ماشاءالله عليك يابوعبدالعزيز
كفيت ووفيت
وكل من شارك معك مصعب ومطنش بيض الله وجيهكم
ويعطيكم الف عافية
بسم الله الرحمن الرحيم
الحمد الله رب العالمين والصلاة والسلام على اشرف الانبياء والمرسلين
السلام عليكم ورحمة الله وبركاته
موضوعنا اليوم .. عن طريقة تركيب كشافات للاكورد 2008-2009
يتم تركيبها على فئة (السبشل-السياحي)
نبدا معاكم بالشرح مزود بالصور
..
الكشافات قبل التركيب
>>ترا ماسرقها
نبدا بالسياره
نفك الصدام
تفك اللي فوق من جهة الراديتر
بعدين تفك الي تحت
ويجي دور جوانب الصدام
بعد فك الصدام
يتم فك القطع البلاستيكيه مكان الكشافات
تركيب الكشاف
وشوف امتداد الحديده على حافة الصدام
نجي الحين للفيش الي موصل من الظفيره
طبعا يكون موصل لجميع فئااات السيارات
وكل اللي عليك توصل الفيش ويكون كل شي تمام
بعدين نرجع نركب الصدام
بنفس طريقة فكه ..
ويطلع كذا
الحين انتهينا من الصدام
باقي تركيب عصاء النور
اول شي طريقة الفك تكون بالضغط من الجانبين وتفك الطبقه الي فوق
بعدين بتشوف الحفله الي قدامك
وتبدا تفك مسمار مسمار
تربط اخر مسمار
بعدين تركب الغطا
الحين يتم عمليه وزن النور
طبعا خوينا يبي وزن النور للواطي وللكشافات
الحمد الله انتهينا
ويتم تركيبه من ساعه الى ساعه وربع >>اذا نويت تجيب شاهي:d
والدعوه يبيلها روقان .. اذا بتركبها بنفسك.. لان الكلبسات لو تخرب راح تنظف خشمك بمنديل محطه :p
اشكر كل من ساهم في تركيب الكشافات
كـوكـو كـورد
OMRY
مطنش>>شرفنا في وقت وزن النور
وان شاء الله التقرير يحوز على رضاكم
واي خدمه .. اتز مي موجود
0
0
ماشاءالله عليك يابوعبدالعزيز
كفيت ووفيت
وكل من شارك معك مصعب ومطنش بيض الله وجيهكم
ويعطيكم الف عافية
الله يجزاك خير على الشرح لكن انا ركبتها وقضيت
حطيت زر للكشاف جنب زر وزن النور وريحت راسي
ماشاء الله عليك يامحمد
مبدع صراحه
-----------
بس تصدق شغلتها شغله صراحه
مو زي 06-07
لا فك صدام ولا يحزنون
-----------
بالتوفيق
:(
يعطيك ربي الف عافيه ياغالي ..
وابشرك ركبت اللي انت خابر ..
بس بغيت اجيب العيد اكثر من مرهـ .. الله يقلع ام اللي اخترع الكلبسات خخخ ..
فكيت الصدام مرتين .. الاولى ماضبط معي مررهـ .. والثانيه ضبط الحمد لله وتم التركيب خخ ..
بس حبيت اسألكـ ..
اللي كسر وحده من قواعد الشمعهـ .. الكلبسات اللي تركب تحت الشمعه .. انا واعوذ بالله
من كلمه انا كسرت قاعده منهم اللي تحت الشمعه اليمين بالضبط :p .. وش الراي ..
الحين فيه مسافه بين الصدام والشمعه .. لكن جنب المكان ذا بالتحديد الوضع اوكيهـ ..
الكلبسات الله يسعدها ماسكه الوضع خخخ .. الوضع يستاهل قاعده جديدهـ ؟؟
بس الله يعطيك العافيهـ ياغالي .. شغل اوكيهـ .. وعقبال الـ 6 سيديات ..
مبدل الاسطوانات المزود بأمكانيه 6 سيديات قابله للتغير تلقائيا .. :p
ابي اسالك الي حوالين الكشاف سيلكون ولا شوو ..؟؟
وربي يعطيك الف عاافية
.....
ماشاء الله مبدددددددددددع اخوي بس عندي سوعال ولو انه ماله دخل بالـ 2008 انا عندي 2007 ومركب كشافات تجاريه وودي اركب العصا ( عشان اللمبه اللي بالطبلون ) اذا افترضنا اني شريته مثلا من التشليح ,,
هل اذا فكيت الصدام راح القى فيش جاهز زي الـ 2008 ولا لا ؟؟؟
زي هذي ::
او حالته حاله ؟؟
تحياتي ..
الله يعافيكـكويس انك ريحت راسك بس فيه ناس تفضل الفاصل
>>علشان يصير صدقي:d
ثانكيووو
وكل موديل يفرق عن الثاني .. حتى موديل موتري يبيله فك صدام
صحيح انلحس شوي من توصيفك بس مايمنع يكون الوضع لايف
خلني اشوفها اذا هي واضح او تعال سالمك الله اوريك الكاتلوج اذا حصلتها وقدرت احلها كويس .. او الله لايهينكـ تسيير على فيبر جلاس فيه واحدن بالشفا اسمه برتو بلاس
لا مب سيلكون
ماسوينا اي شي
صحيح وقتها تورطنا .. بس دقينا على واحد من الربع معاه فل وشفنا الوضع
واتضح بانها بنفس التركيب بدون سيكون وبدون اي مواد حافظه :d
0
0
ماشاء الله عليك يا محمد يالتوفيق يااارب
جوزيف
تسلم أناااملك يا محمـــد...
لعيون قريت الموضوع كله ...:o
مع اني معي فــل ,,, :d
يعطيك الف عافيه ابو حميد .. شرح وافي
بالنسبه للـ 2007 ما يحتاج فك صدام
اذا انت مسوي لها تمديدات من جديد غير تمديد اسلاك الوكاله كل اللي عليك انك تفك الكشاف وتشبك السلك حق الوكاله اللي ورا الكشاف مثل اللي بـ 2008 تحصله (بس يبيلك تمد يدك لان السلك مربط بشطرطون جوا الصدام)
وتروح تركب الفاصل الاصلي وتشتغل معك زي العسل
..
....
اللـهـ يعطيـكم العـافيـهـ ياشبـاب
وربي إنكـم أخـلاق وفلـه كمـان ,, تبذلون قصـارى جهـدكـم لأجـل شبـاب المنتـدى << وش عـندهـ المتنـبيء :d
واللـهـ الصـدق تستـاهلـون كـل خيـر
وتم حفـظ الصفـحه في المفضـلهـ ;)
,,
شـرح وااافــي وكـافي بـس فـكـ الصدام مشـــــــــــــــــــــــــوار :d
يسلمكـ ربي .. كويس ان معاك فل.. علشان تعرف بكره كيف تركب للسياحي
وماتجي من الشرقيه علشان تركيب بسعر كويس;) حبيب البي
وياك ياغالي,,
متميز بحضور سعادة سموك
الله يعافيك
يعافيك ربي
0
0
اخوي محمد عندي الكشاف يصيد العصافير مو موزون هل يمكن وزنه لأن اللمبات كبس
ممكن يكون من التركيب .. ماركب صح
لازم تفك الصدام علشان تركب الكشاف بالطريقه السليمه..وتوزن المسامير صح
... في حاله ان الكشافات تجاريه..تعيد تركيب اللمبه ..
0
0
ماقصرت يابوعبدالعزيز
انت ومصعب ومطنش ،، على هالشرح
بيض الله وجيهكم
ويعطيكم الف عافية
تسلم والله على الشرح الوافي وماقصرت ..
اخوك غرك زمانك ..
يعطيك العافية محمد على الشرح الوافي
...
بس عندي سؤال؟؟
....
اكورد 2005 نفس الطريقة واللا يختلف ؟؟ يعني اسلاك الظفيرة تجي جاهزة او لا ؟؟؟ واذا بغيت اركب وش احسن حل وطريقة مضموووونة 100 % ؟؟؟؟ زي ما انت عارف 2005 مايجي فيها كشافات:(
....
تحياتي
يعطيك العافيه يا محمد.........
كفيت ووفيت..
مشاء الله والله شغل صح والله هذي الموضيع الممتازة والله يعطيكم العافية على مجهودكم ونبارك لصاحب الملكة الكشافات ألف مبروك ....
يعطيك العافية ع الموضوع ،،
الي صار قبل حول شهرين خخخ
طبعاً التركيب المفروض ماياخد اكثر 45 دقيقة ..
لكنها كانت اول مرة .. والرجال الا يبي يسوي شغلة في القطعة السودا خخخخخ وخذت وقت كثر وجرح غبي في رجلي بسبتها خخخ
المهم .. انتبهو لما تفكون الكلبسات ،،،
الله يعافيكثانكيو,,
والله مادري عن موديل 2003-2005 لان هي ماجت بكشافات
ماقدر اعطيك كلام وانا ماشفتها من الاصل ..يعني ماشفت التمديدات ولا شفت تحت الصدام وش فيه ..العفو ياصقيقي,,الله يعافيكـ ياكويس,,
كويس انك معترف ..قاعد تلعب بالسكين . وجرحت رجلكـ فأنا وش ذنبي ..
اهم شي طلعنا بنتيجه .. حبيبي البي:d
0
0
الأكورد هذي ماهي غريبة علي
:p
مواقع النشر (المفضلة)