مفـاتيح الشبابيك :s

**spaees** · 12-01-2009, 06:24 PM

السلام عليكم
>> انا مثل ما انا
حالتي حالة متستتبه مع الدرايش ولا الشبابيك ولا الويندو
يااخوان احد صارتله هالمشكله ولا انا مقرود

المفتاح الرئيسي للشبابيك مضروب (خربان) الي عند السواق ما يفتح الا شباكي انا بس
المهم اول كان شوي يفتح ويعلق ويخربط ووديته كهربائي قال صلحتها لك بس باقيلك مفاتيح جديده
رحت الوكاله قالو ما عندنا نطلبها لك والى يومك ما شفتهم > في وكاله ماعندها قطع غيار :p
فانا عرفتلي واحد يبيع قطع تشليح في الصناعيه القديمه اخصائي هوندا اذا كنتو تعرفونه ورحت مشوار واخذتها ووديتها صناعية العروبه واخرتها خربانه

وضمانه 24 ساعه ويسكر العشاء :( اخ بس
فا وش الدبره يا اخواني قسم بالله اني متأذي الدريشه الي وراء مفتوح طرفها وانواع الازعاج في الطريق كرهت الموتر ماعاد غسلته,,
اترجى منكم حـل ولا واحد يبيع قطعه ولا يسلفنياااها

**أكورد دبي 9639** · 12-01-2009, 06:38 PM

عندنى بدبي في محل للسكراب ... أو مثل ما يقول اخواني السعودية (( محل تشليح ))
وقطعه نظيفة .. وبالشارقة بعد في واحد
واتمنى أني اقدر افيدك .. :(

**Mr.Civic** · 12-01-2009, 06:39 PM

أخوي والله ما عندي علم بمشكلتك شنو بالضبط ,,
بس يمكن اخوي انت حاط قفل النوافد ؟؟ لأن لما تحطه تفتح دريشة السواق بس ,, تأكد منه

آسفين على الإطاله ,,

**spaees** · 12-01-2009, 09:39 PM

لوفر
والله بيني وبينك فكرت اروح لكن مــادل تشـاليح حاير الله ابوها ماخلو لها مكان اقرب

سيفك
ياليييييييت انه من القفل كنـا حلينـاها في ساعتها الكهربائي واكثر من كهربائي يقول من هالمفاتيح

**امبراطور الاكورد** · 13-01-2009, 12:19 AM

الله يعينك بس يمكن المشكله ماتكون من الازرار او يكون تركيبها غلط

**المـــــلكـ اكـــــورد** · 13-01-2009, 12:28 PM

مالك الا تروح تشليح الحاير

الوصف :الدائري الجنوبي وانت متجه غرب يجيك مخرج22<يمكن (حراج بن قاسم) تدخل معه ومع الاشاره يسار وتمشي سيده سيده اول اشاره اتركها وسيــــــــــــده وثاني اشاره عديها تمشي حول 4 كم التشاليح على يمينك

واذا تبي اي خدمه راسلني على الخاص
وبوصف لك محل اتعامل معاه

تحيتي

**spaees** · 14-01-2009, 12:03 AM

امبرطور
لا ياشيخ المشكله بنفس العلبه

ملك
شكلها كذا بس ياخي وصفك مدري لحسني هاذا وصف واحد من الشباب بداية من مخرج الحراج

وبترقى جسر اول ما تنزل منه بيجيك مخرج يسمونه مخرج ( الحراج ) ادخل معه يمين ومع الاشارة رح يمين وابتل ترا بتلقى لوحه قدامك اسمها ( طريق النصر ) وعلى يسارك سوق خرفان ولا تعديته بيجيك نفس الحكاية جسر ارقاه وابتل لين تجيك اشاره وبعد الاشاره كمان ابتل وخلك على دزتك لين يجيك التشليح على يمينك بتشوفه عاد انت من بعيد واضح سيارات وشبوك وحوسه..

انتبه لا تعديت الاشاره بتجيك لفه يسار يسمونها لفة المقيبره لا تغلط وتروح معها...

وش الصح الحين :d
انت وصفك وانت جـاي من المعلق ولا من الملك فهد ,, اتمنى الوصف الي من المعلق

الملك فهد ما نفلح فيه