ابغا اكورد بدون دفعه اولى ؟!

**zizoo** · 28-08-2009, 12:19 AM

السلام عليكم ورحمه الله وبركاته ,,
كيف الحال ,, اخواني ابغا اشتري هوندا اكورد ( عن طريق احد البنوك ) بدون دفعه اولى ,,
سألت عن البنك الاهلي قال لازم دفعه !
(( ماذا عن الراجحي والعربي ...الخ ))
لأن واحد سأل في الشراء عن طريق الوكاله او الشركه طلعت غاليه وفوائدها كثيره ؟

وشكرا

**abu khaled** · 28-08-2009, 12:34 AM

أمس أنا كنت عند الوكالة عندهم عرض بدون دفعه أولى

**أبو عبدالرحمن سلامي** · 28-08-2009, 02:04 AM

نصيحه لوجه الله ابعد وفر مثل فرارك من الذئب من البنك الاهلي واسأل اللي طلعو من البنك الاهلي لا معامله زي الناس عند تجديد التفويض ولو فكرت تتنازل فيها لشخص اخر مافيه عندهم يفتح الله تجيهم يقولون معاملات التنازل بداية الشهر تجيهم بداية الشهر يقولون وقفنا التنازل 6 أشهر واحد من الزملاء مطلع اكور 2007 وحب يتنازل فيها لشخص عسكري قالو لازم يكون عمره 30 وراتبه ما يقل عن ثمانية عما يعميهم ليش الراتب مو مشكله وش دخل العمر .

اذا حبيت تطلع خذ بنك الرياض اقل نسبة 8.5 واحلى معامله ولا يوجد لديهم مشكله في التنازل او التقبيل . واذا طلبو منك دفعه فهي 10% يعني بتطلع اكور فل بسعر 95000 مثلا ياخذو عليك دفعه 9500 بس معاملات ادارية او اصدار او من هالقبيل ياخذو 3000 ريال يعني المجموع 12500 ريال اخوي مطلع من عندهم لوميننا والله مرتااااح حتى في الاقساط ميسره مره

اما من ناحية بدون دفعة فلازم تتحرى العروض اللي تجي من فتره واخرى . ( من ناحيتي الشخصية الدفعة شوي زينه تخفف عليك القسط )

بالتوفيق لك اخوي

**uo8** · 28-08-2009, 03:14 AM

الله يوفقك يابو عبدالرحمن ..

بخصوص الاهلي اعرف واحد مطلع مكسيما .. والله قلة حيا في الاقساط وقلة حيا في تجديد التفويض

**هيموالمسعودي** · 28-08-2009, 03:36 AM

انا مطلع من البنك الاهلي
_ 2008 اكورد سبيشل الدفعة 11000 ودفعة اخيرة 20000 قيمة السيارة 114000 لكن:
1- تتاخر عن السداد يوم يجيك انواع الازعاج من وليد الحربي في جدة>>> حافظ اسمه
2-التفويض الى هالوقت ماجددته >>>لازم الادارة العامة
3-يأخذواا عليك مفتاح احتياط لهم