صيانه بعد 130الف الفزعه يا أخوان

**عاشق الــss** · 13-01-2009, 07:26 PM

السلام عليكم

شباب معي اكورد 2007 سبشل وماشيه الحين 130 الف وودي اسوي لها صيانه كامله
مع العلم ماعمري سويت لها صيانه ابد ولاعمري غيرت شي فيها >ماشاءلله<
ودي اعرف وش اسوي وش اغير وش الورشه الي تنصحوني اسوي فيها صيانه بالرياض

ملاحظه:
عندي بعض المشاكل
1\ الي يرفع النور وينزله خربان وش الحل؟
2\النور يعلق بالعالي وش الحل\ قريت موضوع لأحد الأعضاء وينصح بتركيب الكتاوت هل هو فعلن حل جذري للمشكله او لا
3\ودي اغير الجنوط علمن اني مركب حقت الفل 16 بس اللمعه راحت وصارت باهته وش تنصحوني اركب جنوط لمعتها تكون نفس الوكاله وابي كفراة تكون نصب عليها يعني كم اركب مقاس ارتفاعها وعرضها؟
4\ابي محل تلميع يكون شغله تمام خارجي وداخلي وترجع لمعة الوكاله ولا يكون لتلميع اي اثار سلبيه؟
5\ابي محل يركب جلد مثل الوكاله
وسلامتكم يالغالين

انتظر ردودكم ياشباب على عجل لأني ناوي ذا اليومين اشتغل فيها قبل لاتطير الدراهم:d

الف الف شكر مقدماً

**العــاشــق** · 13-01-2009, 07:52 PM

هلابك يا غالي

مشاء الله عليك موترك ما شي 130الف وانا موتري 2003 ما مشى 140 الف:d

((مشاء الله تبارك الرحمن))

نبدا معك حبه حبه

السؤال الاول| بالنسبه للي يرفع النور يمكن انك قد غيرت الشمعات سواء انك حطيت زينون او نور عادي يمكن سوء التركيب ممكن انه يكسر ميزان النور او اذا انك ما غيرت النور ابد فما ادري وش المشكله !!

السؤال الثاني|عندك اكيد التماس بالاسلاك وانا اتوقع انك مغير النووور <<غصب:d

السؤال الثالث| اذا كان موترك 2007 صراحه يا تركب حقت الوكاله من جديد او انك تركب حقت 2008 الــ17

والكفرات مدري ان كنت ولد نعمه اشتر كفرات برجستون نوع ((ادرنالين)) رياضيه وقويه ما تلقاها في السوق تلقاها عند نفس الشركه واذا ركبت اي كفر عب ((هيدروجين)) بتفرق خفت الموتر <<اذا ركبت عند برجستون هم يعبونه لك بلاش

السوال الرابع| اذا كنت بالرياض في محلات في شارع الظباب وفي التحليه لكن ما اعرف وش اسامي المحلات بالظبط

السؤال الخامس|والله عندك الاسماعيل او الكثيري او الوكاله:d

ترا في بعض الاسئله اتفلسف فيها يعني لاتدقق واجد

تحياتي واتمنى اني افدتك .,.

**اكورد الرياض2007** · 13-01-2009, 08:05 PM

ودههاااااااا للوكالة حالا وشيك عليها,انت ظالم سيارتك
الوكالة تسوي صيانة شاملة للسيارة
انا سويت صيانة في الوكالة كلفتني1200
انا ماشي عليها 60الف

اما الجنوط والكماليات اتمنى يفيدونك الاخوان الاعضاء اللي بعدي

تقبل تحياتي

**B Unique** · 13-01-2009, 09:45 PM

وعليكم السلام ورحمة الله وبركاته

هذي اهم الاشياء اللي يبيلك تغيرها او تفحصها كل 100 الف كيلو :

تغيير زيت المكينة + الفلتر
تغيير فلتر الهواء
تغيير فلتر البنزين
تغيير البواجي
وزن البلوف
تنظيف البخاخات
تغيير سير المكينة (لمحركات V6 فقط)
فحص طرمبة المويه (لمحركات V6 فقط)
فحص السير الخارجي وتغييره ان لزم
فحص موية الراديتر
تغيير زيت القير
فحص فحمات الفرامل الامامية والخلفية وتغييرها ان لزم
تبديل الكفرات بشكل X

وسلامتك

اذا مريت على الشغلات هذي وضبطت كل شي
ان شاء الله ترجع سيارتك مثل الجديدة

هذا اللي عندي والباقي ان شاء الله يفيدونك فيه الشباب

**المـــــلكـ اكـــــورد** · 13-01-2009, 11:52 PM

-بالنسبة للجنوط اذا ماكان فيها اصابات تقدر ترشها وترجع زي اول واحسن
-
اما تلبيسة المراتب فيه محلات كثيره في الغرابي (الكثيري -العوبثاني )<<مادري عن سعرها كم يفيدونك الاعضاء
وانصحك تروح للتشليح وتاخذ مراتب الفل جلد مع ضفيرتها وبكذا تكسب مراتب جلد وكهرب وبسعر حدود 2500 ريال <<راسلني على الخاص اذا جاز لك هالخيار

-محلات التلميع عند معارض النسيم فيه اكثر من واحد وكلهم شغلهم جيد نوعا ما

ان شاء الله اكون افدتك واي استفسار لايردك الا الخاص

تحيتي

**المباشر** · 14-01-2009, 12:10 AM

بعد كلام اخوي بي يونك والملك اكورد مالي كلام من بعدهم :d ماشاءالله عطوك المفيد

بالنسبة لتبديل الأطارات بشكل X اذا كانت ميشلان للأسف ماأنصحك وخلهم على ماهم أو انك تجرب وترد لي خبر

والسبب انا عكست التواير بموتري وماشي 32 الف وعليها شوي وسويت ترصيص لأن اللي جات من المصنع طاح بعضها، يطيح الرصاص ويبقى الماسك حقها على الجنط :d

المهم بعد عكس التواير والله صار صوتهم اكثر من اول بشكل رهيب جدآ ومزعج وبعد يومين رجعت للبنشري والحمدلله رجعتهم لمكانهم الأول وخف الصوت وطبعآ الحل هو طقم اطارات جديده ولكن خلني احلل هالميشلان.

اضافة : تغيير زيت القير