محتآج دعمكم .. لمستخدمـي هوندا أكوورد

**سـري للـغـايـه** · 30-01-2009, 09:58 PM

السلام عليكم ورحمة الله وبركآتـه ..

عندي سؤال .. ومحتآج دعمكم .. والأجآبه عليـه

فضـــلاً لا أمـراُ ..

,’

أوآجـه مشكـله في زجآج السيآره الأمآمـي "

حيـــث أنـه فيه كســر (( شعـر )) بالزجآجـه .. وأرغـب بأقآفهـا أو تلحيمهـا ..
ومثل مآ أنتم عآرفيـن قيمة الزجآجه الأمآميه لدى الوكآلـه .. وعـن سعرهـا البآهـض على غيـر حق ..

,’

من لديـه الأفآده فل يتفضـل مشكـوراً ..
ولكم منـّي خآلص الشكـــر ..

**بداياتي** · 30-01-2009, 10:10 PM

روح لأي محل زجاج خله يوقفه بالليزر
وإن كان صغير بعده فيه طريقة ما ادري شنو يسموها
يسوي دائرة على الشعر ويوقف مايطول الدائرة

شوف أهل الرياض يدلوك أماكن

كل التحية

**الـمـسـافـر** · 30-01-2009, 10:12 PM

وعليكم السلام ورحمه الله وبركاته

يقولون فيه محل اسمه دكتور الزجاج بطريق خريص

او فيه واحد بالصناعيه القديمه قبل الاشاره حقت السالم للزجاج

يلغي لك الكسر بنسبه 90% باذن الله

**Y.k.A** · 30-01-2009, 10:19 PM

رح اي حل زجاج خلة يسويلك طب الزجاج يحط دائرة صغيرة على الخط الشعر علا شان يوقفة

**gray2008** · 31-01-2009, 11:24 AM

روح لمحلات الزجاج وخليه يعالجه لك خلك من انه يحط لك دائره عليها ومادري ايش
اول شي بيطلع شكلها بايخ وثاني شي مو اي احد يزبطها لك ممكن يسويلك دائره في القزاز سطحيه ويكون الكسر اللي في القزاز عميق وقتها ماراح تفيدك الدائره الا انها خربت لك شكل القزاز وراح يستمر الكسر يمشي والدائره ماتوقفه

لكن روح لمحلات تصليح الزجاج ويزبطونها لك وراح تختفي بنسبه كبيره على الاقل 70% والاهم انه ماراح يتمدد الكسر

انا رحت لمحل في الصناعيه في سوداني وفلبيني متخصصين في القزاز وفلبيني ثاني حق تلميع شمعات بلاستيك
ويعطونك عليه ضمان سنتين

مكانه زي ماقال اخوي المسافر في الصناعيه القديمه قبل اشارة السالم للزجاج بتقريبا 20 متر اسم المحل زجاج وترا فيه بعده على طول واحد يماني كمان مادري عنه بصراحه لكن ما اوثق في شغلهم صراحه

**ـبطرانـ2005ــ** · 31-01-2009, 11:50 AM

ايه بس اذا حطيت دائرة >>> ممكن ما تمشي بالفصح اذا جيت تجدد استمارة>>> على حسب كلام واحد

انصحك بمعالج الكسر

**المـــــلكـ اكـــــورد** · 31-01-2009, 12:44 PM

اهم شي اذا صلحت الكسر خلي الفاتوره معاك علشان الفحص الدوري مايتكلموا معاك وان تكلموا عطهم الفاتوره وتمشي سيارتك <<مجربها

**المباشر** · 31-01-2009, 12:56 PM

أول شي تسويه حط لزقه على مكان الكسر علشان الغبار والوسخ مايتجمع ويصعب عملية الأصلاحِ

**FiRe || TeaR** · 01-02-2009, 06:58 AM

حط دائرة على الكسر اذا كان صغيرهـ مرهـ << بالفرجار
عشان مايتوسع الكسر وتأكله

**البــــــاشا** · 01-02-2009, 04:38 PM

من الخطاء وظع لزقه لى الكسر << سويت كذا وقلي انه اكبر خطاء الي صلح الكسر

قال لو جيت على طول كان ماقدرت تشوف الكسر بعد الاصلاح باليزر

لان الزق يجمع الماده الي عليه جوا الكسر

**المباشر** · 02-02-2009, 09:42 AM

طيب واذا ماحطيت لزقه وتجمع الغبار من الجو الرائع عندنا وش تسوي بعدين اذا قالك والله ماأقدر لأنه مجمع غبار داخل الكسر !!!

كلامك صحيح اخوي الباشا لكن المهم الواحد يصرف نفسه يحط له ورقة ويلزقها من الجوانب او غيره المهم يمنع الغبار والأتربة توصل للكسر

صارت لواحد من الشباب خلاها 10 أيام وكل مرة يقول عندي دوام مايمديني