يا حلو السنتر لوك <<< هذا ركبت ثنين وكلها تخرب <<< بقعد كل يومين اركب غيرهم مشكله والله
شكلي بأخلي سيارتي اكسنت <<< كل ما جيت احول من السيااره قمت اتنكس <<اقفل البيبان
السلام عليكم ورحمه الله وبركاته
اخواني عندي اكورد 2003 وخرب عندي السنتر لوك حق الباب الخلفي،،،، رحت لمحل يمدحه احد الاعضاء هنا علشان اركب سنتر لوك تجاري ,,, المشكلة يوم جاء يفك القفل حق السنتر لوك مارضا ينفك ويقول انه يختلف تركيب القفل الابواب الامامية عن الخلفية ،،،،
اللي يعرف محل قد ركب عنده سنتر لوك تجاري للابواب الخلفية يعطيني وصفه ...
يا حلو السنتر لوك <<< هذا ركبت ثنين وكلها تخرب <<< بقعد كل يومين اركب غيرهم مشكله والله
شكلي بأخلي سيارتي اكسنت <<< كل ما جيت احول من السيااره قمت اتنكس <<اقفل البيبان
ركب لك أصلي من الوكالة أحسن لك أو خذ من التشليح أريحلك من التجاري المزعج كل ماقفلت ولا فتحت تسمع الصوت وفيه محل الأبداع حق التخشيب يركبلك السنتر لوك تبغى تجاري يجيبلك ويركبه لك ولا أنت جب السنتر لوك من الوكالة أومن التشليح ويركبه لك وبالتوفيق .......
انا مثل مشكلتك سويته بالغرابي وبعد يومين خرب علي
وان شاء الله قريب بروح للوكاله
ومن شان الموضوع هذا بغيت اسئل هل المشكله هذي من شنو
لاني اعرف كم واحد عنده اكورد 2005 وانا بعد وكلنا نفس المشكله في باب الراكب يكون السنتر لوك خربان يعني لازم تقول لخويك قفل بابك يقولك ليش راكب كرسيدا xl تقول مشيها
وانا عندي الرموت ما يفتح البواب الاماميه بس الخلفيه ويوم افتح بالمفتاح يفتح معي كل الابواب الي باب الراكب
يعني لو نتكلم عن الموضوع بشكل عقلاني نعرف ان المشكله من نفس الشركه ويعتبر عيب في الصناعه ( يعني لا تقول لي انه عمره الافتراضي انتهي ) لو انه عمره الافتراضي انتهي كان تخرب الاربعه في مده قريبه من بعض لانها نفس الصناعه وكلها تنفتح وتتسكر بالرموت او عن طريق المفتاح في نفس الوقت
يعني مدري شنو نسوي
وما معنا في الاخير الي كلمه تجاري ( لان الوكاله سعرهم في بعض الاشياء خيالي )
تحياتي
شباب في في المحلات اللي خارج الوكالة سنتر لوك اصلي اقل من سعر الوكالة بكثير لانه عندهم بالسعر القديم قبل ماترفع الوكالة الاسعار انا حصلت الامامية بالوكالة بسعر 650 وشريتها من برا 470 وممكن تأخذها بأقل
انا نفس المشكلة بس في ا"لأبواب الخلفية ..مالنا الا أصلي بس ودي أعرف يفرق السعر لو جبناه من برا عن طريق النت ؟
المشكله بعد عندي اكورد 2006 باب الراكب خخخخخخخ سوالي قلق
ياشباب خذو العلم انا زيكم السنتر لوك خرب علي حق البابين الخلفين صار البابين مايفتحون
اشتريت القطعتين السنتر لوك اخذتها من الوكاله بقيمة 820 ريال رحت لخوي الكهربائي عشان يركبها لي
قال القطعه الالكترونيه حقت السنتر لوك سليمه عندك وشغاله 100% انا صراحه ماصدقت قاالي الخراب من الواير الواير هذا هو سلك حدديدي يربط
بين القطعه الالكترونيه واصبع الزر اللي تفتح منه الباب كان الواير مصلب مرة مايتحرك عشان كذ1 يعيق القطعه الالكترونيه
الزبد من بربرتي شوف جرب الاصبع الزر اللي عندك اذا حاس انه مصلب ومايطلع بقوة هذا واير على طول
تكلفة الواير طبعا 60 ريال الواحد يابلاش من 802 الى 60 ريال
ادري طولت عليكم بس عشان انبهكم
ودمتم بود
حتى انا نفس المشكله فى اكورد 2006
التعديل الأخير تم بواسطة alharthy27 ; 27-06-2009 الساعة 07:00 PM سبب آخر: تصحيح
تحياتي لكل الشباب ايضا انا عندي نفس المشكله للراكب اضنها ددسن لازم اقفلها بيدي :d لا واذا جيت بشتري الل...مدري وش اسمه اللي يقولون الشباب قالي بالف ريال صراحه انا احس اني راكب روز رايز مو هوندا على قيمة قطع الغيار هذي موديل السيارة 2004
بالنسبة لي اخترب علي باب الراكب
السيارة موديل 2006
المهم رحت للغرابي لمحل اسمه الركن الاحسن وركبت سنتر لوك تجاري من صنع تايون ولله الحمد الى الان زي الحلاوة
علماً اني مركبه من 6 شهور تقريبا
هذا وبالله التوفيق
وانا 2006 ونفس الشي باب الراكب الي ع جهة اليمين
وانا نفس الشيء
اكورد 2006
سالت الوكالة عن السعر قال بحدود الـ 900 ريال
قلت : خله عندك !!
وانا نفس الشيء باب الراكب :d
السلام عليكم
انا عندي نفس المشكله اكوورد 2004
بس الاختلاف عن جميع الاغضاء انه باب السواق
ولا احد يدري عني .... يعني ( محد يقول لي ددسن ولا كرسيدا ) خخخخ
وصراحه قيمته خياليه
ماعندي مشكله افتح بالمفتاح مو لازم ريموت
وسألت عنه بالتشليح قبل 5 شهور قالوا لي
مانبيعه لحاله يعني ( مع الباب )
ولكم جزيل الشكر ,,,
رخصوا يالوكالة مالكم داعي
طيب هل النعماني موجود عنده وبكم سعره ؟؟
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
وانا عندي باب السايق
اكوووووووورد2005
نفس الفكرة باب السواق
سجل معك واحد نفر
نفس المشكله
اكورد 2006 باب الراكب اللي على اليمين
ما يفتح لا بالريموت ولا بالمفتاح
اللي يعرف كهربائي شغله نظيف في الشرقية يقدر يشوف من شنو المشكله
يعني من السنتر لوك والا من السلك؟؟؟؟
نفس الشي أنا سنتر لوك باب الراكب (قدام) خربان ولا ينفتح لا بالريموت ولا بالمفتاح
لازم اذا ركبت امد ايدي وافتحه (ارفعه)
واذا جا ينزل الراكب قلتله اقفله لمنك نزلت
والمشكله انه اذا جيت اقفل السياره ماتنقفل تولع (الاشارات 3 مرات) الا بعد ما أقفل سنتر لوك الراكب
بس بكيفها غااليه :p
ما احتاجه اللي يركب معي اقوله اقفله اذا جاء ينزل واذا جاء يركب وهي مقفوله فتحته وبس :d
ضيفنا في القائمة هوندا أكورد 2003 باب الراكب ما يفتح لا بالريموت و لا بالمفتاح
وعندي بعد مشكلة ثانية النافذة الخلفية جهة اليمين ما ترفع من عند السواق بس ترفع من جهة الراكب
الحل بسيط جدآ
1- أهل الرياض ( شراء السنتر لوك من الغرابي أو المحلات الموجودة عندهم - تجاري طبعآ ويمكن مايعدي الـ 100 ريال والتركيب بورشة الجنوب كما هو معروف للكثير منكم واذا توجد ورشة معروفة وأفضل فلا مانع )
2- أهل الرياض ( الحل الآخر شراء السنتر لوك من الوكالة اذا رغبت بالأصلي وتركيبه خارج الوكالة بأي ورشة )
3- أهل الشرقية ( شراء السنتر لوك من الوكالة وتركيبه بورشة السعادة وكثير ركب عندهم ويمدح شغلهم ورخيص )
4- ملاحظة لشباب الشرقية ( السنتر لوك التجاري غير موجود بالدمام وكثير من الأعضاء تعب وهو يدور وماحصل وعلى هالموضوع اذا احد فيكم حصل بالدمام يعلمنا عن المحل وموقعه والسعر ولا مانع من زيارة النعماني بالدمام أو الأتصال عليه والسؤال عن السنتر لوك )
وسلامتكم
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
الله يكون بعونكم
انا عندي باب السواق وباب الراكب والباب الي خلف الراكب يعني ماينفتح بالريموت الا الباب الي خلف الراكب الامامي
طفشت من المشكله
رحت للوكاله قال ليا باب الراكب بـ 500
وباب السواق بـ 600
واتعاب التركيب بـ 300
ولين الحين ماصلحتها ولا ركبتها الماده ماتكفي
مواقع النشر (المفضلة)