الموضوع: ابي رايكم .. شنو اركب حق اكورد 2006 اربعه !

بسم الله الرحمن الرحيم
بدخل بالموضوع على طوووول
مثل ما بعضكم يدري .. قبل شهر تقريبا سويت حادث بالاكورد .. و راحو الجنوط ملح !
الجنوط ما راحو راحو .. بس راااحو :d << محد فهم
يعني اثنين منهم اكلو رصيف من الجنب .. و صارو 200 ملي بالعرض بعد ما كانو 300 :d
و دخلت السياره التصليح .. و لين امس خلصت السياره و باقي الميزان ( اللي صار اليوم )
الله يسلمكم .. يوم اول ما دخلتها قالي جيب لي جنوط .. علشان اوزن السياره و ابدل الباب و اشتغل عليها
رحت التشليح .. و ابد ما في نيتي اني اركب شي جديد .. بعد اللي شفته باللي كنت مركبهم ( مع العلم اني كانت طالبهم من النت و لو انهم ابو كلب تجاري كان صار كلام ثاني بالسياره يوم الحادث )
فقلت تجاري ماني مركب .. و دورت يمين و يسار . .حصلت جنوط مكسيما تبع الوكاله .. قلت اركبهم على الاكورد .. و شفتهم نظاف
اخذتهم له ... و ركبهم .. و اليوم الميزان .. اتصل علي و قال تعال ابي اشوفك
قلت خير ان شاء الله .. و رحت له .. طلعو الجنوط معويين ( عوجان ) قالي اوديهم مخرطه و مادري ايش .. قلت لا يبا .. خلهم على حطتهم .. ارجعهم للتشليح لانه قال انه جداد .. و الظاهر انهم ماكلين هوا و حاول يمشيني فيهم )
قلت له انت اللحين ركبهم .. و ضبط السياره .. و خلي الرجفه بعدين اسويها لما اجيب لك الجنوط الجدد مكان هذيل
فأول ما اخلص اختبارات ( يوم الاحد الجاي ) .. الاثنين الصبح بروح التشليح .. اعطيه الجنوط و اشوف لي غيرهم
اللحين تبع الميزان يقولي جنوط المكسيما ما يركبون بدون حلق لانهم اكبر شويه من ناحيه الفلنجه ( يعني يحتاجون حلق )
و انا اذا باخذ ... باخذ جنوط وكاله .. يعني جنوط وكالة هوندا ... او نيسان .. او تيوتا .. اللي احصله يعني
بس المهم انهم يكونون شي تبع وكاله معينه و يركبون على الاكورد !
عقب هاذي الهذره .. سؤالي :
جنوط الالتيما شلونهم على الاكورد ؟
ممكن اني اركب جنوط الالتيما الـ 17 على الاكورد ؟
ما ابي اثقل على الاكورد ... يعني كل ما صار الجنط اخف كل ما كان احسن ... يا هل ترا .. في احد يعرف اي سياره جنطها خفيف و يركب على الاكورد ... علشان ندور عليه بالتشليح يمين و يسار !
للعلم .. سيارتي كان راكب عليها جنط 17 و عرضه 265 <<< اذا ماني غلطان ...
كنت معرض الاكورد و مسويها دباب .. لزوم الثبات .. و فعلا اعطتني ثبات و لا سحبت فيني و فرت فيني و ضربت رصيف و انقلبت الا و انا ماشي 200 :d