الموضوع: الي يبي زينه للأكورد يتفضل...

المشاركة الأصلية كتبت بواسطة Z U H A I R

افااااااااا Blk

وين ما رديت علي ولا ما انتبهت عليه..!!

اهلين أخوي زهير ... شدعوة آسف

بس الي صار إني كنت مجهز لك رد .....

و مسوي اقتباس و كتبت شوي و انعاد الكمبيوتر

من ذيك اليوم و انا ملان أرد على المواضيع :d

و اليوم إجازة يعني


بالنسبة للمراتب تحصلها في شارع تويوتا ... أكثر من محل شفت فيهم مراتب رياضية ....

محلات التنجيد كثيرة هناك .... طب و تخير و طبعاً الشغلة بسيطة إن شاء الله لأنها كلها فك و تركيب ....

بس أنا أنصحك تلبس تلبيسة سواء تفصيل أو جاهزة

ب 300-500 ريال بالألوان الي تبيها أحمر و أسود زي ما تحب أو أبيض و أسود :d

و بالطبع شارع تويوتا عندهم كل هالشغلات يعني بالعربي شاطرين في التنجيد ...

المشاركة الأصلية كتبت بواسطة Z U H A I R

لا عادي

بس انت كذا ما تعجبني يا BLK:p
انا ما قلت تنجيد رياضي

انا قلت مقاعد ريآضيه
.. نفسها المرآتب تغير بالكامل ويجي مكانها مقعد رياضي
طبعا اتكلم عن الامامي فقط

اما التنجيد مو شآيل همها...

عندك فكره عن هالموضوع؟؟

اي فاهم عليك :d

و قلت لك إن المقاعد هذي موجودة و شفتها في أكثر من محل في شارع تويوتا بس وين بالضبط ما أقدر أفيدك .....

أما السعر = ؟؟؟؟؟؟؟؟

لأن ما عمره جى في بالي أسأل :d

بس ما أعتقد غالي كثير دامه موجود في شارع تويوتا ;) :d

المشاركة الأصلية كتبت بواسطة الهامر_جدة

اود ان أعرف أسعار هاذي القطع يا خوي ويريت ترسلي اياها على الميل تبعك وأشكرك على المجهود الطيب مع العلم أني اود شرائها مع ذكر المكان بليز
1.جناح خلفي ... رياضي
2.عتبات باب مضائة
3.كشافات ...
4. مؤشر قياس درجة الحرارة الخارجية

الايميل: kjma_2002@hotmail.com
وتحياتي الحارة لك اخوي

للأسف أخوي ماني من جدة


بس هذي كلها تقدر تحصلها في كيلو 2 .... عندكم في جدة

و لا تخاف من شي اسمه نصب دامك قوي :d

المشاركة الأصلية كتبت بواسطة acoord 2006

السلام عليكم ورحمة الله وبركاته

أخواني انا ابي المرايات الي تصفط مثل حقت الكورلا السراحه غريبه هوندا ماركبتها وأنا سراحه ابيكم تدلووني على محل يركبها الله لا يهينكم يعني وياليت يكون المحل بالريااض <<< من سكانها


ولكم مني جزيل الشكر .....:d

يقال إن محل قوة الأحلام بالرياض قريباً بينزلها و لو إني ما اعتقد

و الميزة هذي للحين ما سمعت أحد ركبها بالأكورد ... للأسف

المشاركة الأصلية كتبت بواسطة acoord 2006

مشكوور اخووي بلاك ويعطيك الف عافيه بس لو بغيت ارهمها ضنتك بيخربوون من ديكوور السياره ؟؟؟

العفو أخوي و تسلم

تقصد المرايات ...

أعتقد انها تركب بدون ترهيم ... بس كأن مرايات الكورلا أصغر من الأكورد ...

كأني سمعت إنها ب 700 ريال جديدة

الشباب الآن يركبون مرايات BMW كهربائية ب 3000 ريال تقريباً من وكالة ال BMW


بس صدقني أحس الشغلة ما تسوى

أما التخريب يعتمد على الي يشتغل إذا كان فنان أكيد ما يخرب

المشاركة الأصلية كتبت بواسطة acoord 2006

طيب وش رايكم في الجناح الخلفي لازم تخريم والا بدوون واذا بدوون هل هو بيلعب في البدي ويخرب علي ؟؟؟

الجناح الخلفي أنا مااااااااااا أنصحك أبداً

أنا مركب على أكورد 2005 جناح خلفي

في طريقتين للتركيب :

1- تلصيق بالسيليكون و هاللواصق القوية

2- تخريم و هذا لازم دريلر :d


أنا مركبه تلصيق

و مع إنه معطي للسيارة شكل

لكني أحياناً أحس بشوية ندم

و التخريم يتثبت أحسن لكنه تعرف يظل الأثر لو بغيت تشيل الجناح

بس الأكورد 2006 حلوة بدون جناح صح ؟؟؟

مشكور اخوي اكورداوي على موضوعك.
انا سيارتي اكورد 2004 لكن بدون فتحة ممكن اركب لها فتحة؟وكم تكلف تقريبا؟تعرف محلات في دبي او الشارقة يعملوها؟ومشكور

المشاركة الأصلية كتبت بواسطة ACCORD FOR EVER

مشكور اخوي اكورداوي على موضوعك.
انا سيارتي اكورد 2004 لكن بدون فتحة ممكن اركب لها فتحة؟وكم تكلف تقريبا؟تعرف محلات في دبي او الشارقة يعملوها؟ومشكور

العفو يالغالي ..

المحلات كثيره الي تسوي فتحات وعندنا بالسعوديه وخاصة بالدمام معروف عندنا محلات السلام تسوي الفتحه ب 3500 ريال ..

لكن عندكم أكيد فروع لشركة زيبارت الأمريكيه وهي تسوي فتحات لكن غاليه شوي تقريبا وهذا الي عرفته من شخص ركب فتحه من عندهم لكن على فورد ,,
يقول كلفته تقريبا 5000 ريال سعودي ..

الله يعينك ان شاء الله ويكتب لك الي فيه خير ..

تحياتي ,,

المشاركة الأصلية كتبت بواسطة نيكول كيدمان

السلام ... انا عضو جديد في المنتدى وفي عالم الهوندا ... موتري 2005 فل كامل ابيض ... اتفقت انا وحرمي على تسميتها نيكول كدمان :d:d... ابي اركب صدام وشبك نيكل 2006 على الموتر ... لكن هل يركب الشبك و القفش حق الصدام على طول او لازم اشتري قاعدة الصدام 2006 ... وكم السعر ؟؟؟

وكذلك وين احصل اللحيه الاماميه اللي في الصدام الامامي كما هو واضح في الصورة ... وكم السعر ؟؟؟

... :d كذلك الشكة ( الجناح الخلفي الوكالة ) ... هل توجد عند الوكالة ام لا ... وكم سعرها ؟؟؟

وايضاً .. كم سعر اطارات الكشافات

وشكراً ... لكم ... ارجور الرد ... مجروح كيدمان ( كيدمان هي سيارتي المحروسة :d )

هلا وغلا بيك أخوي ,,

أما بالنسبه للصدام حق 2006 فهو غالي جدا في الوكاله ب 2300 ريال مع الصبغ ولو تشتري نفس الي بالصوره ب 1000 ريال من غير صبغ وتصبغه وكاله ب 500 ريال أحسن لك ..


أما اللحيه فما شفت محلات تبيع لحيه للأكورد لكن محلات الفيابر يقدرون يسوون لك نفس الشكل هذا وماعليك الا انك تجيب لهم الصوره هذي وهم يضبطونها لك ان شاء الله ,,

أما الجناح فللأسف الوكاله لم توفره وأتوقع لو توفره راح يكون غالي جدا لكن خذه تجاري ب 130 ريال أفضل لك ,,

أما الكشافات فهي ب 170 ريال ,,

تحياتي ,,

المشاركة الأصلية كتبت بواسطة الهامر_جدة

اخوي ممكن بس سعر الوصلة تبع الجهاز الآيبود
والجناح الخلفي بالنسبة لموديل 2007
وهل يمكن احصل على هاذي القطع في جدة مع الشكر يا خوي
يريت ترسله ليه على الميل
تحياتي

هلا بيك اخوي الغالي ..

أما بالنسبه للوصله فلأسف ماعندي أي خلفيه وياليت لو تكتب سؤال في قسم الأنظمه الكهربائيه لأني اتوقع عندهم خلفيه ..

اما الجناح ففيه أنواع منها الوطني وسعره تقريبا 130 ريال ومنه الصيني 160 ريال وفيه التايلندي ب 300 ريال وانت لك حرية الأختيار ,,;) <-- الأسعار حسب توقيت مدينة الرياض :d

تحياتي ,,

المشاركة الأصلية كتبت بواسطة MAX177

السلام عليكم000

حبيت اسأل هل اقدر اني اركب نظام التحكم بالصوت بالدركسون00
وهل الوكاله تركبها والى لا00
والوكاله تركب اكسسوارت ثانيه للسياره

(السياره: اكورد 2007)



مشكووووووووووووووووووووووووور

بالسنبه للتحكم بالصوت فأكيد انك لقيت الجواب الشافي في قسم الأنظمه ..

اما الأكسسوارات في الوكاله فللأسف ماعندهم الا مسجل وكشافات بس ..

الكشافات ب 1040 ريال

المسجل ب 1200 ريال تقريبا

المشاركة الأصلية كتبت بواسطة عاشق الأكورد2006

كيف الحال اخوي اكورداوي بالله اذا تكرمت ابي المعجون حق الخدوش للسيارة وكم سعره بلضبط ووين وانا دائما اسال الاقارب لي اللي عندهم اكورد ولا غيره يقولون ان الوكاله يعطوني بس ما عطوني واذا عطوني وين القاه باي مكان في السيارة وشكرااااااااااااااااااااا

هلا والله أخوي عاشق الأكورد .. والله ابشرك اني بخير دامك بخير يالغالي ,.

وبالنسبه للمعجون .. ان كنت تقصد البوليش فهذا يباع في محلات الزينه ب 15 ريال فقط أما ان كنت تقصد القلم حق التلقيط والصبغ الي يجي مع بعض السيارات فهذا للأسف مايجي مع الهوندا ,,


وأما وصلة الاي بود فهذي أتوقع تلقى اجابتها في قسم الأنظمه ان شاء الله ,,