الموضوع: بخصوص مثبت السرعة يا جماعة

ايه فيه خيارات ثانية ;)

انك تبيع السياحي اللي معك وتشتري لك فل أو نص فل :d

فيه حل انك تسال العالم اخونا اكورد V6

مافيه حل لمثبت السرعة إلا انك تبيع السيارة وتشتري فل كامل 4 سلندر حتى اللي تجي بفتحة سقف مافيها مثبت .

تحياتي ,,, :d

أبوك يالتحطيم :(
وهي ناقصة ديون حتى أبيع السياحي وآخذ فل هي السياحي ما جات إلا بلعانة البنوك ..
تكفون لا تقهروني ..
قسم بالله من بعد ما دفعت العربون على السياحي وأنا ندمان .. ولي سنتين أصبر نفسي .. السيارة وسيلة لا غاية .. وش تبغى بخنبقات الفل الكامل .. لكن اكتشفت من جد اللي ما يطول العنب حامض عنه يقول .. وعلى قولت واحد من الشباب .. إذا طعنت جر .. لكني كنت مسوي فيها .. السياحي زي الفل ..
طولت السالفة
ههههههههههههههه
يعطيكم العافية ..

اخوي انسان افضل ورشتين يركبون مثبت سرعه هي
ورشة الفايز بالقصيم
و صلصال بالشرقيه

اذا هالورشتين ما قدروا يركبونه لك فانسى الموضوع
و هذا رقم ورشة الفايز 063550177
كلم المهندس الفلبيني فيليب
مع العلم اني كلمته قبل تقريباسنه و نص و يقول ما قدرنا نركبه للاكورد
لكن دق عليهم شف يمكن لقوا لها حل

اما صلصال فللاسف رقمهم مب موجود عندي لكن اسأل عن الورشه
و بتحصلها ان شاء الله لانها مشهوره

اخوي فيه فلبيني بالخبراء يركب مثبت سرعة للجيوب ونفس مثبت الوكالة وحتى تولع لمبة في الطبلون تدل على تشغيل مثبت السرعة .. هذا بالنسبة للجيوب ال Vx-r اللي مافيها مثبت .. بس ماادري صراحة عن الهوندا هل بيضبطها ولا !!
على العموم انا كل اللي اعرفه انه فلبيني وفي القصيم (الخبراء) اتمنى اذا كان فيه احد يعرفه ان يفيدك

8
8

هو نفسه اللي تكلمت عنه بردي الاول

أخوي M.A.M
وأخوي accord 06
الله يعطيكم العافية
ما قصرتوا ..
كان عندي أمل أركبه عند الوكالة .. لأن لها فرع بالمدينة وجده قريبة إذا تأزمت ..
لكن القصيم ولا الشرقية
والله مشوار ..
طيب أخوي accord 06
ورشة صلصال وينها بالشرقية .. يمكن يرضى أخوي يدور عليها ويسأله .. وقتها والله لأرسلها له شحن للشرقية ..

المشاركة الأصلية كتبت بواسطة BLK

دور في جدة

المشاركة الأصلية كتبت بواسطة BLK

أكيييييييد تحصل

لأنها مدينة معروفة بمحلات السيارات

و إن شاء الله شباب جدة يفيدونك ......

و بعدين بيني و بينك سيارتي فل كامل ما أستخدم المثبت إلا قلييييييييييل ...

مو المشكلة أدور وين
بعدين أنا عملي يبعد عن بيتي 140 كم روحة ومثلها رجعة
والخط اللي أداوم معاه مشهور حتى في طاش ما طاش إنه بين كل رادار ورادار رادار ( طريق المدينة الرياض السريع ) وتثبيت السرعة على 120 كم ( بالرجول :d ) تعب .. والله تحس إن عندك شد عضلي .. لكن المثبت شغله ونام

المشاركة الأصلية كتبت بواسطة إنسان

مو المشكلة أدور وين
بعدين أنا عملي يبعد عن بيتي 140 كم روحة ومثلها رجعة

والخط اللي أداوم معاه مشهور حتى في طاش ما طاش إنه بين كل رادار ورادار رادار ( طريق المدينة الرياض السريع ) وتثبيت السرعة على 120 كم ( بالرجول :d ) تعب .. والله تحس إن عندك شد عضلي .. لكن المثبت شغله ونام

انصحك اخوي لاتركب المثبت للسرعة اذا على كلامك انك بتنام خلي رجولك على البنزين وكل شوي نقص وزيد السرعة احسن من انك تركب مثبت السرعة وتنام ويصير حادث لاسمح الله لان الطريق طويل بعدين بتحس بنعس وبتنام

يالله يا إنسان انبسط خلاص ودعاً للتحطيم واهلا بمثبت السرعة .

مثبت السرعة زين شين

الزين فيه انه مريح في الخطوط الطويلة وفي تثبيت السرعة على السرعة القانونية .

والشين فيه انه يجيب النوم والخمول غير كذا يعتبر خطير جدآ جدآ جدآ في حالة انفجار احد الكفرات .

اخوي العزيز

احد الاصحاب قام بتجربتها على الاكورد


وقلنا له في البداية لاتسويها لكنه عاند وراح لافضل كهربائي في الشرقية المعلم سمير


وبدا الشغل وبعد فترة شفناه جاي الديوانية مع واحد من الشباب


سالته ايش صار


.
.
.
.
.

القير صار يعلق عنده وعلق في سرعة خطيرة وماقدر يتحكم في السيارة لكن بقدرة قادر نجا خوينا



فنصيحتي لك لاتجرب مثبت السرعة والله يعينك



اخووك المدمر