تبي نصيحتي رح سعرها عند ورشه محترمه ..
وبالنسبه لستعيره الوكاله تلقاه دبل الي برا .
وشسمه ,,
انا صارلي حادث وسعرته بالوكاله قالولي 4000 ريال <<تغير باب
وصلحتها عند ورشه أوكي ابـ 1400 ريال,<<< سمكره
شف الفرق وقارن
السلام عليكم ورحمه الله وبركاته ..
كيف حالكم ان شاء الله بخير ,,
قدر الله وصار علي حادث :( من الرفرفين الخلفيين اليمين واليسار ..
اليمين داخل مره ودخل ع الشنطه ( تقريبا 30 سم - 40 سم ) <<< ادوخ بالتوصيف :d
واليسار الحمد لله بسيطه ماتحتاج تعديل ..
بس ودي اسال كم راح تكلف تقريبا السياره بالوكاله وانا توي جاي من الوكاله قالولي ::
صدام مع الرش بـ 1500 واصطب بـ 1500 * 2 = 3000 والمجموع الكلي = 4500 هذا بدون الرفرف فياليت اللي يدري بكم يصلحون الرفرف يقولي لاني منب مدخل السياره الحين يمكن بعد اسبوع ..
( الصدمه بالرفرف اليمين من الباب الخلفي الى النهايه )
صحيح نسيت اقول :: جا على الكفر الخلفي اليمين ضربه واشوفه مايل ( فارش ) زياده عن العاده فوشو وضعه ذا يعدل او يغير قطع او شو؟؟
ووووبس
فهد ..
تبي نصيحتي رح سعرها عند ورشه محترمه ..
وبالنسبه لستعيره الوكاله تلقاه دبل الي برا .
وشسمه ,,
انا صارلي حادث وسعرته بالوكاله قالولي 4000 ريال <<تغير باب
وصلحتها عند ورشه أوكي ابـ 1400 ريال,<<< سمكره
شف الفرق وقارن
وعليكم السلام
حياك الله فهد
الحمد لله ع السلامه وفي الحديد ولا في العبيد :d
يارجال تبغى نصيحتي رح لورشه زينه في المنطقه اللي انت فيها ويصلحونها بنصف قيمة تكاليف الوكاله أو حتى الربع
بخصوص سعر الرفرف والله ماعندي خبر بالظبط
وان شاء الله الأخوان يفيدونك ...
تقبل وافر التقدير .
الله يسلمكم ويبعد عنكم كل سوء ..
طيب ماتخبرون لي ورشه حلوه بالرياض ؟؟
نفس نصايح الشباب ..
لا تصلح بالوكالة لآنهم مبالغين مرررررة في شغل اليد ،،
الصدام اذا ودك اشتر جديد ورشة برا الوكالة 300 ريال تقريباً .
الرفرف قيمة الواحد جديد بحدود 1800
اصحك غير المعدوم لانة سمكرتة مايضبطها اي واحد ...
والثاني اللي تقول خفيفية علمة لا يكثر معجون السمكرة ..
وش اسمة ،، الكفر .. يبيلك تغير اذرعتة الداخلية ... من التشليح كاااملة بحدود 600 ريال .. من الوكالة فوق الالف <<< واقل اذا عرفت وش الخربان بالضبط ..
ع العموم ... اذا فية صورة للصدمة افضل ،،
والوكالة عطوك للحين سعر القطع مع رش الصدام فقط !! ما حسبو شغل اليد ولا البوية للقطع الباقية ولا الميكانيكا !! اقول من الحين الوكالة بتطلب فوق الـ 8 بالراحة
والحمد لله ع السلامة اولاً واخيراً
الحمدلله على سلامتك
اخوي فيه ورشه شغلهم كله على او اغلبه هوندا
في الصناعيه اسم الورشه ورشة النفيعي
مشكووورين والله .. والله يجزاكم الف خير ..
----------------------------------
كوكو كورد :: ياخي دايم تتحفنا بردودكـ .. وبالنسبه للصور انا صورت السياره بالجوال ومادري ليه الكمبيوتر معيي يستقبل الصور !!
التعديل الأخير تم بواسطة EmPTY ; 24-01-2009 الساعة 09:25 PM
انصحك وفاء ولا ارناج بالصاعيه القديمه
مواقع النشر (المفضلة)