الي يبي زينه للأكورد يتفضل...

**أكورداوي** · 31-03-2006, 10:51 PM

من هنا نستطيع تبادل الخبرات حول الاكسسوارات الموجوده لسيارات الهوندا عموما ..

من خلال طرح أسعار القطع ونقاط بيعها ..

فياحبذا أن كل شخص ركب أي اكسسوار للسياره انه يفيدنا بنوع الاكسسوار وصوره له اذا أمكن مع السعر ومحل الشراء ..

**أكورداوي** · 01-04-2006, 11:53 PM

شكلكم ماتبون...

على العموم احنا على الخدمه بأي وقت..

**أكورداوي** · 01-04-2006, 11:53 PM

شكلكم ماتبون...

على العموم احنا على الخدمه بأي وقت..

**راعي الاكورد** · 04-04-2006, 11:02 AM

انشاله اذا احتجنا شي بنسألك عنها

ماتقصر اكورداوي

لكن عندي سؤال صغير اذا قدرت عليه زين ماقدرت عليه لا اتعب روحك نبي راحتك

السؤال هو كم سعر الجنوط الهوندا اكورد الي من موديل 2003 الى 2005 التجياري وليس الاصلي لان صديقي يبي ايركب الجنوط على اكورد موديل 2000 ولا تنسى ان الجنوط الاصلي خمسه اما الاكورد 2000 اربعه

يعطيك 100000000000 عافيه

**أكورداوي** · 04-04-2006, 11:57 AM

سؤال حلو أخوي راعي الاكورد .. لأن الجنوط أكثر شي يغيرونها أصحاب الاكوردات...

سعرها عندنا بحدود 1200 ريال من غير كفرات طبعا...

**NEO FOX** · 09-04-2006, 11:35 AM

أخوي أكورداوي

شكرا على الموضوع الجميل

ابحث عن اصطبات اكورد 2005 ابو عدسات ...

جناح خلفي ... رياضي

دعاسات اكورد جيدة وليست رديئة الصنع ...

كشافات ...

عتبات باب مضائة

دواسات رياضية

صدام امامي كما بالصورة

صطبات خلفية LED

أخاف طولت عليك .... ياريت تقلي من وين اجيبها بجدة او الشرقية ... وكم سعر كل منها ...

ويعطيك الف عافية

**أكورداوي** · 11-04-2006, 02:02 AM

العفو أخوي NEO FOX

بالنسبه للأسطبات سعرها عندنا بالدمام 1000 ريال ... للأثنين

أما الجناح ففيه نوع ب 100 ريال من غير صبغ بس بصراحه ماعجبني لأنه صغير شوي..
وفيه نوع ب 200 ريال وحلو وايضا من غير صبغ ..

بالنسبه للدواسات فبصراحه مالقيت مثل النوع هذا الي مكتوب عليها أكورد .. لكن ان شاء الله أدورها لك ..

الكشافات سعرها حدود 250 ريال..

العتبات المضيئه أيضا 250 ريال..

الدواسات رخيصه لكن لأ علم بالضبط كم بأستفسر أيضا..

الصدام الامامي موجود عندنا بالدمام يجي معه كشافات وشبك نيكل رايق وسعره تقريبا ب 1600 ريال

الاسطبات الخلفيه الي بالصوره اسطبات ازيرا هيونداي لكن الشرائح الي تركب على الاكورد سعرها تقريبا 80 ريال للشريحه الواحده وفيها 20 شمعه ويجي منها نوعين مستطيل ودائري بس المشكله فيها انه نادرا تلقى محل ثقه يركبها لك صح وراح يكلفك تركيبها أكثر من سعرها وياليت الشباب يفيدونا عن أفضل محلات لتركيب الشرائح

أتمنى اني أكون أفدتك واسمح لي على القصور ويسعدني تواصلك على so0o0o0k@hotmail.com

**عمر البيشي** · 16-07-2006, 09:16 AM

:p

المشاركة الأصلية كتبت بواسطة راعي الاكورد

انشاله اذا احتجنا شي بنسألك عنها

ماتقصر اكورداوي

لكن عندي سؤال صغير اذا قدرت عليه زين ماقدرت عليه لا اتعب روحك نبي راحتك

السؤال هو كم سعر الجنوط الهوندا اكورد الي من موديل 2003 الى 2005 التجياري وليس الاصلي لان صديقي يبي ايركب الجنوط على اكورد موديل 2000 ولا تنسى ان الجنوط الاصلي خمسه اما الاكورد 2000 اربعه

يعطيك 100000000000 عافيه

**sul6an** · 03-09-2009, 03:25 PM

المشاركة الأصلية كتبت بواسطة راعي الاكورد

انشاله اذا احتجنا شي بنسألك عنها

ماتقصر اكورداوي

لكن عندي سؤال صغير اذا قدرت عليه زين ماقدرت عليه لا اتعب روحك نبي راحتك

السؤال هو كم سعر الجنوط الهوندا اكورد الي من موديل 2003 الى 2005 التجياري وليس الاصلي لان صديقي يبي ايركب الجنوط على اكورد موديل 2000 ولا تنسى ان الجنوط الاصلي خمسه اما الاكورد 2000 اربعه

يعطيك 100000000000 عافيه

انا معي جنوط اكورد 6 سلندر موديل 2005
http://www.hondaarabia.com/club/showthread.php?t=25982

**BLK** · 14-04-2006, 02:51 PM

أهلييييييين أخوووووي ...

مشكور على الموضوع ... و أتمنى إنك تساعدني ...

أنا أبحث عن نسافات أكورد تجارية موديل 2005 ... مثل الي بالصورة ..

و ياريت تقول لي السعر و إسم المحل لأني أريدها إن شاء الله ...

و أيضاً أريد الدواسات الرياضية ... حق الأكورد مثل الي بالصورة الي في الرد السابق ...

بإنتظار ردك ... و أنا من الدمام ......

تحياتي لك و مشكور على الرد مقدماً ...

**BLK** · 14-04-2006, 02:53 PM

و الشرائح ... يا ريت أحد يعرف و يسأل لنا ...

**اكورد 2006** · 18-04-2006, 10:28 AM

هههههههههههههههههههه اكورداوي منهو اللي مهو دال على توصيفك انا دليت المحل بس الشارع تجي عليه محطتين على اليسار واليمين لتأكيد يعني ههههههههههههههه

**BLK** · 21-04-2006, 12:50 AM

هلا أكورداوي ...

صراحة وصفك :d ...

المهم رحت المحل ... والله صراحة محل ممتاز ... بس أقوله وش عندك أشياء للأكورد يقول سسبنشنات جنوط اسطابات :d

قلت له أشياء خفيفة الله يخليك ...

المهم أخذت من عنده النسافات ب 220 ريال ... لأني قلت له كاتبين عنك في المنتدى :d

مشكور أخوي .....

**BLK** · 21-04-2006, 12:56 AM

على فكرة ... اسم المحل ....

**fooord070** · 22-04-2006, 08:34 AM

مشكورررررررر اخوي أكورداوي

**أكورداوي** · 22-04-2006, 02:33 PM

حياك الله أخوي هشام معنا..

أنتظر دخولك للماسنجر ضروري الليله ...

**امير** · 23-04-2006, 12:49 PM

مشكورين والله انا محتاج اشياء كثيره للهوندا تبعي
ان شاء الله ادل المحل
اخوي اكورداوي انا ضفتك في الماسنجر وانتظرك تدخل ابيك تدليني عدل خخخ
والله شكله رهيب المحل دا ان شاء الله اتوفق واوصل له

تحياتي

**بوفاطمة** · 25-04-2006, 10:25 AM

السلام عليكم....

هذا المحل جنب بيتنا ولا أدري عنه... والله فشيله :p

عموماً أنا عندي أكورد أسود 4 سيلندر... سؤالي هل ممكن أركب فيها التالي:

مؤشر قياس درجة الحرارة الخارجية

مرآة داخلية لتخفيف توهج الأضواء

وإذا ممكن، وين أحصلهم ومين يقدر يركّبهم لي.

أنا أيضاً أبحث عن التالي:
دواسات محترمة

قير خشبي لأني مركّب تخشيبه وودي أركب قير خشبي حتى يتناسق مع الديكور

أنا مفصّل برقع أجرب للسيارة وودّي أشتري برقع محترم مثل هاللي في الصورة:

أزباق كروم أمامية وخلفية (ماأدري كلمة أزباق من أي موسوعة جاية :D)

ودّي بعد أركب شاشة مع دي في دي بس أبي نوع محترم من شركة محترمة حتى لا يخرب لي كهرباء السيارة

شاكرين سرعة ردكم
أخوكم المشترك الجديد بوفاطمة

**أكورداوي** · 27-04-2006, 07:39 PM

هلا حياك الله أخوي أمير ..

وصلتني اضافات كثيره هاليومين وبصراحه ما أعرفهم فعشان كذا ياليت اذا دخلت الماسنجر ولقيتني موجود تعلمني انك انت امير .. واعذرني هالفتره راح أدخل بماسنجر الجوال لأن اشتراك ال Dsl انتهى وما راح أجدده الابعد الاختبارات .. لكن تلقاني يوميا على الماسنجر حق الجوال بس حاول تصيدني ..:d :d

أخوي بوفاطمه..
بالنسبه لمقياس الحراره ما تقدر تركبه لأنه غير متوفر هنا (( فقط المواصفات الخارجيه ))
أما بالنسبه للمرآه فممكن الوكاله يركبون لك (( ما أدري مجرد توقع ))
اما الدواسات ممكن تلقاها بالمحل (( جاركم :d ))
القير وما أدراك مالقير ... اذا لقيت مثله عطني خبر
روح شارع الملك سعود ان شاء الله تلقى تفصيل برقع مثل الي بالصوره بس أهم شي خذ الصوره وياك..
بالنسبه للأزياك فالأمامي مايجي الا مع الصدام وسعره 1600 ريال شامل للكشافات.. أما الخلفي يجي لكن بس فوق اللوحه وما شفت تحتها ولا جوانبها .. ب 100 ريال..

أرجو اني افدتك..

**أكورد2005** · 28-08-2006, 10:27 PM

مشكور وما قصرت

**هـ ل ن السعوديه 818** · 29-08-2006, 04:55 AM

مشكور اخوي اكوردي
انا ادور كشافات اكورد2006 و انوار زينون
وابسال اذا زينون الالتيما يركب عليها

**بوفاطمة** · 27-04-2006, 10:02 PM

مشكور أستاذ أكورداوي على الرد السريع

القير عفست عليه الدنيا في الدمام - الخبر - الأحساء بس مالقيت مثله

بالنسبة للبرقع سألت في شارع الملك سعود بس مافي أحد يسوي مثله لأنهم يقولون انه مايضبط لأنه مع الهوا والسرعة يطقطق على الكبّوت

بالنسبة لقطعة الكروم اللي تتركب وراء لقيته في المحل اللي جنبنا وسعرها 80 ريال

عموماً البحث مازال جاري عن القير

هل تعرف محل ثاني في الدمام يبيع اكسسوارات للأكورد ؟؟

أخوك/ بوفاطمة

**BLK** · 29-04-2006, 03:34 PM

أخوي بو فاطمة ... وين شفت القطعة الكروم ب 80 ريال ؟؟؟؟

لأني شفتها ب 120 ريال !!!

**امير** · 28-04-2006, 12:07 AM

مشكور على الرد
وانا انتظر تخلص اختباراتك بنجااح وبعدين نسولف في المسنجر خخخ

تحياتي

**Accord 4 EvEr** · 30-04-2006, 09:12 AM

السلام عليكم ورحمة الله وبركاته

بالنسبه للي يسأل عن المحلات اللي تسوي شرايح Led فيه محل واحد محترم بالدمام
اللي هو على شارع الظهران وانت باتجاة كوبري الدمام - الخبر الجديد يصير الدفاع المدني حق العدامه على يمينك تشوف المحل على يسارك لوحته كبيره ومرسوم عليها هيدرزات

اتمنى اني افدتكم