عما عما 14000 وييين والله لو أشتري قير من التشليح أرخص بواااااجد اما 14000 وبعدين انت تقوول انهبلف الجربوكس
أنا اقوول ودها ورشه كويسه وش وش فيها ولاتوظب أشتر قير من التشليح اذا احتاج هباالش14000
^
^
^
^
^
انت ياللي براااا :d معقوووووله ماهقيتها من قير الأكورد ؟؟
^
^
قـــســــم :d
^
^
^
^
^
السلام عليكم
شباب ياحلوين بالمختصر الشديد
اكورد 2003
فجأه كذا الاّ القير يفصل وانا ماشي ياهووووو
ويعلق وينقل من نمره الى نمره بقووووووه وبعض الأحيان اذا حمي مايصير يعشق ابدن يعني السياره في الـ D وكأنها في الـ N فاضي تدووووس مافيه شي يتحرك !
سلامات !!!
المهم وديتها الوكاله في تبوك كشفوا عليها بالكمبيوتر قالوا فيه مشكله في "بلف الجربوكس" ومانقدر نصلحه هنا ماعندنا معدات ولا فيه فني يقدر يفكه
والحل ؟ قالوا مالك الاّ توديها جده !!
لاحوووووول ولاقوة الا بالله :(
جده جده وش نسوي ! وديتها جده فرع طريق المدينه <<< طبعاً هالسطر معاناه 4 أيام حتى وصلت لهم عن طريق البسامي وقروشه
المهم مالكم بالطويله كشفوا عليها ودقوا عليّ
الموظف: السلام عليكم :d
أنا: وعليكم السلام :o
الموظف: الأخ صاحب الأكورد 2003
أنا: نعم نعم <<<< ومتحمس
الموظف: حياك الله ياغالي ، السياره كشفنا عليها وتحتاج الى توظيب قير بـ (( 14.000 ألف )) اللي مايعرف يقرأ الأرقام أربع طعش ألف
أنا:
وكمان مره ثانيه
لالا ما استوعبت
أنا: يا استاذي يمكن انك تقصد 1400 ريال (ألف واربعمئة ريال) .
الموظف: لالا اخي الكريم الكشف والفاتوره والتقرير قدامي الآن وموضح انها كامله بالشغل وقطع اليد (أربع طعش ألف ريال) .
أنا: خير ان شاء الله اعطني وقت افكر وارجع اكلمكم << باقي ما استوعبت اصلاً
معقوله ياشباب توظيب قير 14 الف !! << لا احد يقول قسم :d
لالامن جد سلامات انا شاري قير جديد ولا مكينه 14 الف هذي ميزانية دولة ( جزر القمر مثلاً) ;) << عاش مصرف
السؤال ياشباب
وش رايكم ؟ يصلح هالكلام ! انا مافيه ولا 1% اني اصلحها عندهم لأني متأكد تمام التأكيد ان المشكله اما في حساس او بلف او كلتشات او حاجه صغيره .. لكن الأخوان شكلهم طفروا مع الأزمه الماليه قالوا خلينا نتعيش من ظهر هذا وفيه واحد قال لي الوكاله كذا مجرد مايفكون مسامير القيربوكس خلاص يسمونه توظيب ويغيرون لك كل شييييييي سواءً يحتاج تغيير ولالا
السؤال الثاني:
وش اللي يجعل القير يخرب كذا ؟ انا محافظ والله عالسياره ومهتم فيها مره يعني هل يحصل كذا بسبب سوء استخدام ؟؟
انا انتظر مايدور في جعبتكم حول هذا الموضوع
وان شاء الله اننا نستفيد من اللي سبق وان حصلت له هالمشكله
وآسف على الإطاله لكن تعرفون منصدم من التكلفه ومن الإصلاح
اقسم بالله انها عافت نفسي منها افكر ابيعها واشري تويوتا اصرررررف :( <<<< خلاص خربها :d
التعديل الأخير تم بواسطة ياسر الشمراني ; 04-11-2008 الساعة 05:28 PM
عما عما 14000 وييين والله لو أشتري قير من التشليح أرخص بواااااجد اما 14000 وبعدين انت تقوول انهبلف الجربوكس
أنا اقوول ودها ورشه كويسه وش وش فيها ولاتوظب أشتر قير من التشليح اذا احتاج هباالش14000
تتعال جبها الرياض واوديك ورشة العمال اللي كانو يشتغلون فيها كانو شغالين في وكالة هوندا من زمان ، لكن حصلت طفرة فسرحوا اغلب العاملين وخذاهم واحد في هالورشة وشغلهم عال العال ورخيصين جداً اذا قارنتهم بمن غيرهم ،،
فكك من الوكالة قال ايش قال 14 الف !!
او
قير جديد من التشليح مع الرجيع وحق 2007 وضمان كم شهر مايعدي 4000 كحد اقصى .
صحيح الصيانة في الوكالة غالية لكنهم فاهمين شغلهم
ودامك رحت لفرع طريق المدينة فهذا الفرع الرئيسي وما اعتقد المهندسين اللي فيه بيكونون داجين
الزبدة .. خلك من الوكالة عندي لك ورشة شغلها واسعارها حلوة وطبعاً متخصصة في الهوندا
اخوي ياسر اذا مازلت في جدة كلمني على الجوال
ارسلت لك رقمي على الخاص
.
.
.
ومحدثكم قالو التوظيب .. 7000 ريال .. والقير الجديد للاكورد 2002 بـ12000
وصلت القير 2500 ريال وكل القطع وكاله .. والمشكله طلعت كلتشات القير
اقول جبها للرياض ولن تندم >>متعوب عليها لن تندم :d
0
0
هلا هلا محمد
يالله حيييييوه
الصراحه لي الشرف اني اكون بجده .. لكن للأسف ماني بجده انا في تبوك طال عمرك ونخلص امورنا بالجوال :d باقة زيرو ياعم شغلللل :d
الله لايهينك سجلت حبك في قلبي قبل رقمك في جوالي هع ;)
وان شاء الله اكلمك قريب ونتشرف بسماع صوتك :d
وبصراحه اقف احتراماً لك ولتعاونك والله يجزاك خير ياقمر .
كلام الشباب مزبوط
بغض النظر هل هم كشفوا عليها صح ولا لا
السعر مرتفع جداً جداً
الوكاله تدبل السعر بشكل خرافي
أنصحك توديها ورشه متخصصه وبإذن الله ما راح توصل التكلفه نصف السعر
بالنسبه لي غلطت ودخلت الأكورد موديل 2005 في الوكاله بعد حادث بسيط
وكلفت حول 6000 ريال !!
أخوي أنا مثلك .
صارتلي مشكلة بالقير و السيارة موديل 2006 فرحت للوكالة و قالو بـ 8000 ريال مع شغل اليد فقلت لهم الله معاكم .
رحت أشتريت الكلتشات من الوكالة و الله ما أذكر بكم و ضبطت القير عند ورشة متخصصة بالهوندا بشارع البلدية عندنا بجدة إسمها ورشة الجزيرة .
شغلهم تمام و الورشة كل السيارات إللي عندهم هوندا بس .
و في ورشة الجنوب بالصناعية الشمالية برضو متخصصين في الهوندا .
و بعدين في نقطة في كلامك في وكالة تبوك لما الفني بيقول لك ....
لعلمك , الكومبيوتر ما يطلع أعطال بالجيربوكس , الكومبيوتر يكشف و يشيك على الحساسات فقط , و أكيد إنه أعطاك هالمبلغ و هو مو داري وش السالفة . القير إذا تبي تعرف وش أعطاله لازم ينفك القير و ينكشف عليه بعدين بتطلع الأعطال و تعرف وش هي ...وديتها الوكاله في تبوك كشفوا عليها بالكمبيوتر قالوا فيه مشكله في "بلف الجربوكس" ومانقدر نصلحه هنا ماعندنا معدات ولا فيه فني يقدر يفكه
:(
معك حق والله ! وان شاء الله بمساعدة احد الغالين نوديها ورشه متخصصه ونشوف وش العله
والله يعوضك خير اخوي اسد
فعلاً يدبلون السعر جداً !! وفكرتك سليمه 100% وهذا اللي بيصير ان شاء الله تعالى
والف شكر لك على اضافتك لمعلومة الكمبيوتر اول مره تمر علي صراحه واستفدت منها
الله يجزاك ووالديك الجنه ... شكراً لتفاعلكم ياشباب .
والله انا رائي من رائ الشباب توكل على الله وانا اخوك ودها لورشه متخصصة بالهوندا وخل عنك الوكاله وكذبهم الزايد...
القير الجديد بـ 22000 ريال :d
نصيحه صلحها برا الوكاله ازينلك
معقوله الهنادي سوت فيك كذا
الله يعينك واحسن شيء انك ما صلحت بالوكالة وين ياحبيبي 14 الف :p
الشباب ماقصروا بالوصف والورش والنصائح
انا جربت ورشة تشالنجر على قراند شيروكي توظيب حول 1000 ريال مع ضمان 6 شهور وله فروع باكثر من مدينه
دعواتي لك بالتوفيق
الاخطبوط كان هنا
أنصحك توديها ورشه متخصصه
كلتشاااااات يعني توظيب :(:(
حبيبي الأنس في ورشة بجدة في كيلو2 حق واحد صاحبي شغلهم تمام التمام وبقولك شي
تخيل ان الوكالة اذا عندهم زحمة بالصيانة يرسلون الناس عندهم يعني اطمن وانا كلمته ورد علي
ويقول انه يسوي توظيب القير ب5500 ريال مع القطع وضمان شهرين او 60000 كيلو
إسم الورشة ورشة قربان بطريق الملك خالد والورشة أكثر السيارات عندها هوندا وأي خدمة انا حاضر
اي والله
يالطيييييف !! يارجال هونها وتهون ;)
طيب موافق لكن تنقلها لي كمان أنا بالتقسيط المريح :d << يعني اغسل ايدك :d
تسلم على مرورك ياراعي البيبسي انت :d وفعلاً اللي قلته هذا الحل الـ
هذا اللي بيصير بحول الله وقوته شاكر ومقدر لك .
ياعمي بسيط كلتشات ولا توظيب بـ 14 الف :d
الله يجزاك الجنه ياغالي .. ماقصرت والله بخليك على بالي ومانستغني عن خدماتكم ومشورتكم
ولاتنسونا من الدعاء ياشباب .. يعلم الله اني فقدت سيارتي ;)
والله ييسر امورنا واموركم جميع يارب العالمين ..
=======
فعلاً الآن تأكدت ان الدنيا لازالت بخير .. وأن الأخوه في الله لامثيل لها .. حفظكم الله ورعاكم .
الشباب ماقصروا عطوك المفيد وأنا أضم صوتي لهم وأقولك صلحها في الوكالة قصدي بر الوكالة وأنت شكلك بايع إلأ شوي لهذا صلح بأقل مبلغ وأصرفها
نفس السؤال اللي راودني >>> كلمة صعبة
سيارتك كم ماشية
لأني قمت أوسوس أقول سيارتي يمكن يضرب قيرها وانا املك أكورد 2008
وش أسباب خرابات القير خلونا نفيد ونستفبد
ما مشت شي ابد
انا 2008 واليوم 65 كملت
الانس وش تسوي
شكلك بدر عوض حق تبوك هههههههه
الله يحفطها لك ان شاء الله ويارب يا كريم تنحل مشكلتك بارخص ثمن وطالعه من الشر الكوكو
طمنا باخر الخابار الله لاهينك
مواقع النشر (المفضلة)