الموضوع: عضو جديد وعندي أنواع الاسئله (توي شاري أكورد)

السلام عليكم ورحمة الله وبركاته


أنا عضو جديد على المنتدى وأيضا شاري أكورد موديل 2006 فل كامل

كنت استخدم التويوتا لكن والله اني بعد ما شريت الكورد أني ندمت على فلوسي اللي طيرتها
بالكــــــــــــــــامري وأشكالها


وعندي كذا سؤال محيرني بالكورد


طبعا بموديل 2006


الأول / هل الحذفه يســـار عيب مصنعي أم من سيارتي ( مع العلم انها ما قد جتها صدمة أبد)
لأني رحت لمهندس وقالي يبغى لها سحب مدري ايش ويمكن ينفجر الايرباج ولحس مخي

قلت أسئلكم وأشوف


الثاني / استغربت الحرارة دايما على النص مدري هي طبيعيه او لا ؟


الثالث / مدري ليش ما فيها مقياس لدرجة حرارة الجو ؟ أو إن فيها بس مدري وين

الرابع / هل بإمكاني التبديل بين ال D و 3D والسيارة ماشيه؟

الخامس / هي وين تصنع؟ لان الشايب سألني وانكبت قلت له يابانية وأنا مدري:d

السادس والاخير / الوكاله مدري وين ودي بأقرب فرع لشمال الرياض

وعليكمالسلام

السؤال الأول/ أنا مادري بصراحه من وين الحذفه بس لاتسوي الي قالك المهندس لأنه شي طبيعي أنا سيارتي كذا
السؤال الثاني/ الحراره على النص طبيعيه وكل أكورد كذا
السؤال الثالث/ مقياس الحراره بس في السته سلندر و إن كان سيارك سته سلندر فيه زر على الطبلون الي يخفف قوه الأناره الداخليخه أضغطه وتطلعلك الحراره
السؤال الرابع/أيه عادي تقدر تبدل ماعندك مشكله
السؤال الخامس/وشدعوه شاري سياره ولا تدري وش صناعته>>>>>:d:p
أيه يابانيه 100%100 ورح قل لشايب إن هوندا الشركه الوحيده اليابانيه 100%100
السؤال السادس/ بصراحه أنا ماعرف شمال ولا جنوب أنا أعرف إن فيه بالتخصصي وأنت جاي من كوبري الخليج رح سيدا وتلقاه على يمينك...
إنشاء الله إني أفدتك

جزاك الله ألف خير على المعلومات

توضيح لوصف الوكاله مهيب حول التخصصي بس مالومك لانك وضحت للرجال وانت ماتعرف الرياض حلو تطقطق هههه

الوكاله بطريق خريص وانت مخلي العليا وراك

انت بالشمال تمسك الدائري الشمالي الى مخرج 8تدخل الدائري الشرقي الى مخرج 13فيه 2الاول أيطلعك على خريص خله الثاني ب
ادخل معه امشي 500متر تلقى مخرج ادخل معه الوكاله يميناك عند الاشاره

أخوي
أول الشي أهلا وسهلا فيك بالمنتدى مع اخوانك
والرد على اجوبتك :
1- الخطفة على اليمين مو مشكلة .. هي من المصنع .. واي سيارة يابانية فيها هل خطفة
2- حرارة الأكورد من موديل 90 إلى ال 2008 للنص .. طبيعتها
3- مقياس درجة الحرارة نزل بالموديل الجديد 2008 و 2009
4- بأمكانك تغير الجير .. بس كثرة هل حركة تأذي السيارة
5- في أنواع تصنع في اليابان .. وفي أنواع تصنع بأمريكا .. والكوبية تحديدا يصنع بأمريكا ..
ولو لاحظت الأكورد الجديد فيه ضو برتقالي من جدام .. دليل على أنها سيارة برتقالية
6- صراحة ما اقدر افيدك .. لأني ساكن بدبي :o