي محبي اكورد** · 20-10-2008, 11:29 PM

السلام عليكم ورحمه الله وبركاته

هلا وغلا بااجمل اعضاء منتدي نادي محبي هوندا

حبايبي مرات والله تعجبني الأكورد ومرات احس انها جابت لي الهم

المهم عندي كم سؤال واستفسار واتمني القي الحل واكون شاكر لكم وموتري أكورد 2007 لؤلوي وماشي سته وعشرين ومن سكان مدينه جدة

سؤالي الأول .. كم سعر الصدام الأمامي الأصلي ..؟ وكم سعره التجاري ..؟ وتكفون وش الفرق بينهم لأني سمعت سعر الأصلي ب 850 لو ماكنت غلطان وتخبرون الواحد مرات يكون الريال زين لو كان بجيبه والتجاري سعره مدري بكم فلو شريت التجاري ورشيته عند شخص فنان بيكون في فرق عن الصدام الأصلي ..؟

سؤالي الثاني .. الهزه الي فى السياره طلعت روح روحي خاصه لو كنت فاتح المكيف وواقف عند اشاره وحاطه على d تحس الموتر فيه هزه وحتي الكراسي تحس فيهم ولو حطيت يدي على الديكور تحس بالهزه وحتي بدون التكييف تحسها بس خفيفه .. وللمعلوميه سألت شخص متخصص فيها وقالي المشكله ياانها من البواجي او من فلتر الهواء او من فلتر البنزين وناس قالت مستحيل تكون من فلتر البنزين حتي لمن اكون حاط رجلي الله يكرمكم على البنزين وانا ماشي لمن ارفع رجلي عن البنزين تحس بنتعه غريبه .. واستخدامي للبنزين 91 الي جاب لي المصايب

سؤالي الثالث .. الموتر فيه رجه من بعد 120 فرحت لورشه متخصصه فقال حتي لو سويت لك ترصيص بترجع الرجه بعد فتره قصيره يعني الترصيص بكفراتك الي عليها حل مؤقت .. فاابيكم الله لا يهينكم تدلوني على كفرات زينه ناعمه ومريحه وراسيه وتكون بسعر معقول لأنه الميزانيه ماتساعد .. ولو ببيع كفراتي حقت وكاله مع انه الخلفيه نظيفه بكم تجيب ..؟

سؤالي الرابع .. فلتر الهواء كل كم تغيره الوكاله فى الصيانه ..؟

سؤالي الخامس .. هل صحيح انه تنظيف البخاخات مضره للأكورد خاصه !!؟ على كلام الموظف ممنوعه من اليابان تنظيفها الا لو كانت السياره تكحكح على قولته .. فماادري تنصحوني انظفها فى مكان معين ولا لا ..؟ لأني غالبا امشي على البنزين واللمبه مولعه برتقالي

سؤالي السادس .. بخرط الهوبات خارج الوكاله وش رايكم ووش افضل مكان ..؟

واسف لو أسئلتي ماوضحت بس فيني تعب مو طبيعي والنوم مقفل على

والسموحه يااخوان لو طولت عليكم بالأسئله وماعرفت اصيغها

يعطيكم العافيه وتسلمون

**الفجر البعيد** · 21-10-2008, 01:21 AM