الموضوع: سؤال في الهوندا الامريكيه

السلام عليكم
اول موضوع لي معاكم وانشاءالله ما يكون اخر موضوع
السؤال هو
سيارتي امريكيه وفيها شي ما عرفته أو بمعنى اصح مو متاكد منه شنو هو
شوفوا الصوره

الي عنده معلومه يفيدنا
تحياتي

مرحبا بيك AlGaTTaS
للأسف ما فيها وهذا الي قاهرني .
بس الي فهمته من خلال البحث انه يجي على accord ex v6 وسيارتي اربعه سندر
مشكووور ياغالي على الرد

اذا مانا غلطان ,,
لايخلو من شيئين :

شفت الاختراعات الجديده في الامارات ؟
بوابات سالك ,,
سيارتي كان فيها شي مثل هذا ,, وقالو لي بانه اله علاقه بهذه البوابات ,, لانها من اليابان ,,

او ,,

في نظام في امريكا وهو انك تكلم الطوارء بضغظه زر ,, ممكن هذا الاريل اله ,,


وخوفي انه يطلع زينه بس :d

بما انه يجي بس في فئة ال6 سلندر اللي فيها نافيقيشن ..... اضمن لك ان راعي السيارة السابق كان يبغا يكشخ سيارته شوي وحطه زيييييينة :p

هذا انتل الراديو الفضائي XM Radio

و اذا تبي تتأكد شف على زر الـ CD بالمسجل بتلقى مكتوب XM

و هو راديو يستقبل بث عن طريق الاقمار الصناعيه

للاسف اقولك انسى موضوعه لانه ما يشتغل هنا

المشاركة الأصلية كتبت بواسطة accord 06

هذا انتل الراديو الفضائي XM Radio

و اذا تبي تتأكد شف على زر الـ CD بالمسجل بتلقى مكتوب XM

و هو راديو يستقبل بث عن طريق الاقمار الصناعيه

للاسف اقولك انسى موضوعه لانه ما يشتغل هنا

هلا اخوي كلامك بظبط هو الي موجود في المسجل السياره و لمن اختار XM ما يشتغل عندي شي يعني شغله صار بلوشي :d
وألحين فهمت السالفه
شكرا لمروكم وتخميناتكم الجهنميه
سلاااااااااااااااام

المشاركة الأصلية كتبت بواسطة كوكو كورد

^^ سيارتة مافيها نفقيشن ^^
^^ والنظام اللي تقولة على خبري موجود مع كامل العدة النفقيشن والشاشة والعيال كلهم ^^
وسيارتة مافيها نفقيشن ،، يعني مسجلها مثل السعودي ..

يعني الاحتمال الكبير تكون زينة !!

ما هو شرط

الراديو ما له اي علاقه بالنافقيشن الا انهم يستخدمون نفس الانتل

بامريكا .. الاكوردات الفل اللي تجي بدون نافقيشن يجي فيها راديو فضائي على المسجل العادي












بعض الانواع تجي بشاشه TEXT مثل الاكورد 2008

اللي تعرض لك معلومات عن محطة الراديو اللي تسمعها