أغطية الجنط .. وين أحصلها

[أبو عــزوز ..]

بسم الله الرحمن الرحيم


السلام عليكم



ندخل بـ صلب وشرايين الموضوع .. :d



عندي أغطية الجنط انسرقت أو طاحت الله أعلم

سؤالي هل فيه بديل لـ أغطية الجنط حقات الوكالة .. لان سعرها بـ 96 ريال للواحد

والتجاري بـ 10 بس يفرق واجد ..


وهذا الصور توضح الفرق ..



التجاري بـ 10 ريال

لاحظو المقاس مو راكب مرة .. لازم تحط صمغ - سوبر قلو - عشان مايطيح








ـــــــــــــــــــــــــــــــــــــــــــــ



الأصلي بـ 96 ريال بعد الخصم














طيب قبل فترة قالي راعي محل بالتشليح يقول تحصله يباع نفس حق الوكالة
عليه شعار H و إطار ونفس المقاس .. بس بقيمة رخيصة جداً

أحد يقدر يفيدنا .. وين احصلهـ ..


لاتبخلون علينا
لاني مليت من شكل الجنط بدون أغطية:(

[قصيمي جدة]

طيب دور بالتشاليح يمكن تلقى

[momo]

والله يابو عزوز اذا الــ4غطيه مو موجوده فاكيد انها انسرقت مو معقوله 4تطيح مره وحده

الا اقول مافيه قفل اغطيه جنوط :d

اممممممم عندك التشليح وانصحك تدق على النعماني اللي رقمهم فوق ولا اقول لحظه انا بدق

جاري الاتصال

مابعد المكالمه

اغطيه الجنوط الغطاء الواحد سعره84ريال للاصلي كامله 336

اغطيه الجنوط الغطاء الواحدسعره 20ريال للتجاري كامله 80

انصحك تجاري مافيها فرق اتوقع

[أبو عــزوز ..]

^^^

الأغطية .. كنت حاط بأطرافها غرا -سوبر قلو- المعروف لدينا بـ أبوجني ..

يعني مستحيل يطيحن .. وحتى لما تفكها صعبها لازم تفك الجنط ثم من الداخل تطيحها ..



أربع مرات : مرة عند المسجد .. ومرة عند باب البيت نسيت أدخل السيارة ..
ومرة مالي حيل أدخلها وتركتها برا
ومرة كنت موقفها بشارع الفاخرية دوران وعالم .. بس خليتها إلى بكرا العصر ..

وأنا أتذكر إني مافقدتها قبل ما أوقف السيارة ..


لكن المشتكى لله ..


جزاك الله خير على اتصالك .. وصدقني فكيت أزمة إن شاء الله إذا جيت للرياض بروح للنعماني ..
على الأقل أرخص من الوكالة .. وبجرب الاثنين التجاري والاصلي نشوف الفرق ..




إذا أحد عندهـ خبر عند محلات الزينات يبيع أغطية تقليد على الوكالة يفيدنا رجاءً ..
>> إذا كانت أرخص من التجاري حق النعماني ..

[momo]

بشوف لك بكرى ناوي اروح اضلل ان شاء الله بدور لك

[أبو عــزوز ..]

^^^




ماقصرت يالذيب ، بيض الله وجهك ..