الموضوع: أستفسار حول أستخدام الجير بالطريقة الصحيحة بمختلف الظروف

وعليكم السلام ورحمة الله

اخوي ال d1,2,3

زي القير العادي

يعني اذا حطيتها في ال d1 السياره ما تعشق تحرق في الاول لين ترجعها d2 تقوم تعشق الثاني
والعكس اذا كانت في ال d ورديتها d3 حترد الثالث وتححرق ما تعشق الين ترد القير D

يعني كأنك تسوق عادي بس بدون (كلتش)

اتمنى يكون شرحي مفهوم

الله يعطيك العافية يا entas على المعلومة

لاهنت خيووووووو

انا جريب في البداية
وحطيت 1 ( حرقت على الاول )
وثم انتقلت الى 2 بدون الضغط على الفرامل فقط بزر امان القير ( حرقت على الثاني)
وبعد ذلك الى D3 ( حرقت على الثالث )
ومن ثم انتقلت الى D ( ومشيت عادي )

الله يعطيك العافية يا entas

معليش بغيت أضيف معلومة مدري اذا كنتوا تعرفوها وهي أن اذا بغيت توقف على P البريك حطه قبل بال n وبعدين اسحب الجلنط وبعدين حطه بال P والعكس صحيح اذا بغيت تعشق بال d حطه بال n ونزل الجلنط ....... قاعد أوصف لهندي

المشاركة الأصلية كتبت بواسطة مهجد الحارة

معليش بغيت أضيف معلومة مدري اذا كنتوا تعرفوها وهي أن اذا بغيت توقف على P البريك حطه قبل بال n وبعدين اسحب الجلنط وبعدين حطه بال P والعكس صحيح اذا بغيت تعشق بال d حطه بال n ونزل الجلنط ....... قاعد أوصف لهندي

عشق عادي ومو لازم ان بعديم بي

^^^
طبق كـلامك على مرسيدس جديد شوف ايش البلاوي كيف بتحصلها

انا اذا الفرامل خلاص حجرت وماقدرت تهدي السياره ارجع الى D3 مادري يضر ولا لا اكثر من مره سويتها وتفاديت نقاط تفتيش كثيره ولا كان طيرت العسكري هو ونقطته الغبيه سحقا للمرور ولا امن الطرق المتنحين

اخواني معلومة تانية انه الجير لما تحطة d2 يعلق عاتاني بس حتى لو توقفت السيارة وتمشي يبقى عالتاني وتصير حركة السيارة ثقيلة نوعا ما

^^^^^^^^ لا

اصلا اذا حطيته على d3 يعني انه ما يستعل الا الترس الاول والترس الثاني والثالث

واذا حطيته على d2ما يستعملالا الترس الاول والثاني
واذا حطيته على d1 ما يستعمل الا الترس الاول فقط لو تحب راسه

انا جربتها قلتله تكفى بالله قال لا (ملزم :d)

شكراً على المعلومات ياشباب

بخصوص وضعية البارك p
انصح وبشدة قبل الإنتقال إليه ان تنتقل للوضعية n ومن ثم تربط الهاند بريك ( الجلنط )
والسبب أنك إذا لم تربط الجلنط سلفا فسيكون ضغط ووزن السيارة على الجير ومع الوقت سوف تتلف التروس :(
فينبغي تثبيت السيارة أولا بالجلنط ومن ثم تغيير الجير
N < D > جلنط > P

أعرف أن الكثير يعرفون المعلومة هذي ولكن للتذكير فقط

مدري ليش يراودني احساس انو ذي الحركة يابوسعود هيا الي تعدم القير ,, خصوصا انو الاكورد قير ذكي يتحسس طريقة القياده

يعني مثلا كنت في نزله او طلعه تحصل القير يرجعك لنمره عشان يعطي السياره قوة اكثر وتثقل ع قولتك ,,

وكلام اخوي (عشقي الأول ) صحيح 100% وضروري عشان تروس القير ماتتكسر سنونها :d

دمت بود

*********************
>/>/>/>/>/>/>/>
/</</</</</</</
&&&

لا يخفـى على أي شخص " يمتلكـ سياره " إستخدآم القيــر ..
*******
عنوان الموضوع :
( إستفسآر حول أستخدام الجير بالطريقه الصحيحه بمختلف الظروف )

:: الإجابه ::
1* بعض الأعضاء قال " أنه يوم تجي تسحب الجلنط .. بالأول حط القير على الـ N وبعدها .. إسحب الجلط .."
:: التفسيـر ::
لايخلوا شارع من الانحدار .. حتى لو بدرجة بسيطه .. فعندما تقوم بوضع القير على الـ p بالطّبع سيكون ثقلكـ وثقل السياره واقف على القير .. فلذلـك يُنصح بوضع القير على الـ n ثم سحب الجلنـط إلى حدٍّ كافٍ [ البعض يضغط الجلط أو يسحب الجلنط بشكل بسيط أو غير كافي .. هذا أيضاً يؤثر على القير .. فالواجب سحب الجلنط بالقدر المعقول الذي يقوم بمسكـ السياره .. *كيف أعرف أن السياره في وضع وقوف على الجلنط وليس القير قبل وضعه على الـ P ؟؟ .. وأعرف ذلكـ من خلال ترك الفرامل من بعد سحب الجلنط والسياره في وضع الـ N والتأكّد من أي السيّاره في حالة ثبآت ..][

**************
س : سيّارتي أقدر أطفيها وأشيل المفتاح والقير على الـ N .. ماذا عن الأكورد والسيفيك ][ الهوندا ][ ؟

دمتـم بوِد ..

ما تقدر للاسف للاكورد اكلمك واكيد السيفيك نفس الشي

ما قصرتوا يا شباب
بس حبيت أضيف إنه عند التغيير من وضع لآخر خليك ضاغط على الفرامل

^^^
شيء مهم

انا كنت قاعد اتصفح المواضيع ولقيت هذا الموضوع وحبيت اشارك بما عندي ولا ادري ان كانت المعلومه قديمه

انا كنت امشي بطريق سفر ونقز اخوي الله يصلحه من ورا لقدام وضرب القير واول ما قمز سكتت حنة المكينه استغربت واناظر واثر القير على R رجعته لـ N وقفت وانا خايف ومشيت والوضع تمام وبديت اشخص بهالحركه عند اخوياي وشكراً
السياره اكورد 2006

جرب هالحركه بس لا تكثر:d

^^^

معقـــولــه

المشاركة الأصلية كتبت بواسطة و ك ب 9 3 0

انا كنت قاعد اتصفح المواضيع ولقيت هذا الموضوع وحبيت اشارك بما عندي ولا ادري ان كانت المعلومه قديمه

انا كنت امشي بطريق سفر ونقز اخوي الله يصلحه من ورا لقدام وضرب القير واول ما قمز سكتت حنة المكينه استغربت واناظر واثر القير على r رجعته لـ n وقفت وانا خايف ومشيت والوضع تمام وبديت اشخص بهالحركه عند اخوياي وشكراً
السياره اكورد 2006

جرب هالحركه بس لا تكثر:d

اما لو اخي اللي مسوي الحركه انه ما يرجع الا بعكاز