بسم الله الرحمن الرحيم
السلام عليكم ورحمة الله وبركاته
اخواني اعضاء منتدى محبي الهنادي وخصوصا الملكه الكوكو << ياعيني عالعنصريه :d:d
جبت لكم اليوم شرح للطريقه اللي سويتها انا وبعدها ماعاد خربت اللمبه ابدا ولا تعطلت وشغاله بالليل من اول مااركب السياره حتى انزل ومع الباب كذلك
"هذا الشرح للي طفت مره وماعاد اشتغلت حتى لو غير اللمبه اما اللي يغير لمبه وتحترق لا"
اول شي هذي هي المقصوده من كلامي << يتكلم عن الفل
الحين نبدا الشرح
1: نضع المفك كما هو موضح امامك في الصوره
2: يكون وضع المفك هكذا موضح امامك وبعدين تدف المفك لليسار برفق عشان ماتتكسر اللي تمسك القزازه
3: بعد مافكينا قزاز اللمبات يجي دور المسامير وموضحه قدامكم
4: بعد مافكينا المسامير نسوي كما هو موضح في الصوره عشان نفك القطعه كامله وانتبه فكه برفق لاتكسر شي
5: هذي القطعه كامله امامك ولا تسحبها بقوه تقطع الاسلاك
تعرفون لابس قفازات عشان الجو بارد مره عندنا < وش دخلها في الموضوع
6: نجي للقطعه المهمه في الشغل كله وموضح في الصوره طريقة فكها واستخراجها
الحين فكيناها وخلصنا واللي في الجهه الثانيه بنفس الطريقه اول شي بدلها حط كل وحده مكان الثانيه وشوف وهذا اللي سويته انا وباذن الله راح تشتغل عندك تمام "مجرب"
وهذي القطعه المقصوده في الكلام كله من جهتين التصوير
هذا وصلى الله وسلم علي نبينا محمد
واي استفسار انا حاظر وانتظر ردودكم وتجربتكم واسفين عالاطاله
ونعتذر من اللي مازبطت معاهم بس اكررها للمره الاخيره انا مجرب هالطريقه في سيارتي وبايدي
وشكرا لكم
اخوكم
رد مع اقتباس
مواقع النشر (المفضلة)