للأسف راح الضمان عليك لكن حاول أنك تروح للمدير وتكلمه بلطف مثلا انك ماتدري أو ماعندك فلوس ألخ ...
السلام عليكم ورحمة الله وبركاتة
كيف حالكم يا شباب ؟؟ أنشالله بخير..
أنا سيارتي أكورد 2008 طلع لي صوت أزعاااج صوت طقطقه
في ديكور باب السواق!! وصوت في ديكور القير وقفل تأمين الشنطة ما يقفل.
ورحت للوكالة علشان ادخلها صيانة 50.000 ويصلحون الأصوات الي فيها على الضمان..
وسألني المهندس: قال انت ملتزم با الصيانة الدوريه يعني تسوي صيانة في الوكاله كل 5000 ؟
قلت له : ما جبتها الا مره وحده صيانة 1000 . مع العلم السياره ماشية 46000 .
قال المهندس : أجل على كذا الضمان راح عليك لأنك ما ألتزمت بالصيانة الدوريه.
قلت له: لازم أجيبها كل 5000 علشان مايروح الضمان.
قال المهندس : أية.
ما أدري يا شباب وش الحل هل هو صادق الضمان راح :(؟
للأسف راح الضمان عليك لكن حاول أنك تروح للمدير وتكلمه بلطف مثلا انك ماتدري أو ماعندك فلوس ألخ ...
لا ياغالي اتوقع كلامه مهوب صحيح ..
تأكد من مدير الصيانه وكلمه وماعليك منه ..
منهو بالله المهندس .. وش اسمه .. لان لو كان عمر فاروق ولا لاوريل بيطق فيني عرق :p ..
صارت لي مشاكل معهم قبل .. وماعليك .. المشاكل اللي بموترك تتصلح على الضمان
بس انشب لهم ولايردك احد ..
وياليتك دخلتها على صيانه الـ 40 الف ..
لانه اهم من 50 .. وفيها اشياء واجد تتغير ..
على العموم ارجع لهم ورد لنا خبر ..
التعديل الأخير تم بواسطة A C C O R D 0 8 ; 01-02-2009 الساعة 12:52 PM
والله يا أبن الحلال......... نفس الكلام هذا قالوا لي مثل ما قالوا لك؟
فعلاً لو تلاحظ شروط الضمان يمكن تستنتج هذا الكلام منه..........
لكن اجعل من نفسك مجادلاً(عبيط)فأما أقنعتهم او أقنعوك...............
هذا ما أحببت قوله .....وشكراً:d
يا رجال يبي يصرفك بس
انا ما دخلت سيارتي من طلعتها من الوكاله الا على صيانه 40الف
وصلحت كل المشاكل اللي عندي ع الضمان
..
....
بالنيابه عن لا اخوي سلطان موديلها 2007
يارجال هم يصرفون لا افوا لك لسان صارت على الضمان ولاصار العميل مخفه مشوها عليه
طول لسانك والا جبها بطريقتك مايبلها شي وكل شي على الضمان
انا موتري 2008وما دخلتها الا 10تمام والحين ماشي حول ال85الف وماني مدخلها الا قبل ال99بشوي
والله لو اروح له ويقول لي كدا اقلب الوكاله والصيانه على راسه شدعوه ضمان السياره 100 الف تقول لي راح الضمان تلعب على مين ؟؟
طيب والي ماعنده فلوس يجيبها الضمان شنو يسووي تصير سيارته مو مضمونه ؟؟ ادا كلامه صحيح لازم توديها كل 5 الاف والله يروح عليك الضمان فهدي طريقه جديده لتحليل المستهلك
الضمان 3 سنوات أو 100.000 ألف كيلو .. أيهما أولاً
ولا يوجد أي شروط سواء تدخل سيارتك صيانه أو لا!
يعني بالعربي .. لا تتفاهم مع الموظف شخصياً .. رح الى المسؤول عن الموظف وتفاهم معـه ..
مواقع النشر (المفضلة)