السلام عليكم

اولا احب اشكركم على منتداكم الراائع جدا..وماشاء الله انا ما قد شفت منتدى يكون الأعضاء فيه متحابين ومتعاونين زي ما شفت في منتداكم...الله يديمكم ويوفقكم..امين


مشكلتي في الفرامل..لما اكون ماشي حوالي 60 فما فوق...ثم ادعس فرامل حتى الوقوف (يعني ادعس فرامل حتى توقف السيارة)...قبل ما توقف السيارة بقليل يطلع صوت صفير ضعييف جدا حتى ما تسمعه الا اذا كنت فاتح النوافذ وقربت اذنك...حتسمع الصوت جاي من الكفر..


مع ان السيارة من يوم ما طلعتها ما كان فيها هذه المشكلة..لكن بعد ما مشيت حوالي 2500 بدأ يطلع صوت الصفير..

بس على فكرة انا ما ادري المشكلة من متى بدأت..لأني في اغلب الأحيان مقفل النوافذ ومشغل المكيف>>تعرفون جو جدة ... يمكن تكون المشكلة من يوم ما استلمت السيارة..ويمكن بعد ما استلمتها بفترة...اللهم هذي الأيام بديت افتح النوافذ لان الجو تعدل شوي..

سيارتي اكورد 2006 سياحي مع فتحة سقف...



انتظر ردكم يا اخوان بفارغ الصبر..

تحياااتي لكم